|
|
 |
| (GMT+08:00)
2006-08-24 23:25:20
|
 |
|
ທ່ຽວຄູຫາໂມ້ກ່າວ
cri
Author: da
ນອກຈາກພະພຸດທະຮູບແລ້ວ,ຮູບແຕ້ມຝາຜະໜັງກໍແມ່ນພາກສ່ວນສຳຄັນຂອງສິລະປະຄູຫາໂມ້ກາວ.ຮູບແຕ້ມຝາຜະໜັງເຫຼົ່ານີ້ເຖິງວ່າລົມຊາຍກັດເຊາະມາເປັນພັນເປັນຮ້ອຍປີ,ແຕ່ພັດຍັງຮັກສາສີສັນສົດໃສຢູ່ຄືເກົ່າ,ມີລວດລາຍແຈ່ມແຈ້ງ.ເນື້ອໃນຮູບແຕ້ມຝາຜະໜັງສ່ວນຫຼາຍແມ່ນນິທານພຸດທະຄຳພີ,ຮູບບິນໄປສູ່ທ້ອງຟ້າຢູ່ເທິງຝາຜະໜັງເຮັດໃຫ້ຄົນຍ້ອງຍໍສັນລະເສີນບໍ່ເຊົາ.
ໃນພຸດທະສາສະໜາ ໄດ້ເອີ້ນເທວະດາທີ່ບິນຢູ່ທ້ອງຟ້າເປັນ"ນາງຟ້າ",ສ່ວນຫຼາຍມັກອອກມາຮ້ອງເພງ ຟ້ອນ ແລະຫວ່ານດອກໄມ້ໃນເວລາພະສູດມົນເທສະໜາ.ໃນຄູຫາໂມ້ກ່າວ 490 ກວ່າຖ້ຳທີ່ມີພະພຸດທະຮູບແລະຮູບແຕ້ມຝາຜະໜັງ,ເກືອບໄດ້ແຕ້ມນາງຟ້າໃສ່ໝົດທຸກຖ້ຳ. ນາງຟ້າເຫຼົ່ານີ້ບາງຜ່ອງຖືດອກບົວ ບາງຜ່ອງຖືກະຈັບປີ່"ພີພະ",ບາງຜ່ອງຫວ່ານດອກໄມ້,ເສບດົນຕີ,ມີອິລິຍະບົດຕ່າງກັນ,ຊຶ່ງລ້ວນແຕ່ມີຊີວິດຊີວາທີ່ສຸດ.
ນາງເຈີ້ງນີ ອາຈານວິຊາຈິດຕະສິນມະຫາວິທະຍາໄລຊິງຮວາຂອງຈີນໄດ້ໄປທ່ຽວຄູຫາໂມ້ກາວຫຼາຍເທື່ອແລ້ວ.ນາງເວົ້າວ່າ,ສິ່ງທີ່ດຶງດູດໃຈລາວໄປທ່ຽວຄູຫາໂມ້ກາວແມ່ນຮູບແຕ້ມ"ນາງຟ້າຝາຜະໜັງເຫຼົ່ານີ້.
"ຮູບນາງຟ້າເຫຼົ່ານີ້,ບໍ່ມີປີກ,ພັດສາມາດຟ້ອນຢູ່ເທິງທ້ອງຟ້າ,ມີສີສັນທີ່ໜ້າປະທັບໃຈຫຼາຍ.ເບິ່ງໃນມຸມແຕ້ມຮູບແລ້ວເຫັນວ່າ,ອົງປະກອບແລະໂຄງສ້າງຂອງບຸກຄົນເຫຼົ່ານີ້ກໍແມ່ນພິຖີພິຖັນທີ່ສຸດ,ເບິ່ງດົນແລ້ວຈະເຮັດໃຫ້ຄົນຮູ້ສຶກວ່າມີຊີວິດຊີວາທີ່ສຸດ.ບໍ່ວ່າໃນດ້ານການທ່ອງທ່ຽວຫຼືໃນດ້ານວິຊາການ,ນາງຟ້າລ້ວນແຕ່ຕ້ອງການເບິ່ງຢ່າງພິນິດພິຈາລະນາແລ້ວຈະມີຄວາມຮູ້ສຶກຫຼາຍຂຶ້ນ."
1 2 3 4
|
|
|
