|
|
 |
| (GMT+08:00)
2006-08-17 09:39:25
|
 |
|
ທ່ຽວເມືອງຫຼີເຢ່ ເມືອງເກົ່າແຂວງຫູນານ
cri
Author: da
 ດຽວນີ້ ສິ່ງທີ່ຖືກຮັກສາໄວ້ເປັນຢ່າງດີໃນເມືອງເກົ່າຫຼີເຢ່ມີຖະໜົນຈົ່ງຟູເໜືອ ຖະໜົນຈົ່ງຟູໃຕ້ ຖະໜົນຈ່ຽງຊີ່ ແລະຖະໜົນເຕົ້າຊ່ຽງເປັນຕົ້ນລວມທັງໝົດມີຖະໜົນ 7 ເສັ້ນ ແລະທາງຮ່ອມ 6 ເສັ້ນ,ຖະໜົນຍາວທັງໝົດ 2500 ແມັດ,ມີເຮືອນຢູ່ 500 ກວ່າຫຼັງ,ໄດ້ຮັກສາສິ່ງກໍ່ສ້າງຂອງລາຊະວົງມິງແລະລາຊະວົງຊິງທີ່ມີປະຫວັດສາດ 600-700 ປີແລະເອກະລັກພິເສດຂອງສິ່ງກໍ່ສ້າງດັ້ງເດີມຂອງເຜົ່າຖູເຈຍ.ທ່ານເພີງຕ້າຊ່ຽນ ເຈົ້າໜ້າທີ່ຮັບຜິດຊອບການທ່ອງທ່ຽວຢູ່ເມືອງຫຼີເຢ່ເວົ້າວ່າ,ຖະໜົນແຕ່ລະເສັ້ນຢູ່ແຫ່ງນີ້ລ້ວນແຕ່ມີຈຸດພິເສດແລະນິທານຂອງຕົນ,ຟັງແລ້ວຮູ້ສຶກມ່ວນຫຼາຍ.
"ສະໝຸດວ່າ ຖະໜົນວ້ານໂຊ້ວ ທີ່ຈິງແລ້ວແມ່ນສະຖານທີ່ທີ່ຊາວຈ່ຽງຊີ່ເຮັດທຸລະກິດຢູ່ແຫ່ງນີ້,ພາຍຫຼັງມາແລ້ວ,ແຫ່ງນັ້ນບໍ່ມີຄົນຢູ່,ພວກເຂົາເຈົ້າຈຶ່ງຕັ້ງເຮືອນຢູ່ແຫ່ງນີ້,ຄຽງຄູ່ກັບທຸລະກິດຂາຍດິບຂາຍດີ,ຄົນຕັ້ງຖິ່ນຖານຢູ່ແຫ່ງນີ້ກໍນັບມື້ນັບຫຼາຍຂຶ້ນ,ກາຍເປັນຖະໜົນເສັ້ນໜຶ່ງ.ຄົນຢູ່ຖະໜົນເສັ້ນນີ້ຕົ້ນຕໍແມ່ນຊາວຈ່ຽງຊີ່,ສະນັ້ນ ສາມັນຊົນຈຶ່ງເອີ້ນເປັນຖະໜົນຈ່ຽງຊີ່."
ຖະໜົນຈົ່ງຟູແມ່ນເສັ້ນຜ່າກາງຂອງເມືອງເກົ່າ,ສິ່ງກໍ່ສ້າງຕາມຖະໜົນຈົ່ງຟູເໜືອ ໄດ້ສ່ອງແສງໃຫ້ເຫັນເອກະລັກຂອງສິ່ງກໍ່ສ້າງເຜົ່າຖູ.ຢູ່ແຫ່ງນີ້ ສິ່ງກໍ່ສ້າງທີ່ມີຊື່ສຽງທີ່ສຸດແມ່ນເຮືອນຍ້ອມຂອງຕະກຸນຢາງ,ຖືກເອີ້ນເປັນ"ເຮືອນໃຫຍ່ກວ່າໝູ່ຢູ່ພາກໃຕ້ແມ່ນ້ຳຢາງເຊ".ເຮືອນຍ້ອມແມ່ນຕຶກໄມ້ສອງຊັ້ນ,ລາຍຄວັດປ່ອງຢ້ຽມທີ່ປານີດສວຍງາມ ໄດ້ສ່ອງແສງໃຫ້ເຫັນແຫ່ງນີ້ເຄີຍແມ່ນເຮືອນຫຼູຫຼາໃນຄາວນັ້ນ.ພີ່ນ້ອງສາມຄົນຂອງຕະກຸນຢາງອາໄສຄວາມພະຍາຍາມຢ່າງດຸໝັ່ນ,ໄດ້ສ້າງທຸລະກິດອັນໜາແໜ້ນ,ທຸລະກິດຂອງເຮືອນຍ້ອມຜ້າໄດ້ແຈກຢາຍຢູ່ແຫ່ງຕ່າງໆເຂດພາກໃຕ້ແມ່ນ້ຳຢາງເຊ.
ແມ່ຍ່າເພີງກຸ້ຍຈູ ອາຍຸ 83 ປີ ເຊິ່ງເປັນຄົນຂອງຕະກຸນຢາງທີ່ດຳລົງຊີວິດຢູ່ແຫ່ງນີ້ ໄດ້ແນະນຳຄວາມສະຫງ່າລາສີຂອງເຮືອນຍ້ອມໃນຄາວນັ້ນສູ່ຟັງວ່າ:
"ຄົນລະສາມຫ້ອງ,ພີ່ນ້ອງ 3 ຄົນລວມ 9 ຫ້ອງ,ມີສາມຊັ້ນ ຄົນລະຊັ້ນ.ເຮືອນຍ້ອມແມ່ນຍ້ອມຜ້າ,ຍ້ອມແລ້ວຍັງຕັດຫຍິບໃຫ້ລູກຄ້າ.ພວກເຂົາເຈົ້າເອົາຜ້າຂາວມາ,ພວກເຮົາຍ້ອມໃຫ້ເປັນຜ້າສີຟ້າ ສີຟ້າແກ່ແລະສີຕັບໝູ,ແລ້ວສົ່ງໄປຮອດເຮືອນລູກຄ້າ."
1 2 3 4
|
|
|
