ໜອງຊີ່ງໄຫໜອງງາມທີ່ສຸດຂອງຈີນ
-----------------------------------------------------------------------------------------------------------------
ຍາມລະດູຮ້ອນແລະລະດູໃບໄມ້ຫຼົ່ນແມ່ນລະດູການທີ່ດີທີ່ສຸດສຳລັບການໄປທ່ຽວໜອງຊິງໄຫ.ທ່ານວາງເຟີງ ນັກທ່ອງທ່ຽວທີ່ມາຈາກແຂວງສ້ານຊີບອກວ່າ,ການໄປທ່ຽວໜອງຊິງໄຫແມ່ນຄວາມປາຖະໜາຂອງເພິ່ນມາໂດຍຕະຫຼອດ.ທ່ານບອກວ່າ:
"ໄດ້ຍິນວ່າໜອງຊິງໄຫງາມຫຼາຍ,ມີໜອງຊິງໄຫ,ຍັງມີວັດທາເອີ,ມາຮອດແຫ່ງນີ້ແລ້ວຮູ້ສຶກອາລົມດີທີ່ສຸດ,ສະບາຍໃຈຫຼາຍ,ເມື່ອໄດ້ເຫັນທ້ອງຟ້າສີຄາມ,ນ້ຳໜອງທີ່ໃສສະອາດແລະພູຂຽວ,ຍິ່ງຮູ້ສຶກສະບາຍໃຈ.ເພື່ອນຊິງໄຫລ້ວນແຕ່ກະຕືລືລົ້ນແລະເປັນມິດຫຼາຍ,ນອນນີ້,ກໍ່ຮູ້ສຶກວ່າຊິງໄຫມີສິ່ງແວດລ້ອມທີ່ສະອາດແລະສວຍງາມ,ປະຊາຊົນຊິງໄຫຮັກແຂກແພງຄົນ,ພາບວິວທິວທັດສວຍງາມ,ອາກາດດີ,ໜ້າຢູ່ແລະໜ້າໄປທ່ຽວ."
ຢູ່ກາງໜອງຊິງໄຫມີດອນນ້ອຍ5ດອນເໝືອນດັ່ງເຮືອນ້ອຍ5ລຳທີ່ລອຍຢູ່ເທິງໜ້ານ້ຳ,ຮູບຮ່າງທີ່ຕ່າງກັນຂອງດອນເຫຼົ່ານີ້ຕ່າງເປັນທິວທັດທີ່ມີຈຸດເດັ່ນຂອງໃຜມັນ.ໃນນັ້ນ,ຊື່ດັງທີ່ສຸດກໍ່ແມ່ນດອນນົກ,ມີເນື້ອທີ່ພຽງ0,5ກິໂລຕາແມັດ,ໃນລະດູໃບໄມ້ປົ່ງແລະລະດູຮ້ອນມີນົກອົບພະຍົບ1ແສນກວ່າໂຕມາອາໄສຢູ່ດອນນີ້, ພາບທີ່ນົກໝື່ນໂຕບິນພ້ອມກັນສະຫງ່າງາມຫຼາຍ.
ໜອງຊິງໄຫບໍ່ພຽງແຕ່ເປັນແຫຼ່ງທ່ອງທ່ຽວທີ່ມີສີສັນມະຫັດສະຈັນເທົ່ານັ້ນ,ຍັງເປັນໜອງໃຫຍ່ອັນປະເສີດທີ່ນັກວິທະຍາສາດທົ່ວໂລກສົນໃຈນຳ.ລັດຖະບານຈີນເຄີຍດຳເນີນການສຳຫຼວດສັງຄົມຫຼາຍເທື່ອຕໍ່ໜອງຊິງໄຫ,ໄດ້ພົບວ່າໃນໜອງຊິງໄຫມີຊັບພະຍາກອນບໍ່ແຮ່ອັນອຸດົມສົມບູນ.ໜອງຊິງໄຫມີປາໄນຈຳນວນຫຼວງຫຼາຍ,ເປັນຄັງປາທຳມະຊາດທີ່ໃຫຍ່ທີ່ສຸດຂອງເຂດພາກຕາເວັນຕົກສສຽງເໜືອຂອງຈີນ.
