|
|
 |
| (GMT+08:00)
2008-05-20 15:02:57
|
 |
|
ລາຍການພິເສດກ່ຽວກັບການກູ້ໄພແຜ່ນດິນໄຫວຢ່ເມືອງູເວີ້ນຊ່ວນ: ພວກເຮົາລ້ວນແຕ່ແມ່ນຄົນເວີ້ນຊວນ
cri
ແຕ່ຫລັງຈາກນັ້ນພຽງມື້ດຽວ, ໃບຫນ້າຍິ້ມແຍ້ມຂອງພວກເດັກນ້ອຍກໍ່ໄດ້ກາຍເປັນອະດີດທີ່ບໍ່ກັບຕ່າວຄືນມາໄດ້ອີກ,ສ່ວນບົດປະຈຳວັນທາງອິນເທີແນັດຂອງຄູນັ້ນກໍ່ບໍ່ມີເນື້ອໃນໃຫມ່ມາເພີ່ມອີກ.
ໂຮງຮຽນມັດທະຍົມເປຊວນມີນັກຮຽນ 2600 ຄົນ, ປັດຈຸບັນ ຜູ່ເສຍຊີວິດແລະຫາຍສາບສູນນັ້ນມີເຖິງ 1200 ກວ່າຄົນ.ເຂດໃຫມ່ຂອງໂຮງຮຽນເປຊວນທັງຫມົດມີ 6 ຫ້ອງ, ແຕ່ມີສາມຫ້ອງຖືກຖົມຢູ່ໃຕ້ກອງຂີ້ຫິນທີ່ຕົກລົງມາແຕ່ເທິງພູຍ້ອນແຜ່ນດິນໄຫວ, ສ່ວນນັກຮຽນອີກສອງຫ້ອງໄດ້ໄປເຂົ້າຮ່ວມກິດຈະ ກຳໃນເມືອງ,ນັກຮຽນອີກຫ້ອງຫນຶ່ງພວມຫລິ້ນກິລາຢູ່ເດີ່ນ,ຍ້ອນວ່າຫໍປະຊຸມຂອງເມືອງແຂງແຮງດີແລະຕັ້ງຢູ່ບ່ອນກາງເດີ່ນ, ຈິ່ງເຮັດໃຫ້ນັກຮຽນໃນສາມຫ້ອງນີ້ພົ້ນໄພ.
ຕາມເວົ້າວ່າ,ຮອຍແຕກຍະທີ່ເມືອງເປຊວນຍາວຕັ້ງຢູ່,ຍາວ 500 ກິໂລແມັດ, ກວ້າງ 70 ກິໂລແມັດ.ເວລາ 14 ໂມງ 28 ນາທີຂອງວັນທີ 12 ພຶດສະພາ 2008, ບ່ອນນີ້ເກີດແຜ່ນດິນໄຫວຢ່າງກະທັນຫັນ,ປ້າຍນັບເວລາຄືນຫລັງຂອງການຈັດງານກິລາໂອລິມປິກໃນເມືອງນີ້ໄດ້ລົ້ມລົງເຮັດໃຫ້ເວລາຢຸດເຊົາຢູ່ບ່ອນ 88 ມື້ຖາວອນ.
ສ່ວນເປຊວນທີ່ມີພູອ້ອມຮອບແລະມີແມ່ນ້ຳໄຫລກ້ຽວ, ໄດ້ກາຍເປັນຈຸດອ່ອນທີ່ສຸດຂອງເມືອງໄປຊວນໃນແຜ່ນດິນໄຫວເທື່ອນີ້.ເພາະວ່າແຜ່ນດິນໄຫວໄດ້ເຮັດໃຫ້ຕຶກອາຄານພັງທະລາຍໂດຍກົງ, ບວກກັບດິນແລະຫີນໄຫລເຈື່ອນຈາກພູນັ້ນ,ເຮັດໃຫ້ຫມົດເມືອງເປຊວນຖືກດິນເຈື່ອນແລະຫິນໄຫລລົງມາຖົມຈາກຫລາຍດ້ານພ້ອມກັນຈົນບໍ່ມີບ່ອນຫລົບຫລີກ.ໂຮງຮຽນອະນຸບານເປຊວນມີເດັກນ້ອຍ 500 ກວ່າຄົນ, ຖືກກະແສດິນແລະຫິນເຈື່ອນຍູ້ໄປຫນ້າ 20 ກວ່າແມັດແລ້ວຖືກຝັງໃຕ້ຢູ່ໃນກອງດິນທັງຫມົດ,ມີແຕ່ 20 ກວ່າຄົນລອດຕາຍ.
ເມືອງນ້ອຍທີ່ມີປະຊາກອນ 2 ຫມື່ນ 2 ພັນຄົນ,ປັດຈຸບັນຖືກຖົມ 6000 ກວ່າຄົນ,ເສຍຊີວິດໄປແລ້ວ 3000 ກວ່າຄົນ, 3000 ກວ່າຄົນຖືກບາດເຈັບ, ຜູ່ເສຍຊີວິດແລະບາດເຈັບກາຍເຄິ່ງຫນຶ່ງ.ເຮືອນຊານເພພັງທັງຫມົດ,ບໍ່ມີຫລັງໃດໃຊ້ໄດ້,ສ່ວນພື້ນຖານໂຄງລ່າງໃນເມືອງນີ້ເຊັ່ນວ່າ ນ້ຳປະປາ ໄຟຟ້າ ອາຍແກສ ຫົນທາງແລະອື່ນໆຖືກລ້າງຖານຈົນແປນ.
ຫລາຍໆຄົນເວົ້າວ່າ, ເມືອງເປຊວນຖືກທຳລາຍໄປຫມົດແລ້ວ, ແຕ່ທ່ານຈິ່ງຕ້າຈົ່ງ ເຈົ້າເມືອງເປຊວນພັດເວົ້າດ້ວຍຄວາມຫນັກແຫນ້ນວ່າ:ເມືອງໄປຊວນຍັງຈະມີຢ່ໃນທີ່ສຸດູ, ເພາະວ່າພວກເຮົາມີຄວາມຫມັ້ນໃຈ.
1 2 3 4 5
|
|
|
