|
|
 |
| (GMT+08:00)
2006-07-28 10:57:12
|
 |
|
ບ້ານສີ່ຕີ້ແລະບ້ານຫົງ
cri
Author: da
|
ເມື່ອແນະນຳບ້ານສີ່ຕີ້ແລ້ວ,ດາລາວັນຈະແນະນຳບ້ານຫົງສູ່ທ່ານຟັງ.ບ້ານຫົງກວມເນື້ອທີ່ປະມານ 19 ເຮັກຕາ,ຫ່າງຈາກເມືອງອີ້ 11 ກິໂລແມັດ.ບ້ານຫົງມີປະຫວັດສາດຍາວນານກວ່າບ້ານສີ່ຕີ້.ໃນໄລຍະເລີ່ມຈໍ່ຕົວເປັນໝູ່ບ້ານ,ຄົນທັງຫຼາຍມັກປຸກເຮືອນຕາມນ້ຳຫ້ວຍຢູ່ໜ້າພູ.ພາຍຫຼັງມາ,ຍ້ອນປະຊາກອນເພີ່ມຫຼາຍຂຶ້ນ,ເຮືອນທີ່ສ້າງຢູ່ຕາມຝັ່ງນ້ຳຫ້ວຍນັບມື້ນັບຫຼາຍຂຶ້ນ,ຕາບໃດຫາກມີເຮືອນຫຼັງໜຶ່ງເກີດໄຟໄໝ້,ບ້ານໃກ້ເຮືອນຄຽງກໍຈະປະສົບເຄາະຮ້າຍນຳ,ຈົນກະທັ້ງທົ່ວໝູ່ບ້ານກໍຫຼີກເວັ້ນບໍ່ໄດ້.ເພື່ອຫຼີກເວັ້ນບໍ່ໃຫ້ເກີດໄຟໄໝ້ທີ່ໜ້າຢ້ານແນວນີ້,ຊາວບ້ານຫົງຕົກລົງໃຫ້ນ້ຳຫ້ວຍໄຫຼຜ່ານເຮືອນທຸກຫຼັງ.
 ສະນັ້ນ,ໃນສະໄໝບູຮານ ຊາວບ້ານຫົງເຮັດໃຫ້ນ້ຳຫ້ວຍຢູ່ໜ້າພູໄຫຼຜ່ານໜ້າເຮືອນຂອງທຸກຄອບຄົວ,ຊາວບ້ານທັງຫຼາຍເຮັດໃຫ້ນ້ຳໃນເມືອງກາຍເປັນນ້ຳເປັນໂດຍຕະຫຼອດໂດຍອາໄສພູມສັນຖານທຳມະຊາດ.ພ້ອມກັນນັ້ນ ຍັງສ້າງປະຕູນ້ຳຢູ່ຍ່ານເໜືອ,ເພື່ອຄວບຄຸມປະລິມານນ້ຳ,ເຮັດໃຫ້ນ້ຳຫ້ວຍໄຫຼຄືນສູ່ຍ່ານໃຕ້ໃນສຸດທ້າຍ.
ທ່ານຢາງຫົງຊຸ່ນ ນັກສະຖາປັດຕະຍາກຳຈີນເວົ້າວ່າ,ການອອກແບບລະບົບນ້ຳທີ່ຕ່າງໝູ່ແນວນີ້ຂອງບ້ານຫົງ,ບໍ່ພຽງແຕ່ເຮັດໃຫ້ນັກສະຖາປັດຕະຍາກຳທັງໝົດໃນຊູ່ມື້ນີ້ຍ້ອງຍໍຢ່າງບໍ່ເຫືອດປາກທໍ່ນັ້ນ,ຫາກຍັງໄດ້ດູດດຶງຄວາມເອົາໃຈໃສ່ຂອງຜູ້ຊ່ຽວຊານຍິ່ປຸ່ນ ອາເມລິກາແລະເຢຍລະມັນເປັນຕົ້ນອີກດ້ວຍ.ການອອກແບບລະບົບນ້ຳດັ່ງກ່າວ,ນັບໄດ້ວ່າແມ່ນສິ່ງຍອດຢ້ຽມຂອງສິລະປະສິ່ງກໍ່ສ້າງໝູ່ບ້ານສະໄໝບູຮານຂອງຈີນ.ທ່ານເວົ້າວ່າ:
 "ບ້ານຫົງໄດ້ນຳໃຊ້ສິ່ງແວດລ້ອມແລະເງື່ອນໄຂໃນດ້ານພູມສາດຂອງບ້ານນີ້ເປັນຢ່າງດີທີ່ສຸດ.ແຕ່ບູຮານນະການມານີ້,ຄົນຈີນກໍເຄົາລົບທຳມະຊາດ,ນຳໃຊ້ທຳມະຊາດຕາມເງື່ອນໄຂທຳມະຊາດ.ບ້ານຫົງຫັນຫຼັງໃສ່ພູ ຫັນໜ້າໃສ່ນ້ຳຫ້ວຍ,ການລະບາຍນ້ຳສແມ່ນະດວກທີ່ສຸດ,ການອອກແບບລະບົບນ້ຳດັ່ງກ່າວນີ້ສາມາດເຮັດໃຫ້ທຳມະຊາດຮັບໃຊ້ຄົນດີກວ່າເກົ່າ."
1 2 3 4
|
|
|
