|
|
 |
| (GMT+08:00)
2006-08-31 16:21:32
|
 |
|
ໄປທ່ຽວວັດຊົງເຊີ້ງກິ່ງແຂວງຕ້າຫຼີ
cri
Author: da
ວັດຊົງເຊີ້ງຍັງເອີ້ນວ່າວັດຊ່ານຖາ ແປວ່າວັດສາມທາດ,ຢູ່ທາງຫຼັງວັດແມ່ນພູຊ່າງຊ່ານທີ່ຫິມະຂາວຈູ່ນພູ່ນ,ຢູ່ທາງໜ້າແມ່ນໜອງແສທີ່ຂຽວໃສສະອາດ.ຍ້ອນແຜ່ນດິນໄຫວແລະສົງຄາມ,ປະຈຸບັນຍັງເຫຼືອແຕ່ທາດ3ອົງເທົ່ານັ້ນ.ວັດຊົງເຊີ້ງທີ່ສ້າງໃໝ່,ບໍ່ພຽງແຕ່ໄດ້ຮັກສາພາບພົດເດີມທໍ່ນັ້ນ,ເຄື່ອງສະສົມຈຳນວນໜຶ່ງທີ່ແຕ່ເດີມຂຶ້ນກັບວັດກໍ່ຖືກວາງຢູ່ໃນວັດຄືນໃໝ່. ກອງທີ່ຖືກຮັກສາໄວ້ໃນຫໍກອງຂອງວັດເປັນກອງທີ່ໃຫຍ່ກວ່າໝູ່ໃນວັດພຸດທະສາສະໜາຂອງຈີນ ພ້ອມດ້ວຍໜັງສືໄມ້ຄວັດເຫຼັ້ມໜຶ່ງທີ່ສູງເກືອບ 2 ແມັດ,ຍາວ 117 ແມັດ,ດຽວນີ້ລ້ວນແຕ່ເປີດໃຫ້ຄົນເຂົ້າຊົມແລ້ວ.
ທ່ານວັງໄຫກັບເມຍແມ່ນຕັ້ງໃຈເດີນທາງຈາກເມືອງຄຸນມິງ ເທດສະບານແຂວງຢຸນນານມາເຂົ້າຮ່ວມພິທີເບີກພະເນດພະພຸດທະຮູບຄັ້ງນີ້.ເມື່ອເຫັນວັດຊົງເຊີ້ງທີ່ສ້ອມແປງໃໝ່,ເຂົາເຈົ້າຍ້ອງຍໍສັນລະເສີນຢູ່ບໍ່ເຊົາ.ທ່ານວັງໄຫເວົ້າວ່າ:
"ວັດນີ້ແມ່ນວັດຫຼວງ,ສະຫງ່າຜ່າເຜີຍຫຼາຍ,ອາໄສພູຜາແລະແຄມທະເລ.ຂ້ອຍແມ່ນມາທ່ຽວເທື່ອທຳອິດ,ຮູ້ສຶກດີໃຈຫຼາຍ,ແມ່ນອັນດັບໜຶ່ງພາຍໃນປະເທດຈີນແທ້ໆ.ພວກເຮົາເຄີຍໄປທ່ຽວຫຼາຍແຫ່ງ,ແຕ່ຮູ້ສຶກວ່າສິ່ງແວດລ້ອມທຳມະຊາດຢູ່ແຫ່ງນີ້ຄັກກວ່າແຫ່ງອື່ນຫຼາຍ.ຂ້ອຍຮູ້ສຶກວ່າ,ມາທ່ຽວເທື່ອນີ້ ກຸ້ມຄ່າແທ້."
 ໃນປະຫວັດສາດ,ວັດຊົງເຊີ້ງແມ່ນສູນການເຄື່ອນໄຫວພຸດທະສາສະໜາຢູ່ເຂດພາກໃຕ້ຈີນຈົນກະທັ້ງໃນເຂດແຄວ້ນອາຊີອາຄະເນຕະຫຼອດມາ,ຖືກພຸດທະສາສະນິກະຊົນໃນເຂດແຄວ້ນອາຊີອາຄະເນເອີ້ນເປັນ"ນະຄອນພຸດທະສາສະໜາ".ໃນພິທີເບີກພະເນດພະພຸດທະຮູບທີ່ຈັດຂຶ້ນຢູ່ໃນວັດຊົງເຊີ້ງ,ພະສົງ 108 ອົງທີ່ມາຈາກຈີນ ລາວ ສ.ເກົາຫຼີ ສິງກະໂປ ອິນໂດເນເຊຍ ຍີ່ປຸ່ນ ໄທ ມຽນມາ ຫວຽດນາມແລະກຳປູເຈຍໄດ້ສູດມົນເທດສະໜາ,ກຳກັບທຳມະການຕ່າງໆ,ເບີກພະເນດພະພຸດທະຮູບໃຫ້ວັດຊົງເຊີ້ງ.ນັກຂ່າວໄດ້ເຫັນວ່າ,ໃນພິທີເບີກພະເນດ ພະສົງທັງຫຼາຍສູດມົນ ທັງເອົາກິ່ງໄມ້ຈຸ່ມໃສ່ນ້ຳຊິດໃສ່ຫໍສິມແລະທ້ອງຟ້າ,ໝາຍເຖິງຄວາມເປັນສິລິມຸງຄຸນແລະສັກກາລະບູຊາ.ເມື່ອສູດມົນແລ້ວ,ພະສົງອວ່າຍໜ້າໃສ່ພະພຸດທະຮູບ,ໃຊ້ແວ່ນທີ່ກຽມໄວ້ລ່ວງໜ້າມາປິ້ນ 365 ອົງສາ,ໝາຍເຖິງພິທີເບີກພະເນດໄດ້ສຳເລັດແລ້ວ.
1 2 3 4
|
|
|
