 ເມືອງຫຼີເຢ່ໃນປະຫວັດສາດຖືກເອີ້ນເປັນ"ເມືອງນານກິ່ງນ້ອຍ",ແມ່ນ້ຳຊື້ສຸຍເຮັດໃຫ້ເມືອງນີ້ກາຍເປັນເມືອງການຄ້າທີ່ຈະເລີນຮຸ່ງເຮືອງ.ຖະໜົນທຸກເສັ້ນຢູ່ແຫ່ງນີ້ລ້ວນແຕ່ເນັ່ງໄປສູ່ທ່າເຮືອ,ຢູ່ສອງຂ້າງຖະໜົນ ມີຮ້ານຄ້າຕັ້ງຊ້ອງໆກັນ,ສິ່ງກໍ່ສ້າງຕາມຖະໜົນສ່ວນຫຼາຍແມ່ນເຮືອນໄມ້,ຢູ່ເທິງປ່ອງຢ້ຽມໄດ້ຄວັດລວດລາຍສວຍງາມຊະນິດຕ່າງໆ,ມີດອກໄມ້ ຕົ້ນຫຍ້າ ມີສັດ,ເປັນສັນຍະລັກແຫ່ງສິລິມຸງຄຸນ.ຫ່າງກັນບໍ່ທໍ່ໃດຫຼັງ ກໍມີກຳແພງກັນໄຟໄໝ້ທີ່ສູງສະຫງ່າ,ທຳມະດາແລ້ວ ມີຫຼັງຄາຊັນງໍຂຶ້ນ,ຢູ່ເທິງກຳແພງໄດ້ແຕ້ມຮູບດອກໄມ້ ຕົ້ນຫຍ້າ ແມງບົ້ງແລະປາ,ເບິ່ງແລ້ວງາມສະຫງ່າຫຼາຍ.ນາງເພີງຮຸ້ຍຟ່າງມັກມາທ່ຽວແຫ່ງນີ້,ນາງເວົ້າວ່າ:
"ເມື່ອຍ່າງເຂົ້າໄປຈະຮູ້ສຶກເກົ່າແກ່ຫຼາຍ,ໃນເວລາຍ່າງຕາມຖະໜົນເສັ້ນນີ້ ຈະຮູ້ສຶກວ່າເກົ່າແກ່ສວຍງາມຫຼາຍ."
ເມື່ອຍ່າງຜ່ານຖະໜົນເກົ່າແກ່ເຫຼົ່ານີ້,ຍ່າງຕາມຂັ້ນໄດຫີນທີ່ປູດ້ວຍແປ້ນຫີນສີຂຽວ,ກໍມາຮອດແຄມແມ່ນ້ຳຊື້ສຸຍ.ແມ່ນ້ຳຊື້ສຸຍທັງເອີ້ນເປັນແມ່ນ້ຳຂາວ,ໜ້ານ້ຳກວ້າງຫຼາຍ,ພູຜາສູງຊັນຢູ່ສອງຟາກຕັ້ງຊ້ອນໜ້າກັນ.ແມ່ນ້ຳມິດງຽບ ແຕ່ມີຄົນພາຍເຮືອປະມົງແລ່ນຜ່ານ,ທັງມີເຮືອທ່ອງທ່ຽວ.ນາງເວີ້ຍສຽວມິງ ແຂກທ່ອງທ່ຽວທີ່ມາຈາກແຂວງຫູເປເວົ້າວ່າ,ເມື່ອມາຮອດເມືອງຫຼີເຢ່,ການພາຍເຮືອຢູ່ເທິງແມ່ນ້ຳຊື້ສຸຍແມ່ນເລື່ອງສະໃຈທີ່ສຸດ,ໂດຍສະເພາະແມ່ນໃຊ້ແຈວໄມ້ພາຍເຮືອ.
"ເພາະວ່າແມ່ນຂີ່ເຮືອພາຍ,ຈະຮູ້ສຶກມ່ວນຫຼາຍ,ຂ້ອຍແມ່ນໄປຕອນຄ່ຳ,ດວງພະຈັນພໍດີໂຜ່ຂຶ້ນມາ,ຢູ່ເທິງພູທາງໄກມີເຮືອນເກົ່າ,ຢູ່ແຄມແມ່ນ້ຳມີຫຼາຍຄົນກຳລັງຍ່າງຫຼິ້ນຢູ່.ຂ້ອຍຍັງຫຼິ້ນນ້ຳເທິງເຮືອ,ແມ່ນ້ຳຊື້ສຸຍໃສສະອາດຫຼາຍ,ສະບາຍຫຼາຍ."
1 2 3 4
|
