ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ຕຸລານີ້, ງານຊື້ຂາຍສິນຄ້າຂາເຂົ້າຂາອອກຈີນຄັ້ງທີ 124 ໄດ້ຈັດຂຶ້ນຢູ່ນະຄອນກວາງໂຈ່ວແຂວງກວາງຕຸ່ງຈີນ, ວິສາຫະກິດທີ່ນຳເອົາສິນຄ້ານຳເຂົ້າມາວາງສະແດງໃນງານສືບຕໍ່ເພີ່ມຂຶ້ນ, ການເປັນມືອາຊີບ ແລະການເປັນສາກົນຂອງງານວາງສະແດງສິນຄ້ານຳເຂົ້າກໍໄດ້ຍົກລະດັບສູງຂຶ້ນຢ່າງໜັກແໜ້ນ.
ທ່ານສູປິ່ງ ໂຄສົກງານຊື້ຂາຍສິນຄ້າຄັ້ງນີ້ກ່າວວ່າ: ນັບແຕ່ຕົ້ນປີ 2018 ເປັນຕົ້ນມາ, ຈີນຕັ້ງໜ້າເປີດກວ້າງການນຳເຂົ້າຢ່າງເປັນເຈົ້າການ. ງານຊື້ຂາຍສິນຄ້າຂາເຂົ້າຂາອອກຈີນຄັ້ງທີ 124 ສືບຕໍ່ຍົກລະດັບຄວາມສາມາດຈັດງານວາງສະແດງສິນຄ້ານຳເຂົ້າໃຫ້ສູງຂຶ້ນ ເຊິ່ງມີວິສາຫະກິດ 636 ແຫ່ງຈາກ 34 ປະເທດ ແລະເຂດແຄວ້ນເຂົ້າຮ່ວມງານ, ເພີ່ມຂຶ້ນ 19 ແຫ່ງທຽບໃສ່ຄັ້ງຜ່ານມາ.
ທ່ານສູປິ່ງກ່າວຕື່ມວ່າ: ການເປັນມືອາຊີບ ແລະການເປັນສາກົນຂອງງານວາງສະແດງສິນຄ້ານຳເຂົ້າຄັ້ງນີ້ກໍໄດ້ຍົກລະດັບສູງຂຶນຢ່າງໜັກແໜ້ນ ເຊິ່ງໄດ້ຊຸກຍູ້ບັນດາປະເທດໃນໂລກສົ່ງອອກສິນຄ້າໃຫ້ຈີນ ແລະການເຕີບໂຕດ້ານການຄ້າໃນທົ່ວໂລກ, ງານຊື້ຂາຍສິນຄ້າຂາເຂົ້າຂາອອກຈີນໄດ້ກາຍເປັນເວທີການຄ້າສາກົນແບບເປີດປະຕູ “ຊື້ສິນຄ້າ ແລະຂາຍສິນຄ້າທົ່ວໂລກ”.
ຄຳເຫັນ
0