ລັດຖະບານຈີນຊ່ວຍວິສາຫະກິດຂະຫນາດກາງແລະນ້ອຍຜ່ານຜ່າຄວາມຫຍຸ້ງຍາກ
(GMT+08:00) 2009-03-10 16:20:37 cri
-----------------------------------------------------------------------------------------------------------------
-----------------------------------------------------------------------------------------------------------------
ລັດຖະບານແລະອົງການປົກຄອງທ້ອງຖີ່ນຂອງຈີນຍັງໄດ້ຫລຸດຫລືຍົກເວັ້ນພາສີຕໍ່ວິສາຫະກິດຂະຫນາດກາງແລະນ້ອຍ,ຫລຸດການຫາບແບກດ້ານທຸລະກິດຂອງເຂົາເຈົ້າໃຫ້ຫນ້ອຍລົງ.ປີກາຍນີ້, ຈີນໄດ້ຍົກອັດຕາຖອນພາສີຂາອອກຜະລິດຕະພັນແຜ່ນແພແລະເຄື່ອງນຸ່ງຫົ່ມແລະຜະລິດຕະພັນອື່ນໆສີ່ເທື່ອ,ສະຫນັບສະຫນູນວິສາຫະກິດຂະຫນາດກາງແລະນ້ອຍສົ່ງສິນຄ້າອອກຂາຍນອກ.ຍົກເອົາການສົ່ງອອກຂອງແຜ່ນແພແລະເຄື່ອງນຸ່ງຫົ່ມເປັນຕົວຢ່າງຄື: ອັດຕາຖອນພາສີຂາອອກຂອງຈີນໄດ້ຈາກ 11% ໃນແຕ່ ຍົກຂຶ້ນເປັນ 14% ໃນປັດຈຸບັນ. ນອກນີ້, ລັດຖະບານຈີນຍັງໄດ້ຫລຸດແລະຍົກເວັ້ນອາກອນລາຍໄດ້ ອາກອນມູນຄ່າເພີ່ມແລະການເກັບຄ່າດ້ານບໍລິຫານງານຈຳນວນຫນຶ່ງຂອງວິສາຫະກິດອີກ.
ນອກຈາກໃຫ້ການສະຫນັບສະຫນູນດ້ານທຶນຮອນ ຫລຸດແລະຍົກເວັ້ນພາສີຕໍ່ວິສາຫະກິດຂະຫນາດກາງແລະນ້ອຍແລ້ວ, ລັດຖະບານຈີນຍັງໄດ້ເບີກຈ່າຍທຶນສະເພາະ, ເພື່ອສະຫນັບສະຫນູນວິສາຫະກິດກາງແລະນ້ອຍດຳເນີນການດັດແປງເຕັກນິກ, ຊຸກຍູ້ໃຫ້ເຂົາເຈົ້າດຳເນີນການປັບປຸງໂຄງປະກອບ, ເລັ່ງລັດການຍົກລະດັບເຄື່ອງຈັກເຄື່ອງລາງ;ຊ່ວຍວິສາຫະກິດຂະຫນາດກາງແລະນ້ອຍມີການປະດິດສ້າງໃນດ້ານຄຸ້ມຄອງບໍລິຫານ, ຍົກກຳລັງແຂ່ງຂັນໃນຕະຫລາດ.ທ່ານລີອີ້ຈົ່ງ ລັດຖະມົນຕີວ່າການກະຊວງອຸດສາຫະກຳແລະຂໍ້ມູນຂ່າວສານຈີນກ່າວວ່າ:
ເວົ້າສຳລັບການຊຸກຍູ້ກດ້ານທຶນຮອນນັ້ນ, ການດັດແກ້ເຕັກນິກແມ່ນວິທີທີ່ດີທີ່ສຸດ.
ລັດຖະບານຈີນມີແຜນຈະອອກທຶນສ່ວນຫນຶ່ງ, ສະຫນັບສະຫນູນວິສາຫະກິດຂະຫນາດກາງແລະນ້ອຍໃນຂະແຫນງການທີ່ມີຄວາມສຳຄັນຕໍ່ປະເທດແລະຊີວິດການເປັນຢູ່ຂອງປະຊາຊົນ. ຕໍ່ວິສາຫະກິດຂະຫນາດກາງແລະນ້ອຍທີ່ມີພື້ນຖານດີແລະມີຄວາມຕ້ອງການຫລາຍໃນຕະຫລາດແຕ່ຊ້ຳພັດປະສົບຄວາມຫຍຸ້ງຍາກຊົ່ວຄາວນັ້ນ, ລັດຖະບານຍັງຈະໃຫ້ການອຸດຫນູນດ້ານດອກເບ້ຍຕໍ່ທຶນດັດແປງເຕັກນິກຂອງເຂົາເຈົ້າ.ໃນໄລຍະມໍ່ໆມານີ້, ກະຊວງອຸດສາຫະກຳແລະຂໍ້ມູນຂ່າວສານຂອງຈີນຈະຈັດທຶນດັດແກ້ເຕັກນິກທີ່ມີມູນຄ່າ 15 ຕື້ຢວນ,ໃຊ້ວິທີອຸດຫນູນດ້ານດອກເບ້ຍເງິນກູ້,ແລ້ວໃຫ້ການສະຫນັບສະຫນູນແກ່ໂຄງການຂອງວິສາຫະກິດທີ່ກ່ຽວຂ້ອງທີ່ໄດ້ຮັບການກວດກາພິຈາລະນາແລ້ວ.
ຂ່າວ-ບົດທີ່ກ່ຽວຂ້ອງ
ຄຳເຫັນ
