ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕໍ່ກັບກໍລະນີທີ່ສື່ມວນຊົນຕ່າງປະເທດລາຍງານວ່າ ຫວ່າງກ່ອນນີ້ບໍ່ດົນ ອາເມຣິກາໄດ້ສົ່ງຄຳເຊີນໃຫ້ຝ່າຍຈີນເພື່ອດຳເນີນການປຶກສາຫາລືກັນ, ທ່ານ ກ່າວເຟິ່ງ ໂຄສົກກະຊວງການຄ້າຈີນກ່າວໃນວັນທີ 13 ກັນຍານີ້ວ່າ, ຈີນໄດ້ຮັບຄຳເຊີນຂອງອາເມຣິກາແທ້ ແລະມີທ່າທີຊົມເຊີຍຕໍ່ເລື່ອງນີ້, ປັດຈຸບັນ, ສອງຝ່າຍກຳລັງແລກປ່ຽນຄວາມເຫັນກ່ຽວກັບລາຍລະອຽດບາງຢ່າງ.
ທ່ານ ກ່າວເຟິ່ງ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ, ຄະນະປຶກສາຫາລືເສດຖະກິດການຄ້າສອງປະເທດຈີນແລະອາເມຣິກາ ໄດ້ຮັກສາການແລກປ່ຽນຄວາມຄິດເຫັນກ່ຽວກັບບັນຫາທີ່ຕົນສົນໃຈດ້ວຍຮູບການຕ່າງໆຕະຫຼອດມາ. ຈີນເຫັນວ່າ, ຖ້າຄວາມຂັດແຍ້ງກັນດ້ານການຄ້າຮຸນແຮງຂຶ້ນ ມັນຈະບໍ່ສອດຄ່ອງກັບຜົນປະໂຫຍດຂອງສອງຝ່າຍ.
ທ່ານ ກ່າວເຟິ່ງ ກ່າວຕື່ມວ່າ, ຫວັງວ່າອາເມຣິກາຈະປະຕິບັດຕາມຄວາມມຸ້ງມາດປາຖະໜາຂອງປະຊາຊົນ, ໃຊ້ມາດຕະການທີ່ແທດເໝາະກັບຄວາມເປັນຈິງ, ເຮັດໃຫ້ການພົວພັນເສດຖະກິດການຄ້າລະຫວ່າງຈີນແລະອາເມຣິກາກັບເຂົ້າສູ່ສະພາບປົກກະຕິໂດຍຜ່ານການສົນທະນາແລະປຶກສາຫາລືທີ່ສະເໝີພາບແລະໜ້າເຊື່ອຖື.
ຄຳເຫັນ
0