ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ຫວ່າງມໍ່ໆມານີ້, ທ່ານອາເບເບ ເຊລາຊີ ຫົວໜ້າສຳນັກງານອາຟຣິກາຂອງອົງການກອງທຶນເງິນຕາສາກົນ ຫຼື IMF ໃຫ້ສຳພາດຕໍ່ນັກຂ່າວ CRI ໂດຍກ່າວເນັ້ນວ່າ, ຄວນເບິ່ງການຮ່ວມມືຈີນ-ອາຟຣິກາຈາກແງ່ມູມສູງກວ່າເກົ່າ ແລະ ມີວິໄສທັດກວ້າງໄກກວ່າເກົ່າ.
ໃນໄລຍະມໍ່ໆມານີ້, ມີສື່ມວນຊົນຕາເວັນຕົກຈຳນວນໜຶ່ງກ່າວວິພາກວິຈານຈີນສ້າງໂຄງການພື້ນຖານໂຄງລ່າງຂະໜາດໃຫຍ່ຢູ່ອາຟຣິກາແມ່ນ “ກັບດັກໜີ້ສິນຂອງຈີນ”. ທ່ານອາເບເບກ່າວວ່າ, ປັດຈຸບັນ, ມີ 6 ຫາ 7 ປະເທດອາຟຣິກາຈະເກີດວິກິດການໜີ້ສິນ ຫຼື ມີຄວາມສ່ຽງສູງທີ່ຈະເກີດວິກິດການໜີ້ສິນ, ເຈົ້າໜີ້ປ່ອຍເງິນກູ້ສາກົນຂອງປະເທດເຫຼົ່ານີ້ບໍ່ແມ່ນຈີນປະເທດດຽວເທົ່ານັ້ນ, ຈີນລະດົມທຶນໃຫ້ໂຄງການອາຟຣິການັ້ນລ້ວນແຕ່ເປັນໂຄງການທີ່ປະເທດເຫຼົ່ານັ້ນຕ້ອງການດ່ວນ.
ທ່ານອາເບເບກ່າວຕື່ມວ່າ, ໂຄງການລະດົມທຶນໃຫ້ອາຟຣິກາຂອງຈີນບໍ່ພຽງແຕ່ເປັນໂຄງການຕ້ອງການດ່ວນຂອງປະເທດເຫຼົ່ານັ້ນ, ໂຄງການເຫຼົ່ານີ້ຍັງມີຜົນກຳໄລທີ່ດີອີກດ້ວຍ. ຄຽງຄູ່ກັບຈີນເປັນຜູ້ລະດົມທຶນໃຫ້ ແລະ ປະເທດອາຟຣິກາທີ່ຢູ່ທາງພາກໃຕ້ທະເລຊາຍຊາຮາລາສົ່ງອອກສິນຄ້າໃຫ້ຈີນຫຼາຍກວ່າເກົ່າ, ເຊື່ອວ່າ, ປະເທດອາຟຣິກາສາມາດຊອກເຫັນຄວາມສົມບູນລະຫວ່າງການພັດທະນາແບບຍືນຍົງກັບການຫຼຸດຄວາມສ່ຽງດ້ານໜີ້ສິນ.
ຄຳເຫັນ
0