ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີສະເຫຼີມສະຫຼອງວັນສ້າງຕັ້ງເຂດປົກຄອງຕົນເອງເຜົ່າຫຸຍໜິງເຊ້ຍ ສປ ຈີນຄົບຮອບ 60 ໄດ້ຈັດຂຶ້ນໃນວັນທີ 20 ກັນຍານີ້ ໂດຍສູນກາງພັກກອມມູນິດຈີນ, ຄະນະປະຈຳສະພາປະຊາຊົນແຫ່ງຊາດ, ລັດຖະບານ, ສະພາປຶກສາການເມືອງປະຊາຊົນແຫ່ງຊາດ ແລະ ຄະນະກຳມະການການທະຫານສູນກາງຈີນ ໄດ້ສົ່ງສານອອຍພອນ ແລະ ທ່ານວ່າງຢາງ ກຳມະການປະຈຳກົມການເມືອງສູນກາງພັກ, ປະທານສະພາປຶກສາການເມືອງປະຊາຊົນແຫ່ງຊາດໄດ້ນຳພາຄະນະຜູ້ແທນລັດຖະບານເຂົ້າຮ່ວມພິທີ ແລະ ກ່າວປາໄສ.
ທ່ານວ່າງຢາງ ກ່າວວ່າ: ໃນ 5 ປີຜ່ານມາ, ພາຍໃຕ້ການນຳພາຢ່າງເຂັ້ມແຂງຂອງສູນກາງພັກກອມມູນິດຈີນໂດຍມີທ່ານສີຈິ້ນຜິງເປັນແກນນຳ, ການປະຕິຮູບແລະເປີດປະຕູສູ່ພາຍນອກ ແລະ ການພັດທະນາສູ່ຄວາມທັນສະໄໝຂອງເຂດປົກຄອງຕົນເອງເຜົ່າຫຸຍໜິງເຊ້ຍໄດ້ຮັບໝາກຜົນອັນໃໝ່ໃນປະຫວັດສາດ ແລະ ກ້າວເຂົ້າສູ່ໄລຍະທີ່ພັດທະນາຢ່າງມີຄຸນນະພາບສູງສຸດ, ໂສມໜ້າຕົວເມືອງແລະຊົນນະບົດມີການປ່ຽນແປງຢ່າງໃຫຍ່ຫຼວງທີ່ສຸດ ແລະ ປະຊາຊົນບັນດາເຜົ່າໄດ້ຮັບຜົນປະໂຫຍດຫຼາຍທີ່ສຸດ. ປັດຈຸບັນ, ສັງຄົມນິຍົມທີ່ມີສີສັນພິເສດຂອງຈີນໄດ້ເຂົ້າສູ່ຍຸກໃໝ່, ຂະນະທີ່ການພັດທະນາສູ່ຄວາມທັນສະໄໝຂອງເຂດໜິງເຊ້ຍກໍໄດ້ຢືນຢູ່ຈຸດເລີ່ມຕົ້ນໃໝ່ທາງປະຫວັດສາດ. ເຂດໜິງເຊ້ຍ ຄວນປະຕິບັດຕາມຄວາມປາຖະໜາຂອງປະຊາຊົນ, ພະຍາຍາມໃຫ້ເສດຖະກິດບັນລຸຄວາມຈະເລີນຮຸ່ງເຮືອງ, ສ້າງຄວາມສາມັກຄີຊົນເຜົ່າ, ສິ່ງແວດລ້ອມສວຍງາມ ແລະ ປະຊາຊົນຮັ່ງມີຜາສຸກ ເພື່ອຮັບປະກັນໃຫ້ເຂດໜິງເຊ້ຍສ້າງສັງຄົມອີ່ມໜຳສຳລານຮອບດ້ານໃຫ້ສຳເລັດຕາມຈັງຫວະດຽວກັນໃນຂອບເຂດທົ່ວປະເທດ.
ຕົວເລກຂໍ້ມູນໄດ້ສະແດງໃຫ້ເຫັນວ່າ: ໃນປີ 2017, ລວມຍອດຜະລິດຕະພັນພາຍໃນ ຫຼື GDP ຂອງເຂດໜິງເຊ້ຍໄດ້ເຕີບໂຕ 1.053 ເທົ່າເມື່ອທຽບໃສ່ໄລຍະຕົ້ນແຫ່ງການສ້າງຕັ້ງເຂດໜິງເຊ້ຍໃຫ້ເປັນເຂດປົກຄອງຕົນເອງ, ລວມຍອດຜະລິດຕະພັນສະເລ່ຍຕໍ່ຫົວຄົນໃນເຂດໜິງເຊ້ຍໄດ້ລື່ນກາຍ 5 ໝື່ນຢວນເປັນຄັ້ງທຳອິດ, ໂຄງປະກອບເສດຖະກິດໄດ້ຮັບການປັບປຸງໃຫ້ດີຂຶ້ນເລື້ອຍໆ, ອັດຕາການຫັນເປັນຕົວເມືອງບັນລຸເຖິງ 58%, ຂະແໜງການບໍລິການໄດ້ລື່ນກາຍຂະແໜງອຸດສາຫະກຳ ແລະກາຍເປັນຂະແໜງການໃຫຍ່ອັນດັບໜຶ່ງເປັນຄັ້ງທຳອິດ, ໄດ້ຮັບຄວາມຄືບໜ້າທີ່ມີລັກສະນະຕັດສິນຊີ້ຂາດໃນບັ້ນລົບລ້າງຄວາມທຸກຍາກ, ປະຊາກອນຜູ້ທຸກຍາກໄດ້ຫຼຸດລົງເຖິງ 720.000 ຄົນໃນ 5 ປີຜ່ານມາ ໃນນີ້, ມີ 3/4 ໄດ້ຫຼຸດພົ້ນຈາກຄວາມທຸກຍາກຢ່າງສິ້ນເຊີງ.
ຄຳເຫັນ
0