ໜອງຊີ່ງໄຫໜອງງາມທີ່ສຸດຂອງຈີນ
-----------------------------------------------------------------------------------------------------------------
ໜອງຊີ່ງໄຫທີ່ຕັ້ງຢູ່ເທິງພູພຽງຊີ່ງໄຫຕິເບດ, ອ້ອມດ້ວຍທົ່ງຫຍ້າອັນກວ້າງຂວາງ, ຢູ່ແຄມໜອງໜ້າດິນຮາບພຽງ, ມີນ້ຳຢ່າງພຽງພໍ, ອາກາດອົບອຸ່ນ, ແມ່ນສວນລ້ຽງສັດແບບທຳມະຊາດທີ່ມີນ້ຳແລະຫຍ້າຢ່າງອຸດົມສົມບູນ.
ຍ້ອນວ່າຢູ່ໃນໜອງມີຄວາມເລິກຕ່າງກັນ, ມີຈຸດພິເສດດ້ານອຸທົກກະສາດຕ່າງກັນ, ອາກາດກໍ່ປ່ຽນໄປຕາມລະດູການ, ໃນຕອນເຊົ້າ, ຕອນທ່ຽງແລະຕອນກາງຄືນຂອງມື້ດຽວກັນ, ສີນ້ຳໜອງຊີ່ງໄຫກໍ່ເກີດມີການປ່ຽນແປງ, ເຮັດໃຫ້ຮູ້ສຶກງຶດງໍ້. ຜູ້ນຳທ່ຽວເວົ້າວ່າ,
ໃນອາກາດຄືແນວນີ້, ໜອງຊີ່ງໄຫຈາກໃນຮອດນອກລວມມີ7ສີ, ສະນັ້ນປະຊາຊົນເຜົ່າຕິເບດທີ່ອາໄສຢູ່ແຫ່ງນີ້ຈຶ່ງເອີ້ນເປັນ"ໜອງເຈັດສີ", ແມ່ນໜອງສັກສິດແຫ່ງໜຶ່ງ. ໃນເດືອນກໍລະກົດທຸກໆປີ, ໜອງຊີ່ງໄຫຈະມີທິວທັດທີ່ສວຍງາມທີ່ສຸດ, ດອກຜັກກາດນ້ຳມັນທີ່ມີເນື້ອທີ່ກວ້າງຢູ່ແຄມໜອງກໍ່ແຕກດອກ, ທ້ອງຟ້າສີຄາມ, ເມກສີຂາວ, ດອກຜັກກາດນ້ຳມັນສີຄຳປະສົມປະສານກັນ, ງາມຫຼາຍ.
ໜອງຊິງໄຫມີທິວທັດທີ່ຕ່າງກັນຫຼາຍຍ້ອນການປ່ຽນແປງຂອງລະດູການ.ລະດູຮ້ອນແລະລະດູໃບໄມ້ຫຼົ່ນ,ເມື່ອສາຍພູທີ່ສູງສະຫງ່າແລະທົ່ງຫຍ້າກວ້າງຂວາງທີ່ຢູ່ຝັ່ງຕາເວັນຕົກປົກຄຸ້ມໄປດ້ວຍສີຂຽວ,ພູຜາແຄມໜອງຂຽວງາມແລະນ້ຳໃສສະອາດ,ອາກາດສົດຊື່ນ, ງາມທີ່ສຸດ.ທົ່ງຫຍ້າທີ່ກວ້າງໃຫຍ່ປຽບສະເໝືອນພົມສີຂຽວ,ດອກໄມ້ນາໆສີປະດັບທົ່ງຫຍ້າໃຫ້ງາມຄືຜ້າລວດລາຍ,ຍັງມີງົວ,ແກະແລະມ້າຫຼາຍຈົນນັບບໍ່ຖ້ວນຄືໄຂ່ມຸກຫຼາຍສີຢາຍເຕັມທົ່ງຫຍ້າ.ທົ່ງນາທີ່ຢູ່ແຄມໜອງ ງາມປານຮູບແຕ້ມ,ເມື່ອລົມພັດມາ, ເຂົ້າເບຼໃນນາຂຶ້ນໆລົງໆເໝືອນຄື້ນນ້ຳ,ດອກຜັກນ້ຳມັນສີເຫຼືອງສົ່ງກິນຫອມໄປຕາມສາຍລົມ.ໜອງຊິງໄຫທີ່ກວ້າງໃຫຍ່ສຸດສາຍຕາຕິດຈອດກັບຟ້າ,ຄື້ນນ້ຳໃສກະທົບກັນ.ສ່ວນໃນຍາມລະດູໜາວ,ອາກາດໜາວຫຼາຍ,ສາຍພູແລະທົ່ງຫຍ້າປ່ຽນເປັນສີເຫຼືອງ,ບາງເທື່ອຍັງປົກຫຸ້ມໄປດ້ວຍຫິມະຊັ້ນໜາໆ. ເດືອນພະຈິກແຕ່ລະປີ,ໜອງຊິງໄຫເລີ່ມກ້າມ,ໜ້າໜອງເປັນສີເງິນ,ເໝືອນດັ່ງແວ່ນແຍງໃຫຍ່ໆແຜ່ນໜຶ່ງ, ເຫຼື້ອມຍິບຍັບໃຕ້ແສງຕາເວັນ.