ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂົວໃຫຍ່ສອງແຫ່ງຢູ່ເທິງແມ່ນ້ຳປາຊິກ ທີ່ໄຫຼຜ່ານເຂດເມໂຕຣມະນີລາ ນະຄອນຫຼວງ ຟິລິບປິນທີ່ຈີນຊ່ວຍສ້າງນັ້ນ ໄດ້ເລີ່ມລົງມືກໍ່ສ້າງແລ້ວໃນວັນທີ 17 ກໍລະກົດນີ້ ໂດຍທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນ ແລະ ທ່ານຈ້າວຈ້ຽນຫົວ ເອກອັກຄະລັດຖະທູດຈີນປະຈຳຟິລິບປິນເຂົ້າຮ່ວມພິທີລົງມືກໍ່ສ້າງ.
ທ່ານດູເຕີເຕ ກ່າວວ່າ: ຂົວໃຫຍ່ສອງແຫ່ງນີ້ຈະຍົກສູງຄວາມສາມາດໃນການຂົນສົ່ງ ແລະ ຍົກສູງປະສິດທິພາບຂອງຕາໜ່າງການຄົມມະນາຄົມເຂດເມໂຕຣມະນີລາຢ່າງຫຼວງຫຼາຍ ທັງຈະຍົກສູງຄວາມສາມາດຂອງເສັ້ນທາງໃນການຕ້ານກັບໄພທຳມະຊາດຕ່າງໆ ເຊັ່ນ: ໄພນ້ຳຖ້ວມ ແລະ ແຜ່ນດິນໄຫວ. ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍຕໍ່ຈີນທີ່ມີນ້ຳໃຈເອື້ອເຟື້ອເຜື່ອແຜ່ ແລະ ຊ່ວຍສ້າງຂົວສອງແຫ່ງດັ່ງກ່າວ. ໃນຖານະເປັນເພື່ອນມິດຂອງຟິລິບປິນ, ຈີນໄດ້ຊ່ວຍຫຼຸດຜ່ອນຄວາມແອອັດຂອງການສັນຈອນຕາມນະຄອນຫຼວງມະນີລາດ້ວຍການກະທຳຕົວຈິງ.
ຄຳເຫັນ
0