|
|
 |
| (GMT+08:00)
2008-05-20 15:02:57
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວຢ່ເມືອງູເວີ້ນຊ່ວນ: ພວກເຮົາລ້ວນແຕ່ແມ່ນຄົນເວີ້ນຊວນ
cri
ເປຊວນແມ່ນເຂດປະສົບໄພໜັກຫນ່ວງກວ່າຫມູ່ໃນແຜ່ນດິນໄຫວທີ່ເກີດຂຶ້ນຢູ່ເມືອງເວີ້ນຊວນແຂວງເສສວນເທື່ອນີ້, ແຜ່ນດິນໄຫວເຮັດໃຫ້ເມືອງໄປຊວນຖືກທຳລາຍຈົນແຫລກ.ເຮືອນຊານເພພັງກາຍເປັນຊາກສະຫລັກຫັກພັງ.
ຄົນທີ່ເຄີຍໄປບ່ອນນັ້ນເວົ້າວ່າ, ແຜ່ນດິນໄຫວເຮັດໃຫ້ຫລັງເຮືອນຖືກຕັດໄປປະມານເຄິ່ງແມັດຄືກັບຝາຫມໍ້,ແລ້ວສັ່ນຄອນພາກສ່ວນທາງລຸ່ມຈົນແຫລວແຫລກ,ປີ້ນຝາຫມໍ້ຂຶ້ນແລ້ວເອົາດິນຈີ່ດິນຂໍທີ່ແຕກຫັກນັ້ນຖິ້ມໃສ່ໃນຝາຫມໍ້.
ເມືອງໄປຊວນມີພູຜາອ້ອມຮອບ,ມີສາຍນ້ຳສາຍຫນຶ່ງໄຫລກ້ຽວເມືອງ,ຈິ່ງເຮັດໃຫ້ເມືອງນີ້ມີອາກາດສົດໃສ.ຕາມເລົ່າລືກັນວ່າ, ແຫ່ງນີ້ແມ່ນບ່ານເກີດຂອງຕ້າອີ ຜູ່ຍິ່ງໃຫຍ່ໃນສະໄຫມບູຮານຂອງຈີນ.ຍ້ອນວ່າເງື່ອນໄຂທຳມະຊາດດີຫລາຍ,ອົງການປົກຄອງຂອງທ້ອງຖີ່ນນີ້ຈິ່ງໄດ້ຕັ້ງປ້າຍໂຄສະນາທີ່ຂຽນວ່າ ບ້ານເກີດຂອງຕ້າອີ,ເມືອງໄປຊວນທີ່ສົດໃສຢູ່ສອງຟາກທາງ.ເຂົາເຈົ້າໄດ້ພິມຫມີແພນດາແລະປະເພນີເຜົ່າຈ່ຽງ ຄືສອງຈຸດພິເສດຂອງເມືອງໄປຊວນໃສ່ປ້າຍໂຄສະນາ.ແຕ່ດຽວນີ້ ປ້າຍໂຄສະນາໃຫຍ່ໆທີ່ຕັ້ງຢູ່ສອງຟາກທາງທີ່ຕ້ອງຜ່ານໃນເວລາເຂົ້າເມືອງເປຊວນ,ໄດ້ຖືກສັ່ນສະເທືອນຈົນເກືອບລົ້ມ.
ເມືອງນ້ອຍທີ່ຫ່າງຈາກເມືອງໝຽນຢາງແຂວງເສສວນບໍ່ໄກປານໃດນີ້ເຄີຍໄດ້ທຳຄວາມພະຍາຍາມຢ່າງມະຫາສານເພື່ອພັດທະນາເສດຖະກິດຂອງຕົນເອງ.ແຕ່ແຜ່ນດິນໄຫວທີ່ເກີດຂຶ້ນບໍ່ຮອດສອງນາທີ,ໄດ້ທຳລາຍເມືອງນ້ອຍທີ່ສວຍງາມເມືອງນີ້ປານຫນ້າກອງ.
ໃນເວລາກ່ອນເກີດແຜ່ນດິນໄຫວ,ນັກຮຽນໂຮງຮຽນມັດທະຍົມເປຊວນຫາກໍ່ຍ່າງເຂົ້າຫ້ອງຮຽນ,ເດັກນ້ອຍໂຮງຮຽນອະນຸບານພວມນອນເວັນຢູ່.
ຮ້ານຂາຍເຄື່ອງອາໄຫລ່ຢູ່ແຄມທາງພວມຊື້ຂາຍກັນຕາມປົກກະຕິ, ແຕ່ຜູ່ເປີດປະຕູເຂົ້າມານັ້ນບໍ່ແມ່ນຄົນ,ຫາກແມ່ນກ້ອນຫິນກ້ອນໃຫຍ່ໆທີ່ກິ້ງລາມາຈາກເທິງພູຍ້ອນແຜ່ນດິນໄຫວ.
ບໍ່ມີໃຜຄາດຄິດເລີຍວ່າຈະເກີດແຜ່ນດິນໄຫວ.ຕາມຖະຫນົນຫົນທາງຂອງເມືອງເປຊວນມີລົດແລ່ນໄປມາຢ່າງຫລວງຫລາຍ,ຜູ່ຂັບລົດບໍ່ທັນເອົາກະແຈລົດອອກເທື່ອກໍ່ຕົກສະເງິ້,ອ້າປາກຕາຄ້າງ,ພໍຊວາດຮູ້ເມື່ອ, ກໍ່ຟ້າວປະລົດຖິ້ມແລ້ວປົບຫນີຈົນບໍ່ເອົາຫົວຊານຳລົດອີກ.
ກ່ອນເກີດແຜ່ນດິນໄຫວ 24 ຊົ່ວໂມງ, ນັກຮຽນແລະຄູສອນຂອງໂຮງຮຽນມັດທະຍົມຕອນປາຍເປຊວນຫາກໍ່ຈັດງານກິລາຂະຫນາດນ້ອຍກັນຢູ່, ຈຸດປະສົງແມ່ນເພື່ອຜ່ອນຄາຍຄວາມເຄັ່ງຕຶງຍ້ອນນັກຮຽນຈະເສັງເຂົ້າມະຫາວິທະຍາໄລ.ຄູຍັງໄດ້ຖ່າຍຮູບໃຫ້ພວກນັກຮຽນ,ແລະເອົາເຂົ້າອິນເທີແນັດຂອງຕົນ.
1 2 3 4 5
|
|
|
