ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ສິງຫານີ້, ທ່ານ ໂມຮຳມັດ ຈາວັດ ຈາຣິຟ ລັດຖະມົນຕີກະຊວງການຕ່າງປະເທດອີຣານໄດ້ພິມບົດຄວາມລົງສື່ສັງຄົມອອນລາຍ ໂດຍກ່າວວ່າໜ່ວຍຕໍ່ຕ້ານອີຣານທີ່ອາເມລິກາສ້າງຕັ້ງຂຶ້ນໃໝ່ມີຄວາມຝັນຢາກໂຄ່ນລົ້ມອຳນາດການປົກຄອງອີຣານຊຸດປັດຈຸບັນໂດຍຜ່ານການກໍ່ລັດຖະປະຫານ.
ທ່ານ ຈາຣິຟ ຂຽນວ່າ: “ໃນມື້ດຽວກັນຂອງ 65 ປີກ່ອນ,ອາເມຣິກາໄດ້ໂຄ່ນລົ້ມອຳນາດໂມຮຳມັດ ໂມຊາ ດິກທີ່ໄດ້ຮັບການເລືອກຕັ້ງຈາກປະຊາຊົນ, ປັດຈຸບັນ ໜ່ວຍຕໍ່ຕ້ານອີຣານມີຄວາມຝັນຢາກເຮັດໃຫ້ເລື່ອງໃນປະຫວັດສາດເກີດຂຶ້ນອີກໂດຍຜ່ານການເພີ່ມແຮງກົດດັນ,ພາໃຫ້ເຂົ້າໃຈຜິດແລະອອກຂ່າວລື. ນີ້ແມ່ນເລື່ອງທີ່ເປັນໄປບໍ່ໄດ້ຢ່າງເດັດຂາດ.”
ວັນທີ 16 ສິງຫານີ້, ກະຊວງການຕ່າງປະເທດອາເມຣິກາໄດ້ປະກາດສ້າງຕັ້ງ “ໜ່ວຍຕໍ່ຕ້ານອີຣານ” ເພື່ອເຮັດໜ້າທີ່ປະຕິບັດມາດຕະການເພີ່ມແຮງກົດດັນຕໍ່ອີຣານ. ທ່ານ ໄມ ປົມເປວ ລັດຖະມົນຕີກະຊວງການຕ່າງປະເທດອາເມຣິກາກ່າວວ່າ:“ໜ່ວຍຕໍ່ຕ້ານອີຣານ”ຈະຮັບປະກັນການປະສານງານຢ່າງແໜ້ນແຟ້ນລະຫວ່າງກະຊວງການຕ່າງປະເທດກັບພາກສ່ວນອື່ນໆຂອງລັດຖະບານອາເມຣິກາ,ດຳເນີນນະໂຍບາຍອາເມລິກາຕໍ່ອີຣານໃຫ້ໄດ້ຮັບຄວາມຄືບໜ້າ.
ຄຳເຫັນ
0