|
ທ່ຽວເມືອງຫຼີເຢ່ ເມືອງເກົ່າແຂວງຫູນານ
cri
Author: da
ຢູ່ເມືອງຫຼີເຢ່,ຖ້າບໍ່ຊີມເຂົ້າໜົມຢູ່ແຫ່ງນັ້ນຈະເສຍດາຍທີ່ສຸດ,ໂດຍສະເພາະແມ່ນເຕົ້າຮູ້ຍິ່ງມີຊື່ສຽງຢູ່ແຂວງຫູນານ.ເຕົ້າຮູ້ເມືອງຫຼີເຢ່ອ່ອນນົວສົ້ມເຜັດ,ມີເຄື່ອງປຸງພິຖີພິຖັນທີ່ສຸດ,ມີຜັກບົວສີຂຽວ,ໝາກເຜັດສີແດງ,ເຂົ້າໜຽວສີຂາວ,ເຕົ້າຮູ້ທີ່ເຮັດອອກນັ້ນແຊບນົວຫຼາຍ.ນອກຈາກເຕົ້າຮູ້ແລ້ວ,ຍັງມີແປ້ງເຂົ້າໜຽວ,ຫົວຜັກກາດດອງ,ເປັນເຂົ້າໜົມສາມເຢື່ອງທີ່ມີຊື່ສຽງຂອງເມືອງຫຼີເຢ່ທີ່ນັກທ່ອງທ່ຽວຕ້ອງຊີມ.ນາງຈັງເຫີງຈື ທີ່ມາຈາກຈົງກິ່ງເວົ້າວ່າ:
"ເມື່ອມາຮອດເມືອງຫຼີເຢ່,ສິ່ງທີ່ສ້າງພາບປະທັບໃຈອັນເລິກເຊິ່ງກວ່າໝູ່ແມ່ນເຂົ້າໜົມ,ຂ້ອຍມັກກິນຫຼາຍ,ເຂົ້າໜົມຂອງເມືອງຫຼີເຢ່3ເຢື່ອງມີຊື່ລືນາມຫຼາຍກວ່າໝູ່,ນັ້ນກໍແມ່ນແປ້ງເຂົ້າໜຽວ,ມີໄສ້ຢູ່ໃນ,ບາງອັນບໍ່ມີໄສ້,ບາງອັນມີໄສ້ ຫວານຫຼາຍ,ຍັງມີຫົວຜັກກາດດອງ,ອີກອັນໜຶ່ງແມ່ນເຕົ້າຮູ້."
ທ່ານຜູ້ຟັງທີ່ຮັກແພງ,ຂີ່ລົດຈາກສະຖານີລົດເມທີ່ໃກ້ກັບເມືອງຫຼີເຢ່ກວ່າໝູ່ ຕ້ອງການເວລາ 5 ຊົ່ວໂມງ,ປີ້ລົດ 30 ຢວນຕໍ່ຄົນ.ເມືອງເກົ່າຫຼີເຢ່ເປີດໃຫ້ນັກທ່ອງທ່ຽວໄປທ່ຽວຟີໝົດ,ການທ່ຽວເມືອງນີ້ຕ້ອງການເຄິ່ງມື້,ໄທເມືອງເກົ່າມັກແຂກຫຼາຍ,ຖ້າມີໂອກາດລົມກັບປະຊາຊົນຢູ່ເມືອງນີ້,ຈະໄດ້ຄວາມຮູ້ບໍ່ໜ້ອຍ.
1 2 3 4
|
|
