ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເວທີປຶກສາຫາລືຂັ້ນສູງສື່ມວນຊົນປະເທດບຣິກສ໌ຄັ້ງທີ 3 ໄດ້ຈັດຂຶ້ນຢູ່ນະຄອນແຄບທາວ ປະເທດອາຟຣິກາໃຕ້ໃນວັນທີ 18 ກໍລະກົດນີ້ ໂດຍມີຜູ້ຕາງໜ້າອົງການສື່ມວນຊົນ 5 ປະເທດບຣິກສ໌ ໄດ້ປຶກສາຫາລືບັນຫາຕ່າງໆ ທີ່ປິ່ນອ້ອມຫົວຂໍ້ “ເພີ່ມທະວີການຮ່ວມມືກັນທ່າມກາງການສ້າງຄວາມເປັນລະບຽບຮຽບຮ້ອຍຂອງໂລກແບບກວມລວມ ແລະ ທ່ຽງທຳ” ເພື່ອຂະຫຍາຍ ແລະ ລົງເລິກການແລກປ່ຽນມິດຕະພາບ ແລະ ການຮ່ວມມືທີ່ແທ້ຈິງລະຫວ່າງສື່ມວນຊົນບັນດາປະເທດບຣິກສ໌.
ທ່ານໄຊ້ໝິງຈ້າວ ຜູ້ອຳນວຍການໃຫຍ່ສຳນັກຂ່າວສານຊິ່ນຫົວ, ປະທານບໍລິຫານງານເວທີປຶກສາຫາລືຄັ້ງນີ້ ໄດ້ກ່າວປາໄສໃນພິທີເປີດກອງປະຊຸມວ່າ: ສື່ມວນຊົນປະເທດບຣິກສ໌ ມີຄວາມຮັບຜິດຊອບຮ່ວມກັນ ແລະ ເສີມຂະຫຍາຍບົດບາດເປັນພິເສດໃນການເພີ່ມທະວີການຊົມໃຊ້ຂໍ້ມູນຂ່າວສານຮ່ວມກັນ, ຊຸກຍູ້ການເຊື່ອມສຳພັນທາງຈິດໃຈຂອງປະຊາຊົນ, ຍົກສູງສິດປະກອບຄຳເຫັນໃນສາກົນຂອງປະເທດບຣິກສ໌ ແລະອື່ນໆ. ທ່ານຮຽກຮ້ອງໃຫ້ສື່ມວນຊົນປະເທດບຣິກສ໌ ເສີມຂະຫຍາຍບົດບາດໃນທາງສ້າງສັນຢ່າງເຕັມສ່ວນ, ຍຶດໝັ້ນທັດສະນະຂ່າວທີ່ “ຖືກຕ້ອງຕາມຄວາມຈິງຢ່າງຮອບດ້ານ, ພາວະວິໄສແລະກ້ຳເກິ່ງກັນ; ຍຸຕິທຳ-ທ່ຽງທຳ, ຊຸກຍູ້ຄວາມກ້າວໜ້າ; ຖືຄົນເປັນຫຼັກ, ມີນ້ຳໃຈໂອບເອື້ອອາລີຕໍ່ໂລກ”, ຊຸກຍູ້ການຮ່ວມມືທີ່ແທ້ຈິງໃນຂົງເຂດຕ່າງໆລະຫວ່າງປະເທດບຣິກສ໌ໃຫ້ເຂົ້າສູ່ລວງເລິກ ໂດຍຜ່ານການລາຍງານຂ່າວ.
ຄຳເຫັນ
0