ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະກຳມະການປະຈຳສະພາແຫ່ງຊາດຫວຽດນາມໄດ້ອອກແຈ້ງການໃນວັນທີ 23 ກັນຍານີ້ໂດຍປະກາດໃຫ້ທ່ານນາງ ດັງທີງອກທີງ ຮອງປະທານປະເທດ ດຳລົງຕຳແໜ່ງຮັກສາການປະທານປະເທດຈົນກວ່າສະພາແຫ່ງຊາດເລືອກຕັ້ງປະທານປະເທດຜູ້ໃໝ່.
ທ່ານນາງດັງທີງອກທີງ ເກີດເມື່ອເດືອນທັນວາ ປີ 1959 ທີ່ແຂວງກວາງນາມ ພາກກາງປະເທດຫວຽດນາມ, ຜ່ານມາເຄີຍດຳລົງຕຳແໜ່ງເປັນຮອງປະທານຄະນະປະຈຳສະຫະພັນແມ່ຍິງຫວຽດນາມ, ເລຂາພັກແຂວງ ວິງລອງ , ຮອງຫົວໜ້າຫ້ອງວ່າການສູນກາງພັກກອມມູນິດຫວຽດນາມແລະອື່ນໆ. ປີ 2006, ນາງໄດ້ຮັບເລືອກຕັ້ງເປັນກຳມະການສຳຮອງຂອງສູນກາງພັກກອມມູນິດຫວຽດນາມສະໄໝທີ 10, ກຳມະການສູນກາງພັກກອມມູນິດຫວຽດນາມສະໄໝທີ 11 ແລະສະໄໝທີ 12, ເປັນສະມາຊິກສະພາແຫ່ງຊາດສະໄໝທີ 11, ສະໄໝທີ 13 ແລະ ສະໄໝທີ 14. ແລະ ໄດ້ຮັບເລືອກຕັ້ງເປັນຮອງປະທານປະເທດໃນປີ2016.
ທ່ານເຈີນດ໋າຍກວາງ ປະທານປະເທດແຫ່ງຫວຽດນາມໄດ້ເຖິງແກ່ມໍລະນະກຳ ໃນຕອນເຊົ້າວັນທີ 21 ກັນຍານີ້ຢູ່ນະຄອນຫຼວງຮ່າໂນ້ຍ, ລວມອາຍຸໄດ້ 61 ປີ.
ຄຳເຫັນ
0