ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ກໍລະກົດນີ້, ສະມາຊິກສະພາຕ່ຳອາເມຣິກາ 140 ກວ່າທ່ານ ໄດ້ຮ່ວມກັນເຕືອນລັດຖະບານປະເທດຕົນໃຫ້ປະລະ “ການກວດກາຕາມມາດຕາ 232” ທີ່ຖືການນຳເຂົ້າລົດແລະອາໄຫຼ່ເປັນເປົ້າໝາຍນັ້ນ ທັງກ່າວວ່າ ການຂຶ້ນພາສີລົດແລະອາໄຫຼ່ ຈະສ້າງຜົນກະທົບທາງລົບຢ່າງໜັກໜ່ວງຕໍ່ຄວາມປອດໄພທາງເສດຖະກິດຂອງອາເມຣິກາ.
ສະມາຊິກສະພາຕ່ຳເຫຼົ່ານີ້ ໄດ້ຂຽນຈົດໝາຍເຖິງທ່ານວິນເບີ ໂຣສ ລັດຖະມົນຕີກະຊວງການຄ້າໃນວັນດັ່ງກ່າວ ໂດຍລະບຸວ່າ: ຂະແໜງການລົດອາເມຣິກາອາໄສເຄືອຂ່າຍຜູ້ສະໜອງທີ່ກວ້າງໃຫຍ່ເພື່ອດຳເນີນການຜະລິດ, ອາໄສເຄືອຂ່າຍຊື້ຂາຍຂະໜາດໃຫຍ່ເພື່ອຈຳໜ່າຍ ແລະ ອາໄສຂະແໜງການບໍລິການຫຼັງການຂາຍເພື່ອສ້ອມແປງແລະປ່ຽນຖ່າຍອາໄຫຼ່. ຂະນະທີ່ການຂຶ້ນພາສີການນຳເຂົ້າລົດແລະອາໄຫຼ່, ການໃຊ້ມາດຕະການຈຳກັດຕ່າງໆ ເຊັ່ນ: ໃຫ້ໂກຕາ ກໍຈະກະທົບເຖິງການພັດທະນາຂະແໜງການລົດຂອງອາເມຣິກາເອງ.
ສະມາຊິກສະພາຕ່ຳເຫຼົ່ານີ້ເຫັນວ່າ: ການນຳເຂົ້າລົດ ແລະອາໄຫຼ່ຈະບໍ່ເປັນໄພຂົ່ມຂູ່ຕໍ່ຄວາມໝັ້ນຄົງແຫ່ງຊາດຂອງອາເມຣິກາ ແລະ ການຈຳກັດການຄ້າຕໍ່ຜະລິດຕະພັນເຫຼົ່ານີ້ພັດຍັງຈະບັ່ນທອນຄວາມປອດໄພທາງເສດຖະກິດຂອງອາເມຣິກາອີກ.
ຄຳເຫັນ
0