|
|
 |
| (GMT+08:00)
2006-08-31 16:21:32
|
 |
|
ໄປທ່ຽວວັດຊົງເຊີ້ງກິ່ງແຂວງຕ້າຫຼີ
cri
Author: da
|
 ວັດຊົງເຊີ້ງທີ່ຕັ້ງຢູ່ກິ່ງແຂວງຕ້າຫຼີເຜົ່າຂາວປົກຄອງຕົນເອງຂອງແຂວງຢຸນນານຈີນ ແມ່ນວັດເກົ່າແກ່ທີ່ມີປະຫວັດພັນກວ່າປີແລ້ວ.ຫວ່າງມໍ່ໆນີ້,ອົງການປົກຄອງທ້ອງຖິ່ນໄດ້ປະຕິສັງຂອນວັດນີ້ຄືນໃໝ່ແລະຈັດພິທີເບີກພະເນດພະພຸດທະຮູບ.ວັດຊົງເຊີ້ງທີ່ສ້າງໃໝ່ມີຄວາມສະຫງ່າລາສີຂອງວັດຫຼວງ,ທັງໄດ້ຮັກສາເອກະລັກຊົນເຜົ່າຂອງທ້ອງຖິ່ນ.ໃນລາຍການມື້ນີ້ ດາລາວັນຈະພາທ່ານໄປທ່ຽວວັດຊົງເຊີ້ງ.
6ໂມງເຊົ້າ,ທ້ອງຟ້າຄ່ອຍໆແຈ້ງຂຶ້ນ,ນັກຂ່າວຂີ່ລົດເມໄປວັດຊົງເຊີ້ງກິ່ງແຂວງຕ້າຫຼີ,ເຂົ້າຮ່ວມພິທີເບີກພະເນດພະພຸດທະຮູບທີ່ມີພະສົງ 108 ອົງຈາກເຂດໃນຈີນ ບັນດາປະເທດອາຊີອາຄະເນແລະອາຊີໃຕ້ຮ່ວມກັນຈັດຂຶ້ນ.ເມື່ອໄປຮອດວັດຊົງເຊີ້ງ,ປິນຂັ້ນໄດຂຶ້ນໄປ,ຜ່ານຫໍຈັດຕຸໂລກະບານ ຫໍພະສັງຂະຈາຍ ຫໍພະໂພທິສັດກວນອິນ,ແລ້ວໄປຮອດພຸດທະສິມມາ,ໄດ້ປູພົມແດງຕະຫຼອດທາງ,ຢູ່ສອງຟາກທາງມີພຸດທະສາສະນິກະຊົນຈຳນວນຫຼວງຫຼາຍທີ່ຢືນຕ້ອນຮັບຢູ່,ບາງຄົນໃສ່ຊຸດອຸບາສົກອຸບາສິກາ,ບາງຄົນນຸ່ງຊຸດຊົນເຜົ່າສ່ວນໜ້ອຍ;ບາງຄົນຖືເຂາະ,ບາງຄົນຖືກະດິ່ງ.
ນາງຈັ່ງຟູຫຣູທີ່ມາຈາກກິ່ງແຂວງຕ້າຫຼີກຳລັງລໍຖ້າເຂົ້າຮ່ວມພິທີເບີກພະເນດຢູ່ເດີ່ນສິມໃຫຍ່,ນາງບອກນັກຂ່າວຢ່າງຕື້ນຕັນໃຈວ່າ:
"ຂ້ອຍຮູ້ວ່າ ມື້ນີ້ຈະຈັດພິທີເບີກພະເນດ,ຈຶ່ງຕື່ນນອນແຕ່ 6 ໂມງເຊົ້າ,ຈາກເມືອງເຊ້ຍກວ່ນຂອງກິ່ງແຂວງຕ້າຫຼີຂ້ຽວເດີນທາງມາເຂົ້າຮ່ວມພິທີ,ແລ້ວມາວັດຊົງເຊີ້ງໂດຍກົງເລີຍ.ຂ້ອຍມັກມາເບິ່ງສິມນີ້."
1 2 3 4
|
|
|
