ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ສິງຫານີ້ ຢູ່ປັກກິ່ງ, ສູນຂໍ້ມູນຂ່າວສານອິນເຕີເນັດຈີນໄດ້ເຜີຍແຜ່ “ບົດລາຍງານສະຖິຕິສະພາບການພັດທະນາອິນເຕີເນັດຈີນ” ຄັ້ງທີ 42 ໂດຍສະແດງໃຫ້ເຫັນວ່າ: ມາຮອດວັນທີ 30 ມິຖຸນາປີນີ້, ຈຳນວນຜູ້ໃຊ້ອິນເຕີເນັດຂອງຈີນໄດ້ບັນລຸຫຼາຍກວ່າ 800 ລ້ານຄົນເປັນຄັ້ງທຳອິດ,ອັດຕາການຊົມໃຊ້ອິນເຕີເນັດແມ່ນ 57,7%. ຄຽງຄູ່ກັບຂອບເຂດການປົກຄຸມທາງອິນເຕີເນັດຂອງຈີນໄດ້ເປີດກວ້າງອອກຢ່າງຈະແຈ້ງ,ຄວາມໄວຂອງອິນເຕີເນັດໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ,ຄ່າໃຊ້ອິນເຕີເນັດໄດ້ຫຼຸດລົງຢ່າງຕໍ່ເນື່ອງ,ລະດັບການເຊື່ອມໂຍງ ອິນເຕີເນັດກັບອຸດສາຫະກຳຕ່າງໆໄດ້ຮັບການເພີ່ມທະວີເຂົ້າສູ່ລວງເລິກຕື່ມອີກ.
ບົດລາຍງານດັ່ງກ່າວຍັງຂຽນວ່າ:ປັດຈຸບັນ,ອັດຕາການລົງທຶນທາງອິນເຕີເນັດຂອງຈີນໄດ້ເພີ່ມຂຶ້ນຢ່າງຈະແຈ້ງ,ຕະຫຼາດພັດທະນາຢ່າງມີລະບຽບແບບແຜນ. ອັດຕາການລົງທຶນທາງອິນເຕີເນັດຈາກ 16,7% ໃນທ້າຍປີ 2017 ເພີ່ມຂຶ້ນເປັນ 21% ໃນເດືອນມິຖຸນາປີນີ້,ອັດຕາເຕີບໂຕຂອງຈຳນວນຜູ້ລົງທຶນທາງອິນເຕີເນັດໃນເຄິ່ງປີໄດ້ເພີ່ມຂຶ້ນ 30%.
ຄຽງຄູ່ກັບການຄ້າເອເລັກໂຕຣນິກໄດ້ເຊື່ອມໂຍງເຂົ້າກັບສັງຄົມອອນລາຍຢ່າງເລິກເຊິ່ງ,ອັດຕາການຊຳລະສະສາງທາງອິນເຕີເນັດໄດ້ເຕີບໂຕຢ່າງຕໍ່ເນື່ອງ. ການຊື້ສິນຄ້າແລະການຊຳລະສະສາງຜ່ານທາງອິນເຕີເນັດໄດ້ກາຍເປັນຊ່ອງທາງທີ່ຜູ້ໃຊ້ອິນເຕີເນັດໃຊ້ຫຼາຍກວ່າໝູ່.
ຄຳເຫັນ
0