ໜອງຊີ່ງໄຫໜອງງາມທີ່ສຸດຂອງຈີນ
-----------------------------------------------------------------------------------------------------------------
ດິນແດນມະຫັດສະຈັນຂອງພູພຽງຊີ່ງໄຫຕິເບດ, ສຳຜັດກັບໜອງໜຶ່ງທີ່ງາມທີ່ສຸດຂອງຈີນ, ຄື ໜອງຊີ່ງໄຫ.
ໜອງຊີ່ງໄຫແມ່ນແຫຼ່ງທ່ອງທ່ຽວລະດັບ4Aຂອງຈີນ, ຕັ້ງຢູ່ຫຼົ້ງໜອງຊີ່ງໄຫທີ່ຢູ່ພາກຕາເວັນອອກສຽງເໜືອຂອງແຂວງຊີ່ງໄຫ, ຫ່າງຈາກເມືອງຊີ່ນີງ, ເທດສະບານແຂວງຊີ່ງໄຫ151ກິໂລແມັດ, ທາງຫຼວງແຫ່ງຊາດເລກ109, ທາງລົດໄຟຊິ່ງໄຫຕິເບດລ້ວນແຕ່ຜ່ານເຂດນີ້, ການຄົມມະນາຄົມສະດວກຫຼາຍ.
ໜອງຊິ່ງໄຫເປັນໜອງເຂດໃນທີ່ໃຫຍ່ກວ່າໝູ່ຂອງຈີນ, ທັງເປັນໜອງນ້ຳເຄັມທີ່ໃຫຍ່ກວ່າໝູ່ຂອງຈີນ, ມີສົມຍານາມເປັນ"ໜອງງາມທີ່ສຸດຂອງຈີນ", ສະຫະປະຊາຊາດກໍ່ໄດ້ຈັດໜອງຊີ່ງໄຫເຂົ້າໃນຄູ່ມືດິນທາມສຳຄັນຂອງສາກົນ, ແລະຈັດເຂົ້າໃນ"ສົນທິສັນຍາດິນທາມສຳຄັນຂອງສາກົນທີ່ເປັນບ່ອນພັກພາອາໄສຂອງນົກເປັດນ້ຳ", ເຊິ່ງໄດ້ດຶງດູດຄວາມສົນໃຈຢ່າງກວ້າງຂວາງຈາກປະຊາຄົມໂລກ, ແມ່ນແຫຼ່ງທ່ອງທ່ຽວທີ່ມີຈຸດພິເສດທີ່ສຸດຂອງແຂວງຊີ່ງໄຫ.
ໜອງຊີ່ງໄຫ, ໃນພາສາຕິເບດເອີ້ນວ່າ"ໂຊ້ວເວີ່ນໂປ່", ໃນພາສາມົງໂກນເອີ້ນວ່າ"ຄູ້ຄູ້ຈົວເອີ", ມີຄວາມໝາຍວ່າ"ທະເລສີຄາມ". ທ້າວລີອີ້ສາຍ, ຜູ້ນຳທ່ຽວທ້ອງຖິ່ນແນະນຳວ່າ, ເພາະວ່າປະຊາຊົນແຫ່ງນັ້ນບໍ່ເຄີຍເຫັນທະເລ, ເຂົາເຈົ້າຄິດວ່າໜອງຊີ່ງໄຫຄ້າຍຄືກັບທະເລ, ເລີຍເອີ້ນເປັນ"ຊີ່ໄຫ". ແປວ່າທະເລຕາເວັນຕົກ. ລາວເວົ້າວ່າ,
ໜອງຊີ່ງໄຫຖືກປະກວດເປັນໜອງທີ່ງາມກວ່າໝູ່ຂອງຈີນ,ເປັນອັນດັບທີໜຶ່ງໃນຫ້າໜອງໃຫຍ່ຂອງຈີນ, ແມ່ນໜອງນ້ຳເຄັມເຂດໃນທີ່ໃຫຍ່ກວ່າໝູ່ຂອງຈີນ, ມີແຕ່ນ້ຳໄຫຼເຂົ້າ,ບໍ່ເຄີຍໄຫຼອອກນອກ. ໜອງນີ້ມີເນື້ອທີ່4ພັນ500ກິໂລຕາແມັດ,ເທົ່າກັບເມືອງຊີ່ນິງເທດສະບານແຂວງເກືອບຫຼາຍກວ່າເຄິ່ງໜຶ່ງ. ສູງກວ່າໜ້ານ້ຳທະເລ3196ແມັດ, ທົ່ວໜອງຊີ່ງໄຫຈາກທິດຕາເວັນອອກຮອດຕາເວັນຕົກແມ່ນຍາວຢຽດ,ແຕ່ເໜືອລົງໃຕ້ແຄບ, ຈາກທິດຕາເວັນອອກຮອດຕາເວັນຕົກຍາວ106ກິໂລແມັດ,ແຕ່ເໜືອລົງໃຕ້ກວ້າງ63ກິໂລແມັດ, ສີ່ດ້ານລ້ວນແຕ່ອ້ອມດ້ວຍພູ, ຮອບຍາວ360ກິໂລແມັດ, ນ້ຳເລິກສະເລ່ຍ19ແມັດ, ບ່ອນເລິກທີ່ສຸດແມ່ນ39ແມັດ.