|
|
 |
| (GMT+08:00)
2006-07-28 10:57:12
|
 |
|
ບ້ານສີ່ຕີ້ແລະບ້ານຫົງ
cri
Author: da
|
ຢູ່ຕີນພູຮວງຊ່ານທີ່ມີຊື່ສຽງໃນແຂວງອ່ານຫຸ່ຍທາງພາກກາງຂອງຈີນ ມີສອງບ້ານຊື່ວ່າບ້ານ"ສີ່ຕີ້"ແລະບ້ານ"ຫົງ",ສອງບ້ານນີ້ມີຊື່ລືນາມຍ້ອນມີເຮືອນບູຮານທີ່ຮັກສາໄວ້ຂ້ອນຂ້າງຄົບຖ້ວນ,ໄດ້ຖືກຈັດເຂົ້າໃນສາລະບານມໍລະດົກໂລກໃນຖານເປັນຕົວແທນເຮືອນບູຮານແຂວງອ່ານຫຸ່ຍຈີນເມື່ອ 6 ປີກ່ອນ.ໃນລາຍການ"ທ່ຽວເມືອງຈີນ"ມື້ນີ້,ດາລາວັນຈະສະເໜີສອງບ້ານດັ່ງກ່າວສູ່ທ່ານຟັງ.
ບ້ານສີ່ຕີ້ແລະບ້ານຫົງລ້ວນແຕ່ຕັ້ງຢູ່ບ່ອນມໍ່ເມືອງອີ້,ຈາກພູຮວງຊ່ານຂັບລົດໄປສອງບ້ານດັ່ງກ່າວຕ້ອງໃຊ້ເວລາໜຶ່ງຊົ່ວໂມງ.ບ້ານສີ່ຕີ້ໄກຈາກເມືອງພຽງແຕ່ 8 ກິໂລແມັດ.ບ້ານນີ້ຈາກທິດຕາເວັນອອກໄປຮອດທິດຕາເວັນຕົກຍາວປະມານ 700 ແມັດ,ຈາກທິດໃຕ້ໄປຫາທິດເໜືອກວ້າງປະມານ 300 ແມັດ.ຍ້ອນວ່າມີແມ່ນ້ຳສາຍໜຶ່ງຢູ່ຂ້າງບ້ານໄຫຼຈາກທິດຕາເວັນອອກໄປຫາທິດຕາເວັນຕົກ,ບວກກັບໃນເມື່ອກ່ອນແຫ່ງນີ້ແມ່ນສະຖານທີ່ສົ່ງຈົດໝາຍໃນສະໄໝບູຮານ,ສະນັ້ນຈຶ່ງໄດ້ຊື່ເປັນ"ສີ່ຕີ້"ແປວ່າ"ສົ່ງໄປທິດຕາເວັນຕົກ".ຢູ່ໃນບ້ານສີ່ຕີ້ມີເຮືອນບູຮານໃນລາຊະວົງມິງແລະລາຊະວົງຊິງທີ່ຮັກສາໄວ້ເປັນຢ່າງດີ 200 ກວ່າຫຼັງຄາເຮືອນ,ໃນນັ້ນ ຫຼັງຄາເຮືອນທີ່ສ້າງຂຶ້ນກ່ອນໝູ່ໄດ້ມີປະຫວັດ 600 ປີແລ້ວ.
 ເຮືອນບູຮານໃນບ້ານສີ່ຕີ້ ສ່ວນຫຼາຍແມ່ນໃຊ້ຫີນແຜ່ນສີດຳເຮັດເປັນຂອບປະຕູແລະປ່ອງຢ້ຽມ. ມີແມ່ນ້ຳສອງສາຍໄຫຼຜ່ານບ້ານ,ເຮືອນຕຶກທີ່ຕັ້ງຊ້ອງໆກັນຢູ່ໃນບ້ານປະສານກັບພູຜາແມ່ນ້ຳທີ່ສວຍງາມ,ເຮັດໃຫ້ນັກທ່ອງທ່ຽວຮູ້ສຶກວ່າ ຢູ່ບ່ອນໃດກໍມີທິວທັດ ຢືນຢູ່ບ່ອນນັ້ນກໍເໝືອນດັ່ງຢູ່ໃນຮູບແຕ້ມ.
 ນາງກ່າວລີ້ເວີນ ຜູ້ນຳທ່ຽວຂອງບໍລິສັດທ່ອງທ່ຽວສາກົນຈີນແນະນຳວ່າ,ຢູ່ໃນບ້ານສີ່ຕີ້ມີທາງຮ່ອມທີ່ມີກຳແພງສູງຕັ້ງຢູ່ຟາກທາງສອງຂ້າງລວມ 99 ສາຍ,ເຮືອນບູຮານ 200 ກວ່າຫຼັງກໍແຈກຢາຍຢູ່ໃນທາງຮ່ອມເຫຼົ່ານີ້,ໃນເວລານັກທ່ອງທ່ຽວຫາກໍ່ມາຮອດບ້ານສີ່ຕີ້ຈະຮູ້ສຶກເໝືອນດັ່ງຢູ່ໃນວັງວົນ.ນາງເວົ້າວ່າ:
"ເຮືອນບູຮານຂອງບ້ານສີ່ຕີ້ມີຫຼວງຫຼາຍພາຍມາກ,ແຕ່ດຽວນີ້ພຽງແຕ່ເປີດໃຫ້ນັກທ່ອງທ່ຽວເຂົ້າຊົມເບິ່ງໄດ້ປະມານສິບສອງແຫ່ງທີ່ຮັກສາໄວ້ຂ້ອນຂ້າງດີທໍ່ນັ້ນ.ເວົ້າສຳລັບເຮືອນບູຮານທີ່ເປີດໃຫ້ເຂົ້າຊົມແລ້ວນັ້ນ,ໄດ້ເກັບມ້ຽນຢ່າງສະອາດທີ່ສຸດ,ເຄື່ອງໃຊ້ໃນເຮືອນ ການຈັດວາງເຄື່ອງໃຊ້ ໜັງສືຂຽນງາມແລະຮູບແຕ້ມລ້ວນແຕ່ຮັກສາເອກະລັກພິເສດຂອງລາຊະວົງມິງແລະລາຊະວົງຊິງ,ເກົ່າແກ່ແຕ່ສວຍງາມຫຼາຍ,ເຄື່ອງໃຊ້ສ່ວນຫຼາຍແມ່ນຜະລິດໃນລາຊະວົງມິງແລະລາຊະວົງຊິງ ແລະຮັກສາໄວ້ຈົນຮອດປະຈຸບັນ."
1 2 3 4
|
|
|
