|
|
 |
| (GMT+08:00)
2008-05-20 15:02:57
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວຢ່ເມືອງູເວີ້ນຊ່ວນ: ພວກເຮົາລ້ວນແຕ່ແມ່ນຄົນເວີ້ນຊວນ
cri
ຫມົດທຸກຄົນກໍ່ຮູ້ວ່າ, ເມືອງໄປຊວນຢາກຟື້ນຟູຄືນໃຫມ່, ກໍ່ຕ້ອງການເວລາຍາວສົມຄວນ. ແຕ່ສິ່ງທີ່ຄືກັບໄດ້ຢືນຢັນຄຳເວົ້າດັ່ງກ່າວນັ້ນແມ່ນ, ຕົ້ນໄມ້ຢູ່ສອງຟາກທາງຂອງເມືອງໄປຊວນ,ເມື່ອຜ່ານໄພພິບັດທີ່ຫນັກຫນ່ວງເທື່ອນີ້, ພວກມັນຍັງມີຊີວິດຢູ່ຢ່າງເຂັ້ມແຂງ.
ຢູ່ເຂດໃຫມ່ຂອງໂຮງຮຽນເປຊວນ, ເຖິງວ່ານັກຮຽນໄດ້ເສຍຊີວິດໄປແລ້ວ, ແຕ່ທຸງແດງຫ້າດາວທີ່ເຂົາເຈົ້າເຫັນທຸກມື້ນັ້ນຍັງປິວສະບັດຢູ່ເທິງຍອດເສົາຕາມເຄີຍ,ເສົາທຸງບໍ່ໄດ້ລົ້ມລົງ, ທຸງຫ້າດາວຍັງແດງສົດໃສຄືເກົ່າ.
ແຜ່ນດິນໄຫວແຮງທີ່ເຮັດໃຫ້ທົ່ວໂລກຕົກໃຈນັ້ນໄດ້ຜ່ານໄປຫລາຍມື້ແລ້ວ,ການຊອກກູ້ຜູ່ລອດຊີວິດຢູ່ແຫ່ງນັ້ນພວມດຳເນີນຕໍ່ໄປ, ຄົນທັງຫລາຍຍັງຄົງລໍຖ້າໃຫ້ເກີດຄວາມອັດສະຈັນຂຶ້ນອີກ.ກູ້ເອົາຊີວິດຄົນໄດ້ນັ້ນແມ່ນເລື່ອງຫນ້າດີໃຈ,ຫນ້າສັນລະເສີນ, ສ່ວນການອຸທິດເຫື່ອແຮງສະຕິປັນຍາເພື່ອການກອບກູ້ຊີວິດກໍ່ຫນ້າເຄົາລົບຫລາຍເຊັ່ນກັນ.
ທ່ານຖານຊຽນຊິວ ທ່ານຈ່າງມີຢາ ທ່ານເກົາຊຽວຊາວ ທ່ານອູຈົ່ງຫົງ ທ່ານຕູ້ເຈິ້ງຊ່ຽງແລະຄູສອນທຸກຄົນ, ໃນເວລາປະສົບໄພອັນຕະລາຍພວກເພິ່ນໄດ້ຄິດເຖິງນັກຮຽນກ່ອນ,ຈົນບໍ່ຢ້ານຄວາມຕາຍ.
ທ່ານຫ້າວຊິ່ງຈຸນ ແພດຂອງເມືອງນານປ້າເມືອງຜິງອູແຂວງເສສວນແລະນາງວາງວານມິນ ເລຂາຄະນະພັກຕາແສງຊ້ຽງເອີເມືອງຕູ່ຈ່ຽງອ້ຽນ,ພວກເພິ່ນຜູ່ຫນຶ່ງໄດ້ຍິນຮ້ອງຂໍຄວາມຊ່ວຍເຫລືອຂອງລູກສາວອາຍຸ 6 ປີທີ່ຖືກຝັງຢູ່ໃຕ້ຊາກອາຄານ, ຜູ່ຫນຶ່ງໄດ້ຍິນສຽງແມ່ທີ່ຍັງມີຫວັງຢູ່ລອດທີ່ຢູ່ກອ້ງເຮືອນູທີ່ເພພັງ, ແຕ່ເຂົາເຈົ້າໄດ້ເລືອກເອົາການປະລະຄອບຄົວຂອງຕົນເອງເພື່ອກູ້ເອົາຄົນໃຫ້ຫລາຍກວ່າເກົ່າ,ເລືອກເອົາການເສຍສະຫລະຄອບຄົວຕົນເອງເພື່ອຜູ່ອື່ນກ່ອນ.
ເມື່ອໄດ້ເຫັນມີຄົນຖືກຝັງຢູ່ໃຕ້ຊາກອາຄານໂຮງຮຽນ, ນັກຮົບທີ່ໄດ້ກູ້ໄພເປັນເວລາຫລາຍມື້ຫລາຍຄື່ນຢູ່ເມືອງມຽນຈູເມື່ອໄດ້ຮັບຄຳສັ່ງໃຫ້ປ່ຽນຄົນໃຫມ່ມາກູ້ໄພ,ເຂົາເຈົ້າໃຜກໍ່ບໍ່ຍອມຖອນຫນີ, ມີນັກຮົບຫລາຍຄົນຈົນຄຸເຂົ່າລົງຮ້ອງໄຫ້ວ່າ:ຂ້ອຍຂໍຊ່ວຍອີກຜູ່ຫນຶ່ງ,ໄດ້ບໍ່?
ແພດຜູ່ຫນຶ່ງຂອງຄລິນິກເອກະຊົນໃນຊົນນະບົດໄດ້ບໍລິຈາກຢາທັງຫມົດຂອງຕົນເອງ,ເຈົ້າຂອງຮ້ານຂາຍເຂົ້າໄດ້ບໍລິຈາກເຂົ້າທັງຫມົດທີ່ຕົນເອງຫາກໍ່ຊື້ມາກ່ອນນັ້ນມື້ຫນຶ່ງ,ມີຄົນຢ່າງຫລວງຫລາຍໄດ້ເປັນເຈົ້າການໄປລຽນແຖວຢູ່ບ່ອນບໍລິຈາກເລືອດ,ແລະໄປບ່ອນບໍລິຈາກຕ່າງໆເພື່ອບໍລິຈາກເຄື່ອງຂອງ. ເຮັດໃຫ້ນ້ຳໃຈທຸກຄົນໂຮມສູນເປັນອັນຫນຶ່ງອັນດຽວເພື່ອໃຫ້ການຊ່ວຍເຫລືອ.
ແຜ່ນດິນໄຫວທີ່ເກີດຂຶ້ນຢູ່ເມືອງເວີ້ນຊວນແມ່ນໄພພິບັດທີ່ພາໃຫ້ມີຄົນເສຍຊີວິດແລະບາດເຈັບຢ່າງຫລວງຫລາຍທີ່ສຸດຢູ່ຈີນນັບແຕ່ເຫດການແຜ່ນດິນໄຫວຢູ່ຖາງຊານມານີ້.ເທື່ອນີ້ ອິນເທີແນັດແລະໂທລະສັບມືຖືໄດ້ສະແດງບົດບາດພິເສດຂອງຕົນເອງອອກມາ.ພາຍໃນ 3 ມື້ທີ່ເກີດແຜ່ນດິນໄຫວ, ມີຜູ່ໃຊ້ອິນເທີແນັດ 3 ແສນ 5 ຫມື່ນຄົນຂຽນຄຳໃຫ້ກຳລັງໃຈຫລາຍກວ່າ 7 ແສນ 5 ຫມື່ນຂໍ້ໃສ່ແວັບໄຊ sina ທີ່ເປັນແວັບໄຊໃຫຍ່ກວ່າຫມູ່ຂອງຈີນ.
1 2 3 4 5
|
|
|
