ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະຜູ້ແທນລັດຖະບານທີ່ນຳໂດຍທ່ານວ່າງຢາງ ກຳມະການປະຈຳກົມການເມືອງສູນກາງພັກ, ປະທານສະພາປຶກສາການເມືອງປະຊາຊົນແຫ່ງຊາດຈີນ ໄດ້ເດີນທາງເຖິງນະຄອນຢິນຊ່ວນ ເທດສະບານເຂດປົກຄອງຕົນເອງເຜົ່າຫຸຍໜິງເຊ້ຍ ເພື່ອເຂົ້າຮ່ວມກິດຈະກຳສະເຫຼີມສະຫຼອງວັນຄົບຮອບ 60 ປີຂອງການສ້າງຕັ້ງເຂດດັ່ງກ່າວ.
ຫຼັງຈາກເດີນທາງເຖິງນະຄອນຢິນຊ່ວນ, ຄະນະຜູ້ແທນລັດຖະບານໄດ້ມອບແຜ່ນປ້າຍທີ່ຂຽນຄຳຈາລຶກໂດຍທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໃຫ້ແກ່ເຂດໜິງເຊ້ຍ ແລະ ຂອງທີ່ລະນຶກຕ່າງໆ ເຊັ່ນ: ເຄື່ອງເຄືອບຟ້າຫຼາງ “ໜິງເຊ້ຍທີ່ສວຍງາມ” ແລະອື່ນໆ. ທ່ານນາງ ຊຸ່ນເຊີນລານ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຮອງຫົວໜ້າຄະນະຜູ້ແທນລັດຖະບານໄດ້ກ່າວປາໄສໃນພິທີມອບ-ຮັບ ໂດຍຊີ້ໃຫ້ເຫັນວ່າ: ທ່ານສີຈິ້ນຜິງ ເລຂາທິການໃຫຍ່ສູນກາງພັກ ເປັນຫ່ວງເປັນໃຍຕໍ່ປະຊາຊົນບັນດາເຜົ່າໃນເຂດໜິງເຊ້ຍ ແລະ ໄດ້ຂຽນຄຳຈາລຶກດ້ວຍຄວາມຍິນດີເພື່ອສະຫຼອງວັນຄົບຮອບ 60 ປີຂອງການສ້າງຕັ້ງເຂດໜິງເຊ້ຍ ເຊິ່ງເປັນການບົ່ງບອກເຖິງອະນາຄົດອັນກວ້າງໃຫຍ່ໄພສານ ແລະ ເຕັມໄປດ້ວຍຄວາມຫວັງຂອງເຂດໜິງເຊ້ຍຢ່າງເລິກເຊິ່ງ, ຍ່ອມຈະເປັນການປຸກລະດົມປະຊາຊົນເຂດໜິງເຊ້ຍສືບຕໍ່ຜົນງານອັນເກົ່າແລະເສີມຂະຫຍາຍຜົນງານໃໝ່, ກ້າເຮັດກ້າຮັບຜິດຊອບ, ເພື່ອໃຫ້ເສດຖະກິດມີຄວາມຈະເລີນຮຸ່ງເຮືອງ, ສາມັກຄີຊົນເຜົ່າ, ສິ່ງແວດລ້ອມສວຍງາມ, ປະຊາຊົນຮັ່ງມີ, ສືບຕໍ່ພັດທະນາເຂດໜິງເຊ້ຍທີ່ສວຍສົດງົດງາມເໝືອນດັ່ງເຂດພາກໃຕ້ແມ່ນ້ຳຢາງຊີກຽງນັ້ນໃຫ້ສະຫງ່າງາມຍິ່ງຂຶ້ນ, ສາມັກຄີເປັນຈິດໜຶ່ງໃຈດຽວກັນແລະກ້າວເດີນໄປພ້ອມກັບປະຊາຊົນທົ່ວປະເທດ ເພື່ອສ້າງສັງຄົມອີ່ມໜຳສຳລານຮອບດ້ານໃຫ້ສຳເລັດຜົນໃນຈັງຫວະດຽວກັນ ແລະ ຮ່ວມກັນບັນລຸຄວາມໃຝ່ຝັນຂອງຈີນໃນການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງຊົນຊາດຈີນ.
ຄຳເຫັນ
0