ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ມິຖຸນານີ້, ລັດຖະບານອາເມລິກາໄດ້ປະກາດບັນຊີລາຍການສິນຄ້າທີ່ຈະຂຶ້ນພາສີຕື່ມ ໂດຍຈະຂຶ້ນພາສີ 25% ຕໍ່ສິນຄ້າທີ່ນຳເຂົ້າຈາກຈີນປະມານ 50 ຕື້ໂດລາສະຫະລັດ, ໃນນັ້ນ ຈະຂຶ້ນພາສີຕື່ມຕໍ່ສິນຄ້າປະມານ 34 ຕື້ໂດລາສະຫະລັດນັບແຕ່ວັນທີ 6 ກໍລະກົດໜ້ານີ້ເປັນຕົ້ນໄປ ແລະ ເລີ່ມທາບທາມຄວາມເຫັນຂອງປະຊາຊົນກ່ຽວກັບການຂຶ້ນພາສີຕື່ມຕໍ່ສິນຄ້າຈີນອີກຈຳນວນປະມານ 16 ຕື້ໂດລາສະຫັດລັດ. ການກະທຳຂອງອາເມລິກາໄດ້ລະເມີດກົດລະບຽບທີ່ກ່ຽວຂ້ອງຂອງອົງການການຄ້າໂລກ ແລະລ່ວງລະເມີດສິດຜົນປະໂຫຍດທີ່ຊອບດ້ວຍກົດໝາຍຂອງຈີນ ກໍຄືຜົນປະໂຫຍດຂອງປະຊາຊົນຈີນຢ່າງໜັກໜ່ວງ.
ໂດຍອີງຕາມ “ກົດໝາຍວ່າດ້ວຍການຄ້າຕ່າງປະເທດສາທາລະນະລັດປະຊາຊົນຈີນ”, “ກົດລະບຽບພາສີຂາເຂົ້າຂາອອກສາທາລະນະລັດປະຊາຊົນຈີນ” ແລະກົດໝາຍອື່ນໆກໍຄືຫຼັກການກົດລະບຽບພື້ນຖານສາກົນ ແລະຜ່ານການອະນຸມັດຈາກລັດຖະບານຈີນ, ຄະນະກຳມະການກົດລະບຽບພາສີຄະນະລັດຖະບານຈີນປະກາດວ່າ, ຈະຂຶ້ນພາສີ 25% ຕໍ່ສິນຄ້າ 659 ລາຍການໃນມູນຄ່າປະມານ 50 ຕື້ໂດລາສະຫະລັດທີ່ຜະລິດໂດຍອາເມລິກາ ໃນນັ້ນ ຈະເລີ່ມຂຶ້ນພາສີຕື່ມຕໍ່ສິນຄ້າ 545 ລາຍການ ລວມທັງຜະລິດຕະພັນກະສິກຳ, ລົດ, ຜະລິດຕະພັນສິນໃນນ້ຳ ແລະ ອື່ນໆ ໂດຍມີມູນຄ່າປະມານ 34 ຕື້ໂດລາສະຫະລັດ ນັບແຕ່ວັນທີ 6 ກໍລະກົດໜ້ານີ້ເປັນຕົ້ນໄປ ສ່ວນການຂື້ນພາສີຕື່ມຕໍ່ສິນຄ້າອື່ນໆນັ້ນຈະປະກາດຕ່າງຫາກ.
ຄຳເຫັນ
0