|
|
 |
| (GMT+08:00)
2006-08-24 23:25:20
|
 |
|
ທ່ຽວຄູຫາໂມ້ກ່າວ
cri
Author: da
|
 ຄູຫາໂມ້ກ່າວ,ຄົນທ້ອງຖິ່ນເອີ້ນວ່າຖ້ຳພະພັນອົງ,ແມ່ນຮ່ອງຮອຍພຸດທະສາສະໜາທີ່ລືຊື່ໃນໂລກ,ຕັ້ງຢູ່ເທິງພູມິງຊ່າເມືອງຕຸ່ນຮວງແຂວງກັ່ນຊູ້ໄປທາງພາກຕາເວັນອອກສຽງໃຕ້ 25 ກິໂລແມັດ,ເລີ່ມເຈາະໃນປີຄ.ສ. 366.ຕາມເລົ່າກັນວ່າ,ໃນຄາວນັ້ນ ມີພະສົງອົງໜຶ່ງທ່ຽວມາຮອດແຫ່ງນີ້,ໄດ້ເຫັນພູມິງຊ່າພວມເປັ່ງລັດສະໝີ,ຮູ້ສຶກວ່າ ແຫ່ງນີ້ແມ່ນພຸດທະສະຖານ,ຈຶ່ງເຈາະສ້າງຖ້ຳພະແຫ່ງທຳອິດຢູ່ເທິງຜາຫີນ.ເມື່ອຜ່ານການກໍ່ສ້າງໃນທຸກສະໄໝ,ເມື່ອຮອດປີຄ.ສ. 1368 ,ໄດ້ມີຖ້ຳພະເກືອບພັນແຫ່ງ,ແລະແຕ່ປີນັ້ນມາ,ຄົນທັງຫຼາຍກໍບໍ່ໄດ້ເຈາະຖ້ຳຢູ່ແຫ່ງນີ້ອີກ.
ຄູຫາໂມ້ກ່າວມີຖ້ຳໃຫຍ່ຖ້ຳນ້ອຍ,ພະພຸດທະຮູບຢູ່ໃນຖ້ຳກໍມີອົງໃຫຍ່ອົງນ້ອຍ,ພະອົງໃຫຍ່ສູງສະຫງ່າ,ພະອົງນ້ອຍປານີດຫຼາຍ.ປີ 1987,ຄູຫາໂມ້ກາວຖືກອົງການຢູເນັສໂກຈັດເຂົ້າເປັນມໍລະດົກວັດທະນະທຳໂລກ.
ປະຈຸບັນ ຍ້ອນວ່າຕ້ອງການອະນຸລັກວັດຖຸບູຮານ,ຖ້ຳທີ່ເປີດໃຫ້ຄົນເຂົ້າທ່ຽວຊົມບໍ່ຮອດ 30 ຖ້ຳ,ເຖິງວ່າເປີດໃຫ້ຄົນທ່ອງທ່ຽວເຂົ້າຊົມ,ແຕ່ກໍຕ້ອງມີຜູ່ນຳທ່ຽວພາເຂົ້າຈິ່ງເຂົ້າເບິ່ງໄດ້.ຕາມນາງລິວຫົງລີ້ ຜູ່ນຳທ່ຽວແນະນຳວ່າ,ຖ້ານັກທ່ອງທ່ຽວຊົມເບິ່ງ 10 ກວ່າຖ້ຳຕ້ອງໃຊ້ເວລາເຖິງ 2 ຊົ່ວໂມງ,ແຕ່ຄັນຢາກເບິ່ງຢ່າງລະອຽດທັງໝົດ,ກໍຕ້ອງໃຊ້ເວລາມື້ໜຶ່ງຈຶ່ງພໍ.
ນາງລິວຫົງລີ້ເວົ້າວ່າ,ໄປທ່ຽວຄູຫາໂມ້ກາວ,ຜູ່ນຳທ່ຽວມັກພານັກທ່ອງທ່ຽວໄປເບິ່ງຖ້ຳເລກທີ 96.ເພາະວ່າ,ຢູ່ນອກຖ້ຳນີ້ ມີຫໍໃຫຍ່ 9 ຊັ້ນ,ເອີ້ນວ່າ"ຫໍ 9 ຊັ້ນ",ແມ່ນສິ່ງກໍ່ສ້າງສັນຍະລັກຂອງຄູຫາໂມ້ກາວ.
"ມັນແມ່ນພະອົງໃຫຍ່ກວ່າໝູ່ຂອງຄູຫາໂມ້ກ່າວ,ໝາຍເລກ 96.ພະພຸດທະຮູບອົງນີ້ແມ່ນພະສັງຂະຈາຍ ພະອະນາຄົດ,ສູງ 35 ແມັດເຄິ່ງ,ແມ່ນພະພຸດທະຮູບອົງໃຫຍ່ທີ່ສຸດໃນໂລກທີ່ຢູ່ໃນຖ້ຳ."
1 2 3 4
|
|
|
