ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 10 ກໍລະກົດນີ້ວ່າ, ໂດຍຕອບສະໜອງຕາມຄຳເຊີນຂອງລັດຖະບານມຽນມາ, ທ່ານຊຸນໂກວຊຽງ ທູດພິເສດວຽກງານອາຊີກະຊວງການຕ່າງປະເທດຈີນຈະເຂົ້າຮ່ວມກອງປະຊຸມສັນຕິພາບປາງລົງສະຕະວັດທີ 21 ຄັ້ງທີ 3 ຂອງມຽນມາ ກໍຄື ກອງປະຊຸມສັນຕິພາບສະຫະພາບ. ທ່ານກ່າວວ່າ, ຈີນສະໜັບສະໜູນຂະບວນການສັນຕິພາບມຽນມາ ແລະ ສະໜັບສະໜູນຄວາມພະຍາຍາມຂອງບັນດາຝ່າຍຂອງມຽນມາ ເພື່ອບັນລຸສັນຕິພາບພາຍໃນປະເທດ ແລະ ຄວາມປອງດອງແຫ່ງຊາດ. ພວກເຮົາຫວັງໃຫ້ຝ່າຍຕ່າງໆຂອງມຽນມາຍຶດໝັ້ນການເຈລະຈາກັນ, ແກ້ໄຂຄວາມຂັດແຍ້ງກັນດ້ວຍສັນຕິວິທີ ແລະ ບັນລຸການຢຸດຍິງໃນຂອບເຂດທົ່ວປະເທດໂດຍໄວ ເພື່ອສ້າງເງື່ອນໄຂທີ່ດີໃຫ້ແກ່ການບັນລຸສັນຕິພາບຢ່າງຖາວອນ ແລະ ພັດທະນາປະເທດໃຫ້ຈະເລີນຮຸ່ງເຮືອງ.
ທ່ານກ່າວຕື່ມວ່າ, ຈີນອວຍພອນໃຫ້ກອງປະຊຸມຄັ້ງນີ້ຈັດຂຶ້ນຢ່າງສຳເລັດຜົນ ແລະ ໃຫ້ຂະບວນການສັນຕິພາບມຽນມາບັນລຸຄວາມຄືບໜ້າຢ່າງຕັ້ງໜ້າ. ພວກເຮົາຍິນດີເສີມຂະຫຍາຍບົດບາດໃນລັກສະນະສ້າງສັນ ເພື່ອຂະບວນການປອງດອງແຫ່ງຊາດ ແລະ ບັນລຸສັນຕິພາບພາຍໃນມຽນມາ ໂດຍອີງຕາມຄວາມປາດຖະໜາຂອງຝ່າຍຕ່າງໆໃນມຽນມາ.
ຄຳເຫັນ
0