ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການສຳມະນາ “ຜົນກະທົບຈາກສົງຄາມການຄ້າຈີນ-ອາເມຣິກາທີ່ມີຕໍ່ໄທກໍຄືພາກພື້ນອາຊີຕາເວັນອອກສຽງໃຕ້” ທີ່ສະມາຄົມນັກຂ່າວໄທ-ຈີນເປັນເຈົ້າພາບ ໄດ້ຈັດຂຶ້ນໃນວັນທີ 16 ຕຸລານີ້ຢູ່ມະຫາວິທະຍາໄລທຸລະກິດບັນດິດ ນະຄອນຫຼວງບາງກອກປະເທດໄທ ໂດຍມີຜູ້ຊ່ຽວຊານດ້ານເສດຖະກິດການຄ້າຂອງຈີນແລະໄທ 5 ທ່ານ ພ້ອມດ້ວຍຜູ້ຕາງໜ້າຈາກວົງການສື່ມວນຊົນ, ວົງການວິຊາການ ແລະ ວົງການວິສາຫະກິດຂອງສອງປະເທດ 100 ກວ່າທ່ານເຂົ້າຮ່ວມ ເຊິ່ງຜູ້ຊ່ຽວຊານ 5 ທ່ານດັ່ງກ່າວຕ່າງກໍປະກອບຄຳຄິດຄຳເຫັນ ແລະ ແລກປ່ຽນຄວາມຄິດເຫັນກັນໄດ້ຢ່າງເລິກເຊິ່ງໂດຍປິ່ນອ້ອມສາເຫດທີ່ພາໃຫ້ອາເມຣິກາກໍ່ສົງຄາມການຄ້າ ພ້ອມຜົນກະທົບຂອງມັນ.
ຜູ້ຊ່ຽວຊານຈີນແລະໄທເປັນເອກະພາບກັນເຫັນວ່າ: ທ່ານໂດໂນ ທຣຳ ປະທານາທິບໍດີອາເມຣິກາກໍ່ສົງຄາມການຄ້າ ກໍເພື່ອຕອບສະໜອງຕາມຄວາມຕ້ອງການໃນການເລືອກຕັ້ງການເມືອງພາຍໃນປະເທດຕົນ ແລະ ສະກັດກັ້ນບໍ່ໃຫ້ຈີນພັດທະນາກ້າວຂຶ້ນ. ສົງຄາມການຄ້າທີ່ຍືດເຍື້ອຍາວນານຈະບໍ່ໄດ້ຮັບຜົນດີແຕ່ຢ່າງໃດ ແລະ ໃນທີ່ສຸດ, ຜົນເສຍຫາຍຈາກສົງຄາມການຄ້າຈະແມ່ນປະຊາຊົນອາເມຣິກາເປັນຜູ້ແບກຫາບແຕ່ພຽງຝ່າຍດຽວເທົ່ານັ້ນ. ໂລກາພິວັດ ແລະ ການຫັນເປັນຫຼາຍຝ່າຍແມ່ນກະແສສາກົນທີ່ບໍ່ສາມາດຕ່າວປີ້ນໄດ້, ສົງຄາມການຄ້າຈະມີຜົນກະທົບຕໍ່ເສດຖະກິດໂລກຢ່າງໜັກໜ່ວງ ຈຶ່ງຈະຕ້ອງຖືກຄັດຄ້ານໂດຍທົ່ວໄປໃນຂອບເຂດທົ່ວໂລກຢ່າງແນ່ນອນ.
ຄຳເຫັນ
0