ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຄື່ອງຊ່ວຍເຫຼືອແບບມະນຸດສະທຳງວດທຳອິດທີ່ລັດຖະບານຈີນມອບໃຫ້ອິນລັດຖະບານອິນໂດເນເຊຍເພື່ອຊ່ວຍເຫຼືອເຂດປະສົບໄພພິບັດແຜ່ນດິນໄຫວແລະຄື້ນສຶນາມິແຂວງສຸລາເວສີກາງໄດ້ຂົນສົ່ງເຖິງສະໜາມບິນບາລິກປາປານຂອງອິນໂດເນເຊຍໃນຕອນບ່າຍວັນທີ 9 ຕຸລານີ້.
ວັນທີ 28 ກັນຍາຜ່ານມາ, ແຂວງສຸລາເວສີກາງອິນໂດເນເຊຍໄດ້ເກີດແຜ່ນດິນໄຫວແລະຄື້ນສຶນາມິຢ່າງຮຸນແຮງ ສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບຢ່າງຫຼວງຫຼາຍແລະສ້າງຜົນເສຍຫາຍດ້ານຊັບສິນຢ່າງໜັກໜ່ວງ. ຕາມຄວາມຮຽກຮ້ອງຕ້ອງການຂອງອິນໂດເນເຊຍ, ລັດຖະບານຈີນຕັດສິນໃຈສະໜອງເຄື່ອງຊ່ວຍເຫຼືອຕ່າງໆເຊັ່ນ ຕູບຜ້າເຕັ້ນ,ເຄື່ອງກັ່ນກອງນ້ຳ, ເຄື່ອງສີດຢາ,ຈັກຜະລິດໄຟຟ້າແລະອື່ນໆໂດຍແບ່ງການຂົນສົ່ງເປັນແຕ່ລະງວດດ້ວຍຍົນເໝົາລຳໄປອິນໂດເນເຊຍຕາມລຳດັບ.
ຈີນຈະສືບຕໍ່ຮັກສາການຕິດຕໍ່ພົວພັນກັບອິນໂດເນເຊຍເພື່ອສະໜັບສະໜູນລັດຖະບານອິນໂດເນເຊຍໃນການກູ້ໄພແລະສ້າງສາພັດທະນາຄືນໃໝ່ຫຼັງໄພພິບັດ.
ອົງການກູ້ໄພແຫ່ງຊາດອິນໂດເນເຊຍແຈ້ງໃຫ້ຊາບວ່າ, ມາຮອດວັນທີ 9 ຕຸລານີ້, ແຜ່ນດິນໄຫວແລະຄື້ນສຶນາມິຮຸນແຮງທີ່ເກີດຂຶ້ນຢູ່ແຂວງສຸລາເວສີກາງ ມີຜູ້ເສຍຊີວິດ 2010 ຄົນ, ເກືອບ 83.000 ຄົນຖືກຍົກຍ້າຍໄປສະຖານທີ່ປອດໄພເປັນການຊົ່ວຄາວ.
ຄຳເຫັນ
0