ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເວທີປຶກສາຫາລືການຮ່ວມມືດ້ານຄວາມສາມາດການຜະລິດແລະການລົງທຶນແມ່ນ້ຳລ້ານຊ້າງ-ແມ່ນ້ຳຂອງພາຍໃຕ້ຫົວຂໍ້ “ລົງເລິກການຮ່ວມມືດ້ານຄວາມສາມາດການຜະລິດ,ສົ່ງເສີມການພັດທະນາຮ່ວມກັນ”ໄດ້ຈັດຂຶ້ນຢູ່ນະຄອນນານນິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນໃນວັນທີ 13 ກັນຍານີ້. ກອງປະຊຸມຄັ້ງນີ້ຖືເປັນໜຶ່ງໃນບັນດາກິດຈະກຳການຮ່ວມມືສາກົນດ້ານຄວາມສາມາດການຜະລິດແລະການຜະລິດອຸປະກອນຂອງງານວາງສະແດງສິນຄ້າຈີນ-ອາຊຽນຄັ້ງທີ 15 ໂດຍມີຜູ້ແທນຈາກອົງການລັດຖະບານ, ສະມາຄົມອຸດສາຫະກຳ,ສະຖາບັນຄົ້ນຄວ້າ, ສະຖາບັນການຄ້າ,ວິສາຫະກິດແລະສື່ມວນຊົນຈາກ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງເກືອບ 300 ທ່ານເຂົ້າຮ່ວມ.
ທ່ານນິ້ງຈີເຈີ ຮອງປະທານຄະນະກຳມະການພັດທະນາແລະປະຕິຮູບແຫ່ງຊາດຈີນ, ທ່ານນາງຄຳຈັນ ວົງແສນບຸນ ຮອງລັດຖະມົນຕີກະຊວງແຜນການແລະການລົງທຶນ ແຫ່ງສປປລາວແລະທ່ານອື່ນໆໄດ້ກ່າວປາໄສໃນກອງປະຊຸມ.
ຜູ້ຕາງໜ້າລັດຖະບານປະເທດລຸ່ມແມ່ນ້ຳຂອງໄດ້ຢືນຢັນເຖິງການສະໜັບສະໜູນຕໍ່ການຮ່ວມມືດ້ານຄວາມສາມາດການຜະລິດຂອງປະເທດແມ່ນ້ຳລ້ານຊ້າງ-ແມ່ນ້ຳຂອງ ແລະໄດ້ແນະນຳສະພາບການພັດທະນາດ້ານເສດຖະກິດແລະຄວາມຕ້ອງການໃນດ້ານການພັດທະນາອຸດສາຫະກຳຂອງປະເທດໃຜລາວ ທັງໄດ້ປະກອບຄຳຄິດເຫັນແລະຂໍ້ສະເໜີຕໍ່ການຮ່ວມມືໃນບາດກ້າວຕໍ່ໄປ.
ຄຳເຫັນ
0