ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 18 ສິງຫານີ້ຢູ່ນະຄອນຫຼວງຈາກາຕາ ປະເທດອິນໂດເນເຊຍ, ທ່ານໂຈໂກ ວິໂດໂດ ປະທານາທິບໍດີອິນໂດເນເຊຍໄດ້ຕ້ອນຮັບການເຂົ້າຢ້ຽມຄຳນັບຂອງທ່ານນາງຊຸນຊົນລານ ທູດພິເສດຂອງທ່ານສີຈິ້ນຜິງ ປະທານປະເທດຈີນ, ຮອງນາຍົກລັດຖະມົນຕີຈີນໃນໂອກາດເດີນທາງມາເຂົ້າຮ່ວມພິທີໄຂງານມະຫາກຳກິລາເອຊຽນເກມຄັ້ງທີ 18.
ກ່ອນອື່ນ, ທ່ານນາງຊຸນຊົນລານໄດ້ຝາກຄຳຢື້ຢາມຖາມຂ່າວແລະພອນໄຊອັນປະເສີດຂອງທ່ານປະທານສີຈິ້ນຜິງເຖິງທ່ານວິໂດໂດທັງອວຍພອນໃຫ້ເອຊຽນເກມຈາກາຕາຈົ່ງປະສົບຜົນສຳເລັດຢ່າງຈົບງາມ. ທ່ານວິໂດໂດຂອບໃຈນຳທ່ານປະທານສີຈິ້ນຜິງທີ່ຝາກຄວາມອວຍພອນອັນປະເສີດແລະຖືໂອກາດນີ້ທ່ານປະທານາທິບໍດີໄດ້ຝາກຄວາມອວຍພອນທີ່ດີງາມຜ່ານທ່ານທູດພິເສດໄປເຖິງທ່ານປະທານສີຈິ້ນຜິງເຊັ່ນກັນ.
ມື້ດຽວກັນ, ທ່ານນາງຊຸນຊົນລານຍັງໄດ້ພົບປະກັບສົມເດັດເຊກ ອາເມັດ ອັນ ຟາຮັດ ອັນ ຊາບາ ປະທານສະພາມົນຕີໂອລິມປິກອາຊີ ໂດຍໄດ້ແຈ້ງໃຫ້ຊາບກ່ຽວກັບແນວຄິດພ້ອມດ້ວຍສະພາບຄວາມຄືບໜ້າໃນການກະກຽມຈັດງານເອຊຽນເກມທີ່ນະຄອນຫັງໂຈ່ວປີ 2022. ວັນທີ 19 ສິງຫານີ້, ທ່ານນາງຊຸນຊົນລານໄດ້ໄປຢ້ຽມຢາມຄະນະຜູ້ແທນກິລາຈີນທີ່ເຂົ້າຮ່ວມງານເອຊຽນເກມຄັ້ງນີ້.
ໃນໄລຍະເຄື່ອນໄຫວເຮັດວຽກຢູ່ອິນໂດເນເຊຍ, ທ່ານນາງຊຸນຊົນລານຍັງໄດ້ພົບປະກັບທ່ານປູອັນ ມາຮາຣານີ ລັດຖະມົນຕີກະຊວງປະສານງານການພັດທະນາແລະວັດທະນະທຳມະນຸດອິນໂດເນເຊຍ.
ຄຳເຫັນ
0