ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ກັນຍານີ້, ທ່ານເຈີ້ງເຈີກວ່າງ, ຮອງລັດຖະມົນຕີກະຊວງການຕ່າງປະເທດຈີນໄດ້ຮຽກທ່ານເທຣີ ບຣັນສແທັດ ເອກອັກຄະລັດຖະທູດອາເມລິກາປະຈຳຈີນເຂົ້າພົບ ເພື່ອຕໍ່ວ່າແລະປະທ້ວງຢ່າງເຄັ່ງຂຶມຕໍ່ກໍລະນີທີ່ອາເມລິກາທີ່ໄດ້ຍົກເອົາກົດໝາຍພາຍໃນອາເມລິກາ ເພື່ອປະຕິບັດມາດຕະການຂວ້ຳບາດຕໍ່ພະແນກພັດທະນາອາວຸດຍຸດໂທປະກອນຄະນະກຳມະການການທະຫານສູນກາງຈີນພ້ອມຜູ້ຮັບຜິດຊອບທີ່ກ່ຽວຂ້ອງ.
ທ່ານເຈີ້ງເຈີກວ່າງຊີ້ອອກວ່າ, ອາເມລິກາຖືຈີນດຳເນີນການຮ່ວມມືດ້ານການທະຫານກັບຣັດເຊຍເປັນຂໍອ້າງ, ຂວ້ຳບາດອົງການການທະຫານພ້ອມຜູ້ຮັບຜິດຊອບທີ່ກ່ຽວຂ້ອງຂອງຈີນ, ເຊິ່ງໄດ້ຝ່າຝືນຫຼັກການພື້ນຖານຂອງກົດໝາຍສາກົນ, ເປັນການກະທຳລັດທິເຈົ້າອຳນາດທີ່ຢ່າງຮ້າຍແຮງແລະເປີດແປນ. ການຮ່ວມມືດ້ານການທະຫານລະຫວ່າງຈີນກັບຣັດເຊຍແມ່ນການຮ່ວມມືປົກກະຕິລະຫວ່າງສອງປະເທດທີ່ມີອະທິປະໄຕ, ອາເມລິກາບໍ່ມີສິດແຊກແຊງ. ການກະທຳຂອງອາເມລິກາໄດ້ທຳລາຍການພົວພັນລະຫວ່າງສອງລັດແລະສອງກອງທັບຈີນ-ອາເມລິກາຢ່າງໜັກໜ່ວງ, ໄດ້ກະທົບເຖິງການຮ່ວມມືໃນວຽກງານສາກົນແລະພາກພື້ນລະຫວ່າງສອງປະເທດຢ່າງໜັກໜ່ວງ. ຈີນຈະໃຊ້ມາດຕະການທີ່ຈຳເປັນທຸກຢ່າງເພື່ອປ້ອງກັນຜົນປະໂຫຍດຂອງປະເທດຕົນຢ່າງເດັດດ່ຽວ. ຈີນຮຽກຮ້ອງຢ່າງແຮງກ້າໃຫ້ອາເມລິກາແກ້ໄຂຄວາມຜິດພາດໃນທັນທີ, ຍົກເລີກການຂວ້ຳບາດ, ຖ້າບໍ່ດັ່ງນັ້ນ, ອາເມລິກາຕ້ອງຮັບຜິດຊອບຕໍ່ຜົນຮ້າຍທັງໝົດທີ່ຈະເກີດຂຶ້ນໃນພາຍຫຼັງ.
ຄຳເຫັນ
0