ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມເວທີປຶກສາຫາລືການສ້າງ “ເສັ້ນທາງສາຍໄໝສຸຂະພາບ” ກໍຄື ເວທີປຶກສາຫາລືການຮ່ວມມືດ້ານສາທາລະນະສຸກຈີນ-ອາຊຽນຄັ້ງທີ 2 ທີ່ຈັດຂຶ້ນໃນວັນທີ 20 ກັນຍານີ້ຢູ່ນະຄອນໜານໜິງເຂດກວາງຊີ ສປ ຈີນ, ຝ່າຍຕ່າງໆທັງພາຍໃນແລະຕ່າງປະເທດທີ່ຮ່ວມປະຊຸມໄດ້ສ້າງຕັ້ງສະຫະພັນຮ່ວມມືໂຮງໝໍຈີນ-ອາຊຽນ ແລະ ໄດ້ສະເໜີຂໍ້ລິເລີ່ມ 5 ຂໍ້ເພື່ອເພີ່ມທະວີການຮ່ວມມືດ້ານສາທາລະນະສຸກ-ສຸຂະອະນາໄມ.
ຂໍ້ລິເລີ່ມການຮ່ວມມື 5 ຂໍ້ລວມມີ: ເພີ່ມທະວີການແລກປ່ຽນແລະຮ່ວມມືດ້ານນະໂຍບາຍສາທາລະນະສຸກ-ສຸຂະອະນາໄມລະຫວ່າງບັນດາປະເທດ, ປະສານງານແລະປຶກສາຫາລືນະໂຍບາຍໃນຂົງເຂດສຳຄັນລະຫວ່າງບັນດາຝ່າຍຢ່າງໃກ້ຊິດ; ຮ່ວມກັນຮັບມືກັບໄພຂົ່ມຂູ່ຈາກພະຍາດຕິດແປດທີ່ຮ້າຍແຮງທີ່ເກີດຂຶ້ນໃນພາກພື້ນຕົນ ຫຼື ອາດຈະແຜ່ລະບາດເຂົ້າໃນພາກພື້ນຕົນ, ປະສານງານກັນເພື່ອປ້ອງກັນຄວາມສ່ຽງດ້ານສາທາລະນະສຸກທີ່ເກີດຈາກໄພພິບັດທຳມະຊາດ; ປຸກລະດົມບັນດາປະເທດໃຫ້ດຳເນີນການແລກປ່ຽນບົດຮຽນແລະຮ່ວມມືກັນໃນການປ້ອງກັນແລະຄຸ້ມຄອງພະຍາດຊຳເຮື້ອທີ່ບໍ່ແຜ່ລະບາດແລະຂົງເຂດອື່ນໆ; ສະໜັບສະໜູນອົງການປິ່ນປົວພະຍາດຂອງບັນດາປະເທດໃນການແລກປ່ຽນດ້ານວິຊາການ, ເຕັກໂນໂລຊີ ແລະ ບຸກຄະລາກອນ ໃນຫຼາຍລະດັບ, ຫຼາຍຮູບແບບ ແລະ ຫຼາຍແງ່ມູມ; ຕັ້ງໜ້າດຳເນີນການແລກປ່ຽນແລະຮ່ວມມືດ້ານແພດແຜນບູຮານຢ່າງຮອບດ້ານ.
ຄຳເຫັນ
0