|
|
 |
| (GMT+08:00)
2006-06-14 10:42:51
|
 |
|
ທ່ານເຈິ້ງຊວນ ຊ່າງເຮັດວີໂອລົງຂອງຈີນ
cri
Author: sayvanny
ທ່ານເຈິ້ງຊວນໄດ້ຕັ້ງຫນ້າຊຸກຍູ້ການແລກປ່ຽນລະຫວ່າງວົງການເຮັດວີໂອລົງກັບສາກົນດ້ວຍຜົນສະທ້ອນຂອງທ່ານໃນວົງການເຮັດວີໂອລົງສາກົນ. ປີ 1997,ເພື່ອຕາບຈູນຊ່ອງຫວ່າງຂອງຈີນໃນດ້ານຈຳແນກວີໂອລົງແລະສ້ອມແປງວີໂອລົງ,ຫັນປ່ຽນສະພາບຫລ້າຫລັງໃນການເຮັດໄມ້ສີວີໂອລົງ, ທ່ານເຈິ້ງຊວນໄດ້ຖືກກະຊວງສຶກສາທິການຈີນແຕ່ງໄປຮຽນຕໍ່ຢູ່ຝຼັ່ງ.ປີ 2002,ທ່ານເຈິ້ງຊວນໄດ້ຈັດງານວາງສະແດງຜົນງານຂອງຊ່າງເຮັດວິໂອລົງ ຈີນຄັ້ງປະຖົມມະເລີກຢູ່ນະຄອນຊຽງໄຮ້.ທ່ານຍັງໄດ້ເດີນທາງໄປປັກກິ່ງ ຊຽງໄຮ້ ນານກິ່ງແລະກວາງໂຈວເປັນຕົ້ນຫລາຍເທື່ອ, ເພື່ອຈັດງານຄອນເສີດແລະຫ້ອງສອນຫົວຂໍ້ຈຳເພາະກ່ຽວກັບດົນຕີທີ່ເສບດ້ວຍວີໂອລົງ,ແລະມັກພິມບົດຄວາມເຜີຍແຜ່ວິທະຍາສາດກ່ຽວກັບການເຮັດວີໂອລົງລົງໃນວາ ລະສານເຄື່ອງດົນຕີຕ່າງໆ.ທ່ານເຈິ້ງຊວນເວົ້າວ່າ:
ຄົນເຮັດວີໂອລົງ,ຕ້ອງເນັ້ນສີມື,ແຕ່ຍັງຕ້ອງເນັ້ນເຖິງສາຍຕາແລະຫົວໃຈ,ເພາະວ່າຖ້າເຈົ້າເບິ່ງບໍ່ອອກ,ມືກໍ່ເຮັດບໍ່ເປັນ, ມືແມ່ນບັນຊາດ້ວຍຕາ,ແຕ່ຕາແມ່ນຟັງການຊີ້ນຳຂອງຫົວໃຈ,ພວກເຮົາເຮັດວີໂອລົງເຄື່ອງຫນຶ່ງແມ່ນເລີ່ມຈາກໂຄງຄວາມຄິດ,ແລ້ວຈິ່ງຊອກຫາວັດຖຸ ຮູບໂສມແລະປີກຍ່ອຍຕ່າງໆເພື່ອເຮັດສຳເລັດຕາມໂຄງຄວາມຄິດດັ່ງກ່າວ.
ໃນຫລາຍປີມານີ້, ລະດັບເຮັດວີໂອລົງຂອງຈີນໄດ້ຂະຫຍາຍຕົວຢ່າງວ່ອງໄວ.ທ່ານເຈິ້ງຊວນເຫັນວ່າ, ຢາກຈໍ່ຕົວເປັນສຳນັກເຮັດວີໂອລົງຂອງຈີນ,ຍັງຕ້ອງທຳຄວາມພະຍາຍາມເປັນເວລາດົນນານ.ທ່ານຫວັງວ່າຕໍ່ໄປພາຍຫນ້າ,ຈີນຈະມີແບບແຜນຂອງຕົນໃນການເຮັດວີໂອລົງ,ແລະປະສົມປະສານວັດທະນະທຳຂອງຝ່າຍຕາເວັນອອກເຂົ້ານຳ.
1 2 3 4
|
|
|
