ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ສິງຫານີ້, ຈີນ ແລະ ມາເລເຊຍໄດ້ອອກຖະແຫຼງການຮ່ວມ ໂດຍຊີ້ອອກວ່າ, ມາເລເຊຍຊົມເຊີຍ, ສະໜັບສະໜູນ ແລະ ຈະສືບຕໍ່ຕັ້ງໜ້າເຂົ້າຮ່ວມການຮ່ວມມື “ໜຶ່ງແລວໜຶ່ງເສັ້ນທາງ”.
ຖະແຫຼງການມີເນື້ອໃນ 16 ດ້ານ. ໃນຖະແຫຼງການ, ສອງຝ່າຍເຫັນດີເປັນເອກະພາບກັນວ່າ, ຈີນ ແລະ ມາເລເຊຍມີມູນເຊື້ອມິດຕະພາບທີ່ເລິກເຊິ່ງ, ສອງຝ່າຍທັງເປັນຄູ່ຮ່ວມຍຸດທະສາດຮອບດ້ານ, ທັງແມ່ນຄູ່ຮ່ວມມືຕົວຈິງ. ສອງຝ່າຍເຫັນດີຮັກສາການໄປມາຫາສູ່ກັນລະຫວ່າງການນຳຂັ້ນສູງຢ່າງໃກ້ຊິດ, ເພີ່ມທະວີການແລກປ່ຽນດ້ານປະສົບການປົກຄອງປະເທດ, ເພີ່ມທະວີການວາງແຜນຍຸດທະສາດການພົວພັນລະຫວ່າງສອງຝ່າຍ ແລະ ແລກປ່ຽນຄວາມເຫັນກັນ ກ່ຽວກັບບັນຫາສາກົນ ແລະ ພາກພື້ນທີ່ສຳຄັນຢ່າງທັນການ. ສອງຝ່າຍຈະຮ່ວມກັນຍຶດໝັ້ນລັດທິຫຼາຍຝ່າຍ, ຕໍ່ຕ້ານລັດທິປົກປ້ອງການຄ້າແລະລັດທິຝ່າຍດຽວ, ປົກປັກຮັກສາຈຸດປະສົງ ແລະ ຫຼັກການຂອງ “ກົດບັດສະຫະປະຊາຊາດ”.
ຖະແຫຼງການຍັງລະບຸວ່າ, ສອງຝ່າຍຈະຮ່ວມກັບບັນດາປະເທດອາຊຽນ, ຈັດຕັ້ງປະຕິບັດ “ຖະແຫຼງການແຫ່ງການປະພຶດຂອງບັນດາຝ່າຍຢູ່ທະເລຈີນໃຕ້” ຢ່າງຮອບດ້ານ ແລະ ບັງເກີດຜົນ, ຕັ້ງໜ້າຊຸກຍູ້ການຮ່ວມມືຕົວຈິງທາງທະເລ ແລະ ການປຶກສາຫາລືກ່ຽວກັບ “ກົດແຫ່ງການປະພຶດຢູ່ທະເລຈີນໃຕ້” ແລະ ພະຍາຍາມກ້າວເຖິງຂັ້ນລົງນາມໃນ “ກົດແຫ່ງການປະພຶດຢູ່ທະເລຈີນໃຕ້” ໂດຍໄວ ບົນພື້ນຖານປຶກສາຫາລືຢ່າງເປັນເອກະພາບກັນ.
ຄຳເຫັນ
0