ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 11 ຕຸລານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນເດີນທາງອອກຈາກນະຄອນຫຼວງປັກກິ່ງ ສປ ຈີນດ້ວຍເຮືອບິນພິເສດ, ເພື່ອເຂົ້າຮ່ວມກອງປະຊຸມນາຍົກລັດຖະມົນຕີຄັ້ງທີ 17 ຂອງອົງການຮ່ວມມືຊຽງໄຮ, ແລະຢ້ຽມຢາມຕາຊີກີສະຖານ,ໂຮນລັງຢ່າງເປັນທາງການ, ພ້ອມທັງຈະເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ 12 ແລະຢ້ຽມຢາມເຮັດວຽກຢູ່ແບນຊິກ. ນີ້ແມ່ນການເດີນທາງຢ້ຽມຢາມຕາຊີກີສະຖານ,ໂຮນລັງຄັ້ງທຳອິດຂອງທ່ານຫຼີເຄີ້ສຽງຫຼັງດຳລົງຕຳແໜ່ງນາຍົກລັດຖະມົນຕີຈີນ, ທັງເປັນການເຄື່ອນໄຫວການຕ່າງປະເທດຄັ້ງສຳຄັນຂອງຈີນທີ່ຜະເຊີນກັບເຂດອາຊີ-ເອີຣົບ. ການຢ້ຽມຢາມເທື່ອນີ້ຈະຊຸກຍູ້ການຮ່ວມມືຕົວຈິງຂອງອົງການຮ່ວມມືຊຽງໄຮຕື່ມອີກແລະລົງເລິກການພົວພັນມິດຕະພາບກັບປະເທດທີ່ກ່ຽວຂ້ອງ, ຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນແລະຕາຊີກີສະຖານໃຫ້ຂະຫຍາຍຕົວເຂົ້າສູ່ລວງເລິກ, ຊຸກຍູ້ໃຫ້ການພົວພັນລະຫວ່າງຈີນແລະໂຮນລັງ, ແບນຊິກຂະຫຍາຍຕົວຢ່າງແຂງແຮງແລະຕໍ່ເນື່ອງ, ລົງເລິກການພົວພັນຄູ່ຮ່ວມຍຸດທະສາດຮອບດ້ານແລະການຮ່ວມມືຕົວຈິງລະຫວ່າງຈີນແລະເອີຣົບ, ເພີ່ມພະລັງແຮງໃໝ່ແລະປະກອບສ່ວນໃໝ່ເຂົ້າໃນການຮ່ວມມືລະຫວ່າງອາຊີແລະເອີຣົບ.
ຄຳເຫັນ
0