|
|
 |
| (GMT+08:00)
2008-05-20 15:02:57
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວຢ່ເມືອງູເວີ້ນຊ່ວນ: ພວກເຮົາລ້ວນແຕ່ແມ່ນຄົນເວີ້ນຊວນ
cri
ເວລາ 1 ໂມງປ່າຍຂອງວັນທີ 14 ພຶດສະພາ, ຢູ່ຕໍ່ຫນ້າລົດຮັບບໍລິຈາກເລືອດທີ່ຈອດຢູ່ຫນ້າຕຶກຂາຍປຶ້ມປັກກິ່ງ,ໄດ້ມີແຖວຍາວ 50 ແມັດສອງແຖວ,ໃນແຖວນີ້ມີທັງໄວຫນຸ່ມ, ຜູ່ເຖົ້າທີ່ຜົມຂາວຈຸ່ນພຸ່ນ.ປ້າຍຄຳຂວັນທີ່ຂຽນວ່າ ພ້ອມໃຈຮ່ວມແຮງກັນ, ຕ້ານໄພແຜ່ນດິນໄຫວທີ່ຕິດໃສ່ລົດນັ້ນດຶງດູດສາຍຕາຄົນທັງຫລາຍ.
ນາງຫວງໄຫລ້ ທີ່ອາຍຸ 22 ປີຫາກໍ່ໄດ້ບໍລິຈາກເລືອດ.ນາງບອກດ້ວຍຄວາມດີໃຈວ່າ: ຂ້ອຍເຄີຍສະຫລົບຍ້ອນເຫັນເລືອດ,ແຕ່ເທື່ອນີ້ໄດ້ບໍລິຈາກເລືອດຢ່າງສະດວກຍ້ອນຢາກຊ່ວຍເຂດປະສົບໄພ.
ຜູ່ທີ່ໄປກັບນາງຫວງໄຫລ້ຍັງມີເພື່ອນຮ່ວມງານ 7 ຄົນ, ໄວຫນຸ່ມທີ່ເກີດໃນຊຸມປີ 1980 ເຫລົ່ານີ້ບອກວ່າ, ເມື່ອເຂົາເຈົ້າຮູ້ວ່າເຂດປະສົບໄພຕ້ອງການເລືອດໂດຍດ່ານ, ຈິ່ງມາບໍລິຈາກເລືອດເພື່ອຊ່ວຍເຫລືອປະຊາຊົນຢູ່ເຂດປະສົບໄພ.
ພະນັກງານຂອງລົດທີ່ຮັບບໍລິຈາກເລືອດເວົ້າວ່າ, ມື້ນັ້ນ ຜູ່ທີ່ມາບໍລິຈາກເລືອດຢູ່ແຫ່ງນີ້ໄດ້ເພີ່ມຂຶ້ນຄົບເທົ່າ,ມີຄົນມາລຽນແຖວແຕ່ເຊົ້າ.
ໃນຫລາຍມື້ມານີ້,ແຫ່ງຕ່າງໆທົ່ວປະເທດຈີນໄດ້ປະກົດມີພາບທີ່ຫນ້າຕື້ນຕັນໃຈຫລາຍທີ່ປະຊາຊົນຫ້າວຫັນມາບໍລິຈາກເລືອດ ບໍລິຈາກເງິນແລະບໍລິຈາກເຄື່ອງຂອງ.
ຕັ້ງແຕ່ເກີດແຜ່ນດິນໄຫວມານີ້, ສູນກາງພັກແລະລັດຖະບານຈີນໄດ້ນຳພາທົ່ວປະເທດວາງແຜນຢ່າງວ່ອງໄວ, ອົງການປົກຄອງທຸກຂັ້ນຂອງເຂດປະສົບໄພກໍ່ໄດ້ອອກແຮງກູ້ໄພ,ຈັດວາງປະຊາຊົນຢູ່ເຂດປະສົບໄພໃຫ້ດີ.ຜູ່ບັນຊາການຂອງກອງທັບປົດປ່ອຍປະຊາຊົນຈີນ ນາຍແລະພົນຕຳຫລວດປະກອບອາວຸດ ຕຳຫລາດຮັກສາຄວາມສະຫງົບໄດ້ບຸກໄປແນວຫນ້າ,ບາກບັ່ນກູ້ໄພ. ແຫ່ງຕ່າງໆແລະວົງການຕ່າງໆໃນສັງຄົມທົ່ວປະເທດຈີນກໍ່ສະນັບສະຫນູການກູ້ໄພ, ຫນ່ວຍກູ້ໄພ ແພດຫມໍແລະອາສາສະຫມັກ ຈາກແຫ່ງຕ່າງໆໃນທົ່ວປະເທດໄດ້ມຸ້ງຫນ້າສູ່ເຂດປະສົບໄພ. ນັກຂ່າວກໍ່ຟ້າວໄປແນວຫນ້າກູ້ໄພ,ເພື່ອນຳເອົາຂ່າວຫລ້າສຸດມາໃຫ້ປະຊາຊົນໃນທົ່ວປະເທດຊາບ.ເປັນອັນວ່າບ່ອນໃດມີຄວາມອັນຕະລາຍ, ບ່ອນນັ້ນກໍ່ຈະມີພວກເຂົາເຈົ້າຢູ່ຫັ້ນ.
1 2 3 4 5
|
|
|
