|
|
 |
| (GMT+08:00)
2006-08-17 09:39:25
|
 |
|
ທ່ຽວເມືອງຫຼີເຢ່ ເມືອງເກົ່າແຂວງຫູນານ
cri
Author: da
|
ພາກຕາເວັນຕົກແຂວງຫູນານ ພາກກາງຂອງຈີນແມ່ນສະຖານທີ່ທີ່ດຶງດູດໃຈຄົນໄປທ່ຽວ.ຢູ່ໃນເຂດພູດອຍແຫ່ງນີ້,ມີເມືອງເກົ່າທີ່ມີພູຜາແມ່ນ້ຳທີ່ອັດສະຈັນແລະຮີດຄອງປະເພນີທີ່ອຸດົມສົມບູນ.ເມືອງຫຼີເຢ່ກໍແມ່ນແຫ່ງໜຶ່ງ.ໃນລາຍການພາກນີ້,ດາລາວັນຈະພາທ່ານໄປທ່ຽວເມືອງຫຼີເຢ່ແຂວງຫູນານ,ໄປຊອກຮູ້ຄວາມອັດສະຈັນຂອງແຫ່ງນັ້ນ.
ເມືອງຫຼີເຢ່ຕັ້ງຢູ່ພາກຕາເວັນຕົກສຽງເໜືອແຂວງຫູນານ,ແຫ່ງນີ້ແມ່ນແຫຼ່ງກຳເນີດເຜົ່າຖູເຈຍ.ຄຳວ່າ"ຫຼີເຢ່"ໝາຍຄວາມວ່າຖາກຖາງທີ່ດິນ.ເມື່ອປີ2002 ຢູ່ໃນເມືອງນີ້ໄດ້ຂຸດພົບໜັງສືລາຊະວົງສິນ 3 ໝື່ນ 6 ພັນກວ່າເຫຼັ້ມ. ໜັງສືລາຊະວົງສິນແມ່ນເອກະສານສຳເນົາຝ່າຍທາງການທີ່ລັດຖະບານລາຊະວົງສິນບັນທຶກໃສ່ແຜ່ນໄມ້ໄຜ່ກ່ອນຄ.ສ. 2 ສະຕະວັດ,ການຂຸດພົບໜັງສືລາຊະວົງສິນບໍ່ພຽງແຕ່ໄດ້ອຳນວຍຂໍ້ມູນເອກະສານຍິ່ງຫຼາຍໃຫ້ແກ່ການຄົ້ນຄວ້າລາຊະວົງສິນທໍ່ນັ້ນ,ຫາກຍັງເຮັດໃຫ້ຫຼີເຢ່ເລີ່ມປະຈັກຕາຊາວໂລກອີກດ້ວຍ.ນາງທຽນຈິ້ງ ຜູ້ນຳທ່ຽວບອກວ່າ:
"ໜັງສືລາຊະວົງສິນໄດ້ພິສູດວ່າ ເມື່ອ1ແສນຫາ5ແສນປີກ່ອນ ມະນຸດກໍໄດ້ດຳລົງຊີວິດຢູ່ແຫ່ງນີ້ແລ້ວ,ໜັງສືລາຊະວົງສິນຢູ່ເມືອງຫຼີເຢ່ ເມື່ອຫາກໍຖືກຂຸດຄົ້ນອອກມາແມ່ນສີດຳກ່ຳ,ເມື່ອລ້າງແລະຕາກແຫ້ງແລ້ວ,ຍັງໃໝ່ຢູ່ຄືເກົ່າ.ຢູ່ເທິງມີຕົວໜັງສືຫຼາຍໂຕ ພວກເຮົາບໍ່ເຂົ້າໃຈ,ແຕ່ພວກເຮົາສາມາດເຫັນໄດ້ວ່າ,ຮອຍຕົວໜັງສືຊັດແຈ້ງທີ່ສຸດ."
1 2 3 4
|
|
|
