ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 21 ຫາວັນທີ 22 ກັນຍານີ້, ງານວາງສະແດງຮູບເງົາອິນໂດເນເຊຍປີ 2018 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ. ໂດຍໄດ້ສາຍຮູບເງົາດີເດັ່ນປະເພດຕ່າງກັນຂອງອິນໂດເນເຊຍ 4 ເລື່ອງ.
ທ່ານໂຈຮາຣີ ໂອຣັດມານກູນ, ເອກອັກຄະລັດຖະທູດອິນໂດເນເຊຍປະຈຳຈີນກ່າວໃນເວລາໃຫ້ສຳພາດຕໍ່ນັກຂ່າວວ່າ, ຮູບເງົາສາມາດສ່ອງແສງໃຫ້ເຫັນຊີວິດຂອງຄົນຢ່າງແທ້ຈິງ, ຮູບເງົາອິນໂດເນເຊຍ 4 ເລື່ອງທີ່ໄດ້ນຳມາວາງສະແດງຄັ້ງນີ້ສາມາດເຮັດໃຫ້ຜູ້ຊົມຈີນໄດ້ຮັບຮູ້ນຳສັງຄົມອິນໂດເນເຊຍຢ່າງເລິກເຊິ່ງກວ່າເກົ່າ. ທ່ານກ່າວວ່າ, ງານວາງສະແດງຮູບເງົາບໍ່ພຽງແຕ່ຈະຊຸກຍູ້ການແລກປ່ຽນໃນຂົງເຂດວັດທະນະທຳລະຫວ່າງອິນໂດເນເຊຍກັບຈີນ, ເພີ່ມຄວາມເຂົ້າໃຈກັນລະຫວ່າງປະຊາຊົນສອງຊາດເທົ່ານັ້ນ, ຍັງຈະຊຸກຍູ້ໃຫ້ການຮ່ວມມືດ້ານຮູບເງົາລະຫວ່າງສອງປະເທດໄດ້ຮັບການພັດທະນາຢ່າງເລິກເຊິ່ງຕື່ມອີກໃນຂອບ “ໜຶ່ງແລວໜຶ່ງເສັ້ນທາງ”.
ທ່ານຊຸນ ຊ້ຽງ ຮຸຍ, ຫົວໜ້າສູນເກັບຂໍ້ມູນຮູບເງົາຈີນເປີດເຜີຍວ່າ, ໃນທ້າຍປີນີ້ຈີນກໍຈະຈັດງານວາງສະແດງຮູບເງົາຈີນຢູ່ອິນໂດເນເຊຍເຊັ່ນກັນ, ເຊື່ອວ່າຮູບເງົາເຫຼົ່ານີ້ຈະເຮັດໃຫ້ເບິ່ງຊົມຈີນກັບອິນໂດເນເຊຍມີຄວາເຂົ້າໃຈກັນຫຼາຍກວ່າເກົ່າ. ການຮ່ວມມືແລະການຖອດຖອນບົດຮຽນນຳໃນຂົງເຂດວັດທະນະທຳຮູບເງົາລະຫວ່າງຈີນກັບອິນໂດເນເຊຍຈະມີຫຼາຍຂຶ້ນຢ່າງຕໍ່ເນື່ອງ.
ຄຳເຫັນ
0