ໂຄງ​ການ​ຊ່ານ​ເສຍ---​ເຂື່ອນ​ໃຫຍ່​ເທິງ​ແມ່​ນ້ຳ​ຢ່າງ​ຊີ​ກ້ຽງ

ປະຈຸ​ບັນ, ​ແຫຼ່ງທ່ອງ​ທ່ຽວ​ໂຄງການ​ເຂື່ອນ​ຊ່ານ​ເສຍ​ໄດ້​ເປີດ​ສວນ3​ແຫ່ງ​ໃຫ້​ນັກ​ທ່ອງ​ທ່ຽວ​ເຂົ້າ​ຊົມຄື​ໜຶ່ງ: ພູ​ຖານ​ຈື່ຫຼິງ,​ສອງ: ແທ່ນ185​ແລະ​ສາມ:ສວນ​ລະ​ລຶກການ​ກັ້ນ​ນ້ຳ.ກ່ອນ​ອື່ນ,ພວກ​ເຮົາ​ຈະ​ໄປ​ພູ​ຖານ​ຈື່​ຫຼິງທີ່​ເປັນ​ຈຸດ​ສູງສຸດ​ຂອງ​ໂຄງການ​ເຂື່ອນ​ຊ່ານ​ເສຍ,ພູ​ນີ້​ສູງ​ກວ່າ​ໜ້າ​ນ້ຳ​ທະ​ເລ260ກ​ວ່າ​ແມັດ,ຢືນ​ຢູ່​ແຫ່ງ​ນີ້​ຈະ​ສາມາດ​ເບິ່ງ​ເຫັນພາ​ບທິວ​ທັດ​ຂອງ​ໂຄງ​ການ​ເຂື່ອນ​ຊ່ານ​ເສຍ.ສ່ວນ​ຊື່​ຂອງ​ພູ​ຖານ​ຈືຫຼິງ​ແມ່ນ​ເລື່ອງ​ເລົ່າ​ຂານ​ໃນ​ນິທານ​ເລື່ອງ​ໜຶ່ງ,​ນາງ​ລ້ຽວ​ເມິງ​ຊິງ ຜູ່​ນຳ​ທ່ຽວ​ບອກ​ວ່າ:

"ຕາມ​ການ​ເລົ່າ​ລື​ກັນ​ມາ​ວ່າ,​ໃນ​ສະ​ໄໝ​ບູຮານ​ຈີນ,ມີ​ຄົນ​ຜູ່​ໜຶ່ງ​ຊື່ວ່າຕ້າ​ຢູ່​ນຳພາ​ປະຊາຊົນ​ສູ້​ຊົນ​​ແກ້​ໄຂ​ບັນຫາ​ນ້ຳ​ຖ້ວມ​ຢ່າງ​ບໍ່​ຮູ້​ອິດ​ຮູ້​ເມື່ຍ,​ຈົນ​ບໍ່​ມີ​ເວ​ລາ​ເມື່ອ​ຢາມ​ຄອບ​ຄົວ,​ເຖິງຈະ​ເຄີ​ຍຍ່າງ​ຜ່ານ​ປະຕູ​ເຮືອນ​3​ເທື່ອກໍ່​ບໍ່​ໄດ້​ເຂົ້າ​ເຮືອນ,​ໂດຍ​ໄດ້​ຮັບ​ກາ​ນຊ່ວຍ​ເຫຼືອ​ຂອງ​ງົວ​ວິ​ເສດ​ໂຕ​ໜຶ່ງ,​ໄດ້​ເຈາະ​ຮ່ອມ​ພູ​ຍາວ​ປະ​ມານ​200​ກິ​ໂລ​ແມັດ,​ນັ້ນ​ກໍ່​ຄື​ຮ່ອມ​ພູ​ຊ່ານ​ເສຍຂອງ​ແມ່​ນ້ຳ​ຢ່າງ​ຊີ​ກ້ຽງ.​ເພື່ອ​ສະ​ແດງ​ຄວາມ​ຂອບ​ໃຈ​ຕໍ່​ຕ້າ​ຢູ່,​ປະ​ຊາ​ຊົນ​ລຽບ​ຮ່ອມ​ພູ​ຊ່ານ​ເສຍ​ກໍ່​ເລີຍ​ໃຊ້​ເຮືອ​ໃຫຍ່​ຂົນ​ເຫຼົ້າ​ໃສ່​ໄຫ​ໜ່ວຍ​ໃຫຍ່ໆ​ໄປ​ມອບ​ໃຫ້​ຕ້າ​ຢູ່,​ສ່ວນ​ຕ້າ​ຢູ່​ກັບ​ງົວ​ວິ​ເສດ​ກໍ່​ອຳ​ລາ​ຈາກ​ໄປ,ຈົ່ງ​ຫີນ​ກ້ອນ​ໃຫຍ່ໆ​ໄວ້​ເປັນ​ທີ່​ລະ​ລຶກ.​ປະ​ຊາ​ຊົນ​ຮູ້ສຶກ​ສະເທືອ​ນ​ໃຈ​ຫຼາຍຈົນ​ບໍ່​ຢາກ​ຈາກ​ໄປ​ກໍ່​ເລີຍ​ເຝົ້າ​ຖ້າ​ຢູ່​ຫັ້ນ,​ໃນ​ທີ່​ສຸດ,​ກ້ອນ​ຫີນ​ໃຫຍ່​ກໍ່ກາຍ​ເປັນ​ດອນ​ນ້ອຍ​,ນັ້ນ​ກໍ່​ຄື​ດອນ​ຈົ່ງ​ປາວ​ທີ່​ເປັນ​ສະຖານ​ທີ່​ກໍ່​ສ້າງ​ໂຄງ​ການ​ເຂືອນ​ຊ່ານ​ເສຍ,​ສ່ວນ​ໄຫ​ເຫຼົ້າ​ໃຫຍ່​ນັ້ນ​ກໍ່​ວາງ​ໄວ້​ເທິງ​ຝັ່ງ​ຊ້າຍ​ແມ່​ນ້ຳ​ຢ່າງ​ຊີ​ກ້ຽງ,​ແລະ​ໄດ້​ກາຍ​ເປັນ​ໜ່ວຍ​ພູ​ຄື​ພູ​ຖານ​ຈື່​ຫຼິງ​ໃນ​ປັດ​ຈຸ​ບັນ.​ຕາມ​ເພິ່ນ​ເລົ່າ​ລື​ກັນ​ມາ​ວ່າ,ຢູ່​ເທິງ​ພູ​ແຫ່ງ​ນີ້,​ໃນ​ມື້​ອາກາດ​ປອດ​ໂປ່​ງສົດ​ໃສ,​ເມື່ອ​ມີລົມ​ພັດ​ໂຊ​ຍມາ​ຈະ​ມີ​ຄວາມ​ຮູ້​ສຶກ​ເໝືອນ​ກັບໄດ້​ກິ່ນ​ຫອມ​ຂອງ​ເຫຼົ້າ​ຢູ່​."

ດອນ​ຈົ່ງ​ປາວ​

ຊົມທັດສະນີຍະພາບເຂື່ອນຊ່ານເສຍຈາກພູຖານຈື

ຫຼັງ​ຈາກ​ຊົມ​ທັດສະນີ​ຍະ​ພາບ​ທົ່ວ​​ເຂື່ອນ​ຊ່ານ​ເສຍ​ຢູ່​ເທິງ​ພູ​ຖານ​ຈື່​ຫຼິງ​ແລ້ວ,ພວກ​ເຮົາ​ຈະ​ໄປ​ທ່ຽວ​ແທ່ນ185.ຍ້ອນ​ວ່າ​ແທ່ນນີ້​ສູງ​ພຽງ​ຈອມ​ເຂື່ອນ​ຄືສູງ​ກວ່າ​ລະດັບ​ໜ້າ​ນ້ຳ​ທະ​ເລ185​ແມັດ,ສະ​ນັ້ນ​ຈິ່ງ​ໄດ້​ຊື່ວ່າ​ແທ່ນ​185.​ນາງ​ລ້ຽວ​ເມິ້ງ​ຊິງ ຜູ່​ນຳ​ທ່ຽວ​ບອກ​ວ່າ,​ແຫ່ງ​ນີ້​ເປັນ​ບ່ອນ​ດີ​ທີ່​ສຸດ​ສຳລັບ​ຊົມ​ພາບ​ອ່າງ​ເກັບ​ນ້ຳ​ຊ່ານ​ເສຍຫຼັງ​ເກັບ​ນ້ຳ.

"ຢືນ​ຢູ່​ແທ່ນ185​ຈະ​ສາມາດ​ເບິ່ງເຫັນ​ດ້ານ​ໜ້າ​ຂອງ​ຝາຍ​ກັ້ນ​ນ້ຳຂອງ​ໂຄງການ​ເຂື່ອນ​ຊ່ານ​ເສຍ,ໝາຍ​ຄວາມ​ວ່າ​ສາມາດ​ຊົມ​ພາບ​ອ່າງ​ເກັບ​ນ້ຳ ​ແລະ​ຍັງ​ສາມາດ​ຊົມ​ພາບ​ອັນ​ສະຫງ່າ​ງາມ​ຂອງ​ເຂື່ອນ​ຊ່ານ​ເສຍ​ໄດ້​ທັງໝົດ,ນອກ​ນີ້,ຍັງ​ຈະ​ໄດ້​ເຫັນ​ພາບ​ຂອງ​ເມືອງ​ຈືກຸ່ຍ ​ເມືອງ​ແຫ່ງ​ທຳ​ອິດ​ທີ່​ຢູ່​ເຂດ​ໂຄງການ​ເຂື່ອນ​ຊ່ານ​ເສຍ​ທັງ​ເປັນບ້ານ​ເກີດ​ຂອງ​ສູ​ຢວນ ນັກ​ກະວີ​ທີ່​ມີ​ຊື່ສ​ຽງ​ໃນ​ສະ​ໄໝ​ບູຮານ​ຂອງ​ຈີນ."