ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານຫວາງຢີ້ ທີ່ປຶກຫາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ ແລະ ທ່ານຄາຣິນ ຄະເນັສ ລັດຖະມົນຕີກະຊວງການຕ່າງປະເທດໂອຕຣິສ ໄດ້ຮ່ວມກັນໃຫ້ສຳພາດຕໍ່ນັກຂ່າວ ຢູ່ນະຄອນຫຼວງວຽນໃນວັນທີ 5 ກໍລະກົດນີ້, ທ່ານຫວາງຢີ້ ກ່າວວ່າ: ລັດທິປົກປ້ອງການຄ້າເປັນການກະທຳທີ່ບໍ່ເບິ່ງກວ້າງມອງໄກ, ຈະສ້າງຄວາມເສຍຫາຍໃຫ້ແກ່ຜູ້ອື່ນແຕ່ກໍບໍ່ມີຜົນປະໂຫຍດຕໍ່ຕົນແຕ່ຢ່າງໃດ; ການກະທຳໃດໆທີ່ເປັນການກະທຳແຕ່ຝ່າຍດຽວລ້ວນແຕ່ໄດ້ລະເມີດກົດລະບຽບອົງການການຄ້າໂລກ, ເປັນການທຳລາຍລະບົບການຄ້າຫຼາຍຝ່າຍ ທັງຈະສ້າງຜົນກະທົບຕໍ່ທ່ວງທ່າການຟື້ນຕົວແລະການພັດທະນາຂອງເສດຖະກິດໂລກອີກດ້ວຍ.
ທ່ານຫວາງຢີ້ ກ່າວຕື່ມວ່າ: ຈີນ ແລະ ເອີຣົບລ້ວນແຕ່ເປັນຜູ້ໄດ້ປະໂຫຍດຈາກລະບົບການຄ້າຫຼາຍຝ່າຍ ທັງເປັນຜູ້ປົກປ້ອງລະບົບການຄ້າດັ່ງກ່າວ ໃນສະຖານະການປັດຈຸບັນ, ຈີນ ແລະ ເອີຣົບຄວນຮ່ວມກັນປົກປ້ອງລັດທິຫຼາຍຝ່າຍ ແລະ ລະບົບການຄ້າເສລີທີ່ສ້າງຂຶ້ນບົນພື້ນຖານກະຕິກາຕ່າງໆ ນີ້ເປັນພັນທະຮ່ວມຂອງສອງຝ່າຍ ແລະ ກໍແມ່ນການກະທຳທີ່ມີຄວາມຮັບຜິດຊອບຂອງສອງຝ່າຍທີ່ຄວນປະຕິບັດຕໍ່ໂລກ. ປັດຈຸບັນ, ຈີນພວມຢູ່ແນວໜ້າແຫ່ງການຕໍ່ຕ້ານລັດທິແຕ່ຝ່າຍດຽວແລະລັດທິປົກປ້ອງການຄ້າ ຈຶ່ງບໍ່ຢາກໃຫ້ຜູ້ໃດແທງຂ້າງຫຼັງ.
ຄຳເຫັນ
0