ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ແຕ່ເດືອນມີນາປີນີ້ເປັນຕົ້ນມາ, ຄວາມຂັດແຍ້ງດ້ານການຄ້າລະຫວ່າງຈີນກັບອາເມລິກາມີການປ່ຽນແປງຕະຫຼອດ, ຄວາມມືດມົນແຫ່ງ “ສົງຄາມການຄ້າ” ລະຫວ່າງສອງປະເທດ, ໄດ້ນຳເອົາຄວາມສ່ຽງທີ່ບໍ່ແນ່ນອນຫຼາຍຢ່າງໃຫ້ແກ່ການພົວພັນລະຫວ່າງຈີນກັບອາເມລິກາແລະເສດຖະກິດໂລກ. ຖ້າສົງຄາມການຄ້າເລີ່ມຕົ້ນ, ຈີນກັບອາເມລິກາຈະຖືກກະທົບທັງສອງຝ່າຍໂດຍບໍ່ມີຜູ້ຊະນະ, ສອງຝ່າຍຈະເສຍຜົນປະໂຫຍດບົ່ມຊ້ອນອັນໃຫຍ່ຫຼວງໃນ 5 ດ້ານ. ຄື ໜຶ່ງ, ຈະເຮັດໃຫ້ຈີນກັບອາເມລິກາເສຍຊ່ອງຫວ່າງກວ້າງໃຫຍ່ແຫ່ງການຮ່ວມມືໃນອະນາຄົດ, ສອງ, ຈະເຮັດໃຫ້ສອງປະເທດເສຍຜົນປະໂຫຍດໃຫຍ່ຫຼວງຈາກການແບ່ງວຽກຂອງສາຍໂສ້ຂະແໜງການທົ່ວໂລກ, ສາມ, ຈະເຮັດໃຫ້ໂລກເສຍໂອກາດປະຫວັດສາດອັນສຳຄັນທີ່ເຮັດໃຫ້ເສດຖະກິດຟື້ນຕົວຄືນໃໝ່, ສີ່, ຈະເຮັດໃຫ້ລະບຽບການສາກົນແລະກົດຂໍ້ກຳນົດສາກົນທີ່ຄ່ອຍໆຈໍ່ຕົວຂຶ້ນໃນຫຼາຍປີຜ່ານມານີ້ຂອງໂລກ ເສຍອິດທິພົນແລະລັກສະນະຈຳກັດ, ແລ້ວພາໃຫ້ເສດຖະກິດໂລກເກີດມີຄວາມວຸ້ນວາຍ, ຫ້າ, ຄືສິ່ງສຳຄັນທີ່ສຸດ ແມ່ນຈະເຮັດໃຫ້ອາເມລິກາເສຍຜົນປະໂຫຍດຈາກຕະຫຼາດທີ່ໃຫຍ່ຫຼວງຂອງຈີນ.
ຄວາມຂັດແຍ່ງດ້ານການຄ້າບໍ່ມີຜົນດີຕໍ່ຈີນແລະອາເມລິກາ ກໍ່ຄືທົ່ວໂລກ, ສະນັ້ນ, ຖ້າຈີນກັບອາເມລິກາສາມາດດຳເນີນການຮ່ວມມືດ້ານການຄ້າ, ການລົງທຶນແລະດ້ານອື່ນໆຢ່າງສະໜິດແໜ້ນກວ່າເກົ່າໄດ້, ຈະເຮັດໃຫ້ອາເມລິກາສາມາດແບ່ງປັນຜົນປະໂຫຍດຂອງຕະຫຼາດຈີນໄດ້, ຍັງຈະນຳເອົາໂອກາດລົງທຶນຫຼາຍກວ່າເກົ່າມາໃຫ້ອາເມລິກາ. ຖ້າຢາກແກ້ໄຂຄວາມຂັດແຍ້ງດ້ານການຄ້າລະຫວ່າງຈີນກັບອາເມລິກາ, ຂໍກະແຈໃນສະເພາະໜ້ານີ້ແມ່ນອາເມລິກາຄວນປ່ຽນແນວຄິດໃໝ່ເພື່ອແກ້ໄຂຄວາມຂັດແຍ້ງດ້ານການຄ້າລະຫວ່າງຈີນກັບອາເມລິກາ. ຖ້າຄວາມຂັດແຍ້ງໄດ້ຮັບການແກ້ໄຂ, ການເສຍປຽບດຸນການຄ້າ ຈຳນວນ 250 ຕື້ໂດລາສະຫະລັດທີ່ທ່ານໂດນັນ ທລຳ ສະເໜີອອກມານັ້ນກໍ່ຈະສາມາດຫຼຸດໜ້ອຍລົງຢ່າງງ່າຍດາຍ, ການຄ້າລະຫວ່າງສອງຝ່າຍຍັງຈະມີການພັດທະນາຢ່າງໃຫຍ່ກວ່າເກົ່າ. ຂໍແຕ່ວ່າສອງຝ່າຍຄິດດີໆ, ຊອກຫາທຸກວິທີຈາກດ້ານຕ່າງໆ, ການຄ້າຈີນອາເມລິກາກໍ່ອາດຈະປ່ຽນເປັນການໄດ້ປຽບດຸນການຄ້າ, ສິ່ງທີ່ຍາກປາກົດເປັນຈິງກໍ່ອາດຈະປາກົດເປັນຈິງໄດ້.
ຄຳເຫັນ
0