ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກັນຍານີ້, ທ່ານມູນເຈອິນ ປະທານາທິບໍດີສ.ເກົາຫຼີກັບທ່ານກິມເຈິງອຸນ ຜູ້ນຳສູງສຸດສປປ.ເກົາຫຼີໄດ້ພົບປະອີກເທື່ອໜຶ່ງ, ສອງຝ່າຍໄດ້ອອກ “ຖະແຫຼງການຮ່ວມພຽງຢາງເດືອນກັນຍາ”. ມື້ດຽວກັນ, ທ່ານເກິງສວງ ໂຄສົກກະຊວງການຕ່າງປະເທດຈີນໄດ້ກ່າວຢູ່ນະຄອນຫຼວງປັກກິ່ງຈີນວ່າ: ຈີນຊົມເຊີຍ ແລະຫວັງວ່າສອງເກົາຫຼີຈະສືບຕໍ່ຈັດຕັ້ງປະຕິບັດຄວາມເຫັນເປັນເອກະພາບກັນທີ່ກ່ຽວຂ້ອງໃນຖະແຫຼງການຮ່ວມ ແລະພະຍາຍາມຊຸກຍູ້ການຮ່ວມມືລະຫວ່າງສອງເກົາຫຼີ,
ໃນກອງປະຊຸມຖະແຫຼງຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 19 ກັນຍານີ້, ທ່ານເກີງສວງໄດ້ໃຫ້ສຳພາດວ່າ: ຈີນເປັນປະເທດບ້ານໃກ້ເຮືອນຄຽງຂອງແຫຼມເກົາຫຼີ, ເວລາໃດຈີນກໍສະໜັບສະໜູນສອງເກົາຫຼີປັບປຸງສາຍພົວພັນສອງຝ່າຍໃຫ້ດີຂຶ້ນດ້ວຍການເຈລະຈາ ແລະຊຸກຍູ້ການຮ່ວມມືເພື່ອຄວາມປອງດອງ. ຫວັງວ່າສອງຝ່າຍຈະສືບຕໍ່ຈັດຕັ້ງປະຕິບັດຄວາມເຫັນເປັນເອກະພາບກັນທີ່ກ່ຽວຂ້ອງໃນຖະແຫຼງການຮ່ວມ, ພະຍາຍາມຢ່າງບໍ່ລົດລະເພື່ອຊຸກຍູ້ການຮ່ວມມື ແລະປະກອບສວນຢ່າງຕັ້ງໜ້າເຂົ້າໃນການແກ້ໄຂບັນຫາແຫຼມເກົາຫຼີດ້ວຍວິທີທາງການເມືອງ ແລະບັນລຸສັນຕິພາບຖາວອນຂອງພາກພື້ນ.
ຄຳເຫັນ
0