ລັດຖະບານຈີນຊ່ວຍວິສາຫະກິດຂະຫນາດກາງແລະນ້ອຍຜ່ານຜ່າຄວາມຫຍຸ້ງຍາກ
(GMT+08:00) 2009-03-10 16:20:37 cri
-----------------------------------------------------------------------------------------------------------------
-----------------------------------------------------------------------------------------------------------------
ທ່ານຫຼີອີ້ຈົ່ງກ່າວວ່າ,ເພີ່ມທະວີການດັດແກ້ເຕັກນິກຂອງວິສາຫະກິດຂະໜາດກາງແລະຂະໜາດນ້ອຍ,ບໍ່ພຽງແຕ່ມີຜົນດີຕໍ່ການຮັບມືກັບວິກິດການການເງິນປະຈຸບັນແລະຊຸກຍູ້ ການພັດະນາເສດຖະກິດທໍ່ນັ້ນ,ຍິ່ງສຳຄັນກວ່ານັ້ນແມ່ນ ມີບົດບາດຫຼາຍຕໍ່ການປັບປຸງໂຄງ ປະກອບແລະຫັນປ່ຽນວິທີການເຕີບໂຕຂອງເສດຖະກິດໃນປະຈຸບັນເພື່ອຮັບມືກັບສະພາບການໃນຕໍ່ໜ້າ. ທ່ານກ່າວວ່າ:"ດຽວນີ້,ລາຄາຂອງວັດຖຸດິບແລະອຸປະກອນໃນຕະຫຼາດສາ ກົນຫຼຸດລົງຢ່າງຫຼວງຫຼາຍ,ໃນເວລາທີ່ເສດຖະກິດອ່ອນເພຍກໍ່ກຳລັງສຸມເຂົ້າໃນການປັບປຸງເຕັກນິກ,ເມື່ອປັບໃຫ້ດີແລະປັບຕົວໃຫ້ໄດ້ໃນຕໍ່ໜ້າກໍ່ຈະສາມາດເກັບທຶນຄືນໄດ້ຢ່າງວ່ອງໄວ."
ຜູ້ຊ່ຽວຊານກ່າວວ່າ,ນອກຈາກໄດ້ວາງນະໂຍບາຍທີ່ມີຜົນດີຕໍ່ວິສາຫະກິດຂະໜາດກາງແລະຂະໜາດນ້ອຍໂດຍສະເພາະແລ້ວ,ແຜນການ ລົງທຶນ4000ຕື້ຢວນທີ່ລັດຖະບານຈີນເລີ່ມປະຕິບັດແຕ່ທ້າຍປີ2008ກໍ່ຈະມີຜົນດີຕໍ່ວິສາຫະກິດເຫຼົ່ານີ້.ເພາະວ່າ,ແຜນການລົງທຶນນີ້ຕົ້ນຕໍແມ່ນໃສ່ໂຄງ ການທີ່ພົວພັນເຖິງຊີວິດການເປັນຢູ່ຂອງປະຊາຊົນ ໂຄງການດ້ານສາ ທາລະ ນະປະໂຫຍດ ການສ້າງສາພື້ນຖານໂຄງລ່າງແລະຂົງເຂດອື່ນໆ,ວິສາຫະກິດຂະ ໜາດກາງແລະຂະໜາດນ້ອຍທີ່ເປັນສ່ວນປະກອບຂອງວິສາຫະກິດໃຫຍ່ກໍ່ຈະພົບໂອກາດພັດທະນາທີ່ດີແລະຈະໄດ້ຮັບຜົນປະໂຫຍດຈາກແຜນການນີ້.ທ່ານຈູ້ປາວລຽງ ນັກເສດຖະສາດຜູ້ທີ1ຂອງພະແນກຄາດຄະເນເສດ ຖະກິດສູນຂໍ້ມູນຂ່າວສານແຫ່ງຊາດຈີນກ່າວວ່າ: "ພວກຂ້າພະເຈົ້າຍັງຕ້ອງຊອກຫາທຸກວິທີກະຕຸ້ນຄວາມຕ້ອງການພາຍໃນ,ເຊິ່ງລວມທັງສະໜັບສະໜູນການພັດທະນາຂອງວິສາຫະກິດຂະໜາດກາງແລະຂະໜາດນ້ອຍ.ຍາມໃດເສດຖະກິດຟື້ນຕົວຄືນໃໝ່,ການເຕີບໂຕຂອງເສດຖະກິດຄືກັບຕ່ອງໂສ້ເກາະ ຫ້ອຍກັນໄປ, ເມື່ອວິສາຫະກິດໃຫຍ່ດີຂຶ້ນແລ້ວ,ວິສາຫະກິດຂະໜາດກາງແລະຂະໜາດນ້ອຍກໍ່ຈະດີຂຶ້ນໄປນຳ."
ນອກນີ້,ອົງການປົກຄອງທ້ອງຖິ່ນກໍ່ພວມຊ່ວຍເຫຼືອວິສາຫະກິດຂະ ໜາດກາງຂະໜາດນ້ອຍຜ່ານຜ່າຄວາມຫຍຸ້ງຍາກ.ຫວ່າງມໍ່ໆນີ້,ແຂວງກວາງຕຸ້ງທີ່ຕັ້ງຢູ່ພາກຕາເວັນອອກສຽງໃຕ້ຂອງຈີນກໍ່ສະເໜີອອກຢ່າງຈະແຈ້ງວ່າ ຈະເບີກເງິນ2ຕື້200ລ້ານຢວນເພື່ອຊ່ວຍຫຼຸດ ຜ່ອນຄວາມຫຍຸ້ງຍາກໃຫ້ວິສາຫະກິດ.
ພາຍໃຕ້ສະພາບວິກິດການການເງິນ,ວິສາຫະກິດຂະໜາດກາງແລະຂະໜາດນ້ອຍຂອງຈີນກໍ່ດຳເນີນການປັບປຸງຢ່າງບໍ່ຢຸດຢັ້ງ,ຍົກສູງວິທະຍາ ສາດເຕັກນິກໃໝ່ແລະມູນຄ່າເພີ່ມຂອງຜະລິດຕະພັນໂດຍຜ່ານການຍົກລະດັບຜະລິດຕະພັນ,ເພື່ອເພີ່ມທະວີກຳລັງແຂ່ງຂັນ ໃນຕະຫຼາດ.ລັດຖະບານຈີນກໍ່ໄດ້ເຮັດວຽກຢ່າງຫຼວງຫຼາຍໃນການຊ່ວຍເຫຼືອວິສາຫະກິດເຫຼົ່ານີ້ບຸກເບີກຕະຫຼາດ,ຕົວຢ່າງຄື ໃນຂະນະທີ່ຄວາມຕ້ອງການຂອງຕະຫຼາດເອີລົບອາເມລິກາແລະຍີ່ປຸ່ນຫຼຸດໜ້ອຍລົງ,ລັດຖະບານຈີນພະຍາຍາມຊ່ວຍຊອກຕະຫຼາດ ໃໝ່ຢູ່ປະເທດທີ່ຈະເລີນໃໝ່ຕ່າງໆ ຄືອາເມລິກາລາຕິນແລະເຂດຕາເວັນອອກກາງ,ຜ່ານວິທີການສ້າງເຂດຮ່ວມມືເສດຖະກິດການຄ້າເພື່ອຊ່ວຍໃຫ້ວິສາຫະກິດຂະໜາດກາງແລະຂະໜາດນ້ອຍອອກໄປຕ່າງປະເທດແບບເປັນກຸ່ມ.
ຂ່າວ-ບົດທີ່ກ່ຽວຂ້ອງ
ຄຳເຫັນ
