|
|
 |
| (GMT+08:00)
2006-07-28 10:57:12
|
 |
|
ບ້ານສີ່ຕີ້ແລະບ້ານຫົງ
cri
Author: da
ຢູ່ບ້ານຫົງ ເຮືອນບູຮານຂອງລາຊະວົງມິງແລະລາຊະວົງຊິງທີ່ຖືກຮັກສາໄວ້ຈົນຮອດປະຈຸບັນມີ 300 ກວ່າຫຼັງ,ໃນນັ້ນເຮືອນທີ່ໜ້າຊົມເບິ່ງກວ່າໝູ່ແມ່ນຫໍເສີງຈື້.ແຫ່ງນີ້ເຄີຍແມ່ນເຮືອນຂອງທ່ານວ່າງຕີ້ງກຸ້ຍ ພໍ່ຄ້າໃຫຍ່ຂາຍເກືອ.ສິ່ງກໍ່ສ້າງທັງຫຼັງເຮັດດ້ວຍໄມ້,ຢູ່ໃນເຮືອນປະດັບປະດາດ້ວຍດິນຈີ່ ກ້ອນຫີນ ໄມ້ຄວັດຢ່າງສະຫງ່າລາສີແລະຫຼູຫຼາ.ຕາມເລົ່າກັນວ່າ,ສະເພາະແຕ່ງານໄມ້ຄວັດກໍໃຫ້ຊ່າງຄວັດແກະ 20 ຄົນຄວັດຕັ້ງ 4 ປີ.
ທ່ານລິຈິ້ນ ນັກທ່ອງທ່ຽວຈາກນະຄອນປັກກິ່ງທີ່ເຄີຍໄປຊົມເບິ່ງຫໍເສີງຈື້ເວົ້າວ່າ:
"ຢູ່ຫໍເສີງຈື້ ບໍ່ວ່າແມ່ນຮູບຄົນທີ່ຄວັດໃສ່ໄມ້ ຫຼືຮູບນົກແລະຮູບດອກໄມ້ທີ່ຄວັດໃສ່ແກ້ວ ຝາດິນຈີ່,ລ້ວນແຕ່ແນບນຽນທີ່ສຸດ.ສິ່ງທີ່ເຮັດໃຫ້ຂ້າພະເຈົ້າມີພາບປະທັບໃຈອັນເລິກເຊິ່ງກວ່າໝູ່ແມ່ນຮູບຄວັດໃສ່ປະຕູໄມ້,ມີຮູບເດັກນ້ອຍຜູ້ຊາຍ 100 ຄົນ,ບາງຄົນຖືໂຄມໄຟ ບາງຄົນຕີຄ້ອງຕີກອງ ບາງຄົນຈູດໝາກກະໂພກ ບາງຄົນເປົ່າແກ ບາງຄົນຢຽບໄມ້ໂຖກເຖກ,ຫຼາຍຮູບຫຼາຍແບບ,ໜ້າຊົມຫຼາຍ."
ທ່ານລິຈິ້ນເຫັນວ່າ,ຢູ່ບ້ານສີ່ຕີ້ແລະບ້ານຫົງ,ການຈັດວາງທີ່ຕ່າງໝູ່ແລະເຮືອນບູຮານທີ່ມີເອກະລັກພິເສດ ສາມາດເຮັດໃຫ້ນັກທ່ອງທ່ຽວຮູ້ສຶກເຖິງລັກສະນະພິເສດຂອງໝູ່ບ້ານສອງແຫ່ງດັ່ງກ່າວ,ນັ້ນກໍຄື:ຢູ່ນອກບ້ານມີພູຂຽວ ນ້ຳໃສສະອາດ ຕົ້ນໄມ້ຂຽວອຸ່ມທຸ່ມ; ຢູ່ໃນບ້ານມີນ້ຳຫ້ວຍໄຫຼຜ່ານທຸກຄອບຄົວ ໃສສະອາດຕະຫຼອດປີ; ເຮືອນບູຮານຫຼາຍຮ້ອຍຫຼັງໃນບ້ານຕັ້ງສະຫຼັບສັບຊ້ອນກັນ,ມິດງຽບຫຼາຍ.
ທ່ານຢາງຫົງຊຸ່ນ ນັກສະຖາປັດຕະຍາກຳຈີນເວົ້າວ່າ,ສິ່ງແວດລ້ອມທີ່ເໝືອນດັ່ງຮູບແຕ້ມດັ່ງກ່າວນີ້ໄດ້ດູດດຶງນັກທ່ອງທ່ຽວຂອງຈີນແລະຕ່າງປະເທດນັບມື້ນັບຫຼາຍມາທ່ຽວຢູ່ແຫ່ງນີ້.ທ່ານເວົ້າວ່າ:
"ໃນຖານເປັນຊັບສົມບັດອັນລ້ຳຄ່າຂອງມູນເຊື້ອວັດທະນະທຳທີ່ອຸດົມສົມບູນຫຼາຍສີຫຼາຍສັນຂອງທົ່ວມວນມະນຸດ,ບ້ານສີ່ຕີ້ແລະບ້ານຫົງໄດ້ສ່ອງແສງໃຫ້ເຫັນສະພາບຂອງປະຫວັດສາດລາຊະວົງມິງແລະລາຊະວົງຊິງຕອນນີ້.ນັກທ່ອງທ່ຽວຈີນແລະຕ່າງປະເທດມາທ່ຽວຊົມຢູ່ແຫ່ງນີ້,ສາມາດເຫັນສິລະປະສິ່ງກໍ່ສ້າງທີ່ສວຍງາມປານີດຂອງຈີນ,ທັງຖືກຮັກສາໄວ້ເປັນຢ່າງດີສ່ຳນີ້,ຈັ່ງມີຄຸນຄ່າທີ່ສຸດ."
ທ່ານຜູ້ຟັງທີ່ເຄົາລົບ,ກ່ຽວກັບບ້ານສີ່ຕີ້ແລະບ້ານຫົງກໍຂໍແນະນຳທໍ່ນີ້ກ່ອນ.ຖ້າທ່ານມີໂອກາດ,ຂໍໃຫ້ໄປທ່ຽວມໍລະດົກວັດທະນະທຳໂລກສອງແຫ່ງດັ່ງກ່າວນີ້.ຢູ່ແຫ່ງນັ້ນ,ກາງເວັນ ທ່ານສາມາດໄປຊົມເບິ່ງເຮືອນບູຮານທີ່ສວຍງາມປານີດ,ກໍສາມາດໄປເລາະທ່ຽວຮ້ານຂາຍຂອງເກົ່າຢູ່ຕາມຖະໜົນຫົນທາງທີ່ເກົ່າແກ່.ຕອນຄ່ຳ,ທ່ານສາມາດໄປເລາະຫຼິ້ນໃນໝູ່ບ້ານ,ສຳຜັດກັບຄວາມສະຫງົບທີ່ມີເອກະລັກພິເສດຢູ່ແຫ່ງນີ້.
1 2 3 4
|
|
|
