ທ່ານເວົ້າວ່າ:
ພວກຂ້າພະເຈົ້າຫວັງວ່າວັດທະນະທຳພື້ນເມືອງທີ່ເປັນສັນຍາລັກແຫ່ງຊາດນັ້ນຈະໄດ້ຮັບການເສີມຂະຫຍາຍແລະພັດທະນາຕື່ມອີກ, ສິ່ງທີ່ເກົ່າແກ່ແລະດັ້ງເດີມເຫລົ່ານັ້ນເມື່ອເຊື່ອມໂຍງເຂົ້າກັບສັງຄົມທັນສະໄຫມແລະຊີວິດການເປັນຢູ່ທັນສະໄຫມແລ້ວຈິ່ງກາຍເປັນວັດທະນະທຳທີ່ມີຊີວິດຊີວາໄດ້.
ວັດທະນະທຳແມ່ນມໍລະດົກແຫ່ງຊາດ, ກໍ່ແມ່ນອະນາຄົດຂອງຊາດ. ແຕ່ມື້ທຳອິດເປັນຕົ້ນມາ, ງານມະຫະກຳສິນລະປະອາຊີກໍ່ໄດ້ທຸ່ມເຫື່ອເທແຮງເຂົ້າໃນການເພີ່ມທະວີຄວາມເຂົ້າໃຈແລະຊົມໃຊ້ວັດທະນະທຳຂອງໃຜລາວລະຫວ່າງປະຊາຊົນອາຊີແລະປະຊາຊົນໃນທົ່ວໂລກໃນການແລກປ່ຽນວັດທະນະທຳແລະການສົນທະນາລະຫວ່າງວັດທະນະທຳຕ່າງກັນ.ບົນເວທີງານມະຫະກຳສິນລະປະອາຊີຄັ້ງທີ 8, ສິນລະປະພື້ນເມືອງແລະທັນສະໄຫມຂອງປະເທດຕ່າງໆໃນອາຊຽນໄດ້ສະແດງຕໍ່ຄົນທັງຫລາຍເຫັນດ້ວຍລັກສະນະຊົນເຜົ່າ,ແລະໄດ້ສ້າງພື້ນຖານໃຫ້ແກ່ການແລກປ່ຽນແລະຮ່ວມມືກັນດ້ານວັດທະນະທຳລະຫວ່າງຈີນກັບອາຊຽນໃນຕໍ່ໄປພາຍຫນ້າ.
ທ່ານວາງເຊີນ ເຈົ້າຫນ້າທີ່ກະຊວງວັດທະນະທຳຈີນເວົ້າວ່າ:
ວັດທະນະທຳແມ່ນພະລັງທີ່ແອບແຝງໃນການພັດທະນາເສດຖະກິດ ຂອງປະເທດຫນຶ່ງ, ກຳລັງຫນູນຫລັງຂອງການພັດທະນາເສດຖະກິດສ່ວນຫລາຍແມ່ນວັດທະນະທຳເປັນພື້ນຖານ.ພວກຂ້າພະເຈົ້າຫວັງຜ່ານການຈັດງານສິນລະປະວັດທະນະທຳມາສະຫລຸບຜົນງານຂອງຈີນແລະອາຊຽນໃນການແລກປ່ຽນແລະຮ່ວມມືດ້ານວັດທະນະທຳໃນ 15 ປີຜ່ານມາ.ເພີ່ມທະວີການຮ່ວມມືແລະການພັດທະນາວັດທະນະທຳລະຫວ່າງຈີນກັບອາຊຽນກໍ່ຄືບັນດາປະເທດອາຊີ, ເພື່ອເພີ່ມກຳລັງແຮງຖາວອນເຂົ້າໃນການພັດທະນາເສດຖະກິດແບບຍືນຍົງຂອງຈີນ ອາຊີແລະຂອງທົ່ວໂລກ.
1 2 3 4
|
