ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກໍລະກົດນີ້, ກະຊວງປ້ອງກັນຊາດ ແລະກະຊວງຄວາມໝັ້ນຄົງແລະການປົກຄອງສ.ເກົາຫຼີໄດ້ຮ່ວມກັນເປີດເຜີຍວ່າ: ສ.ເກົາຫຼີຈະຢຸດຕິ “ການຊ້ອມຮົບອໍຈີ” ປີນີ້ ແລະປະຕິບັດ “ການຊ້ອມຮົບອໍຈີໄທເກກ” ຮູບແບບໃໝ່ໃນປີ 2019.
ກະຊວງປ້ອງກັນຊາດ ແລະກະຊວງຄວາມໝັ້ນຄົງ-ການປົກຄອງຂອງສ.ເກົາຫຼີໄດ້ຊີ້ໃຫ້ເຫັນວ່າ: ລັດຖະບານສ.ເກົາຫຼີໄດ້ຕົກລົງຕາມສະຖານະການຄວາມໝັ້ນຄົງໃນປັດຈຸບັນ ແລະທິດທາງຢຸດຕິການຊ້ອມຮົບທາງການທະຫານຮ່ວມລະຫວ່າງສ.ເກົາຫຼີ ແລະອາເມລິກາ. “ການຊ້ອມຮົບອໍຈີໄທເກກ” ໃໝ່ຈະບໍ່ພຽງແຕ່ຕ້ານໄພຂົ່ມຂູ່ດ້ວຍກຳລັງອາວຸດຈາກຕ່າງປະເທດເທົ່ານັ້ນ, ແຕ່ຍັງລວມທັງການຮັບມືກັບການໂຈມຕີກໍ່ການຮ້າຍ, ໄພພິບັດ ແລະອື່ນໆອີກ ເຊິ່ງເປັນຮູບແບບການຊ້ອມຮົບຮັກສາຄວາມໝັ້ນຄົງໂດຍລວມທີ່ເຂົ້າຮ່ວມໂດຍທະຫານ, ປະຊາຊົນ ແລະລັດຖະບານສ.ເກົາຫຼີຮ່ວມກັນ.
ຄຳເຫັນ
0