ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ຕຸລານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ: ກອງປະຊຸມກົນໄກປຶກສາຫາລືບັນຫາທະເລຈີນໃຕ້ລະຫວ່າງຈີນ-ຟິລິບປິນຄັ້ງທີ 3 ຈະຈັດຂຶ້ນຢູ່ຈີນໃນວັນທີ 18 ຕຸລາໜ້ານີ້.
ທ່ານລູ້ຄ່າງໄດ້ໃຫ້ສຳພາດຕໍ່ນັກຂ່າວວ່າ: ພາຍໃຕ້ຄວາມເອົາໃຈໃສ່ຂອງຜູ້ນຳສອງປະເທດຈີນ-ຟິລິບປິນ, ສອງຝ່າຍໄດ້ສ້າງຕັ້ງກົນໄກປຶກສາຫາລືບັນຫາທະເລຈີນໃຕ້ຢ່າງເປັນທາງການໃນຕົ້ນປີ 2017, ໂດຍຜ່ານເວທີນີ້ສອງຝ່າຍໄດ້ແກ້ໄຂຄວາມຄິດເຫັນທີ່ຂັດແຍ້ງກັນຢ່າງເໝາະສົມ, ຊຸກຍູ້ການຮ່ວມມືຕົວຈິງທາງທະເລ ແລະໄດ້ຮັບຄວາມຄືບໜ້າຢ່າງຕັ້ງໜ້າ.
ທ່ານກ່າວຕື່ມວ່າ: ສອງຝ່າຍໄດ້ຕົກລົງຈັດກອງປະຊຸມກົນໄກປຶກສາຫາລືບັນຫາທະເລຈີນໃຕ້ຄັ້ງທີ 3 ຢູ່ຈີນໃນວັນທີ 18 ຕຸລານີ້. ທ່ານຂົງຊວນໂຢ ຮອງລັດຖະມົນຕີກະຊວງການຕ່າງປະເທດຈີນ ແລະທ່ານເອນຣິກ ມານາໂລ ຮອງລົດຖະມົນຕີກະຊວງການຕ່າງປະເທດຟິລິບປິນພ້ອມດ້ວຍຄະນະ ກໍຄືຜູ້ຕາງໜ້າຈາກອົງການຕ່າງໆຂອງລັດຖະບານສອງປະເທດເຊັ່ນການປ້ອງກັນປະເທດ, ຊັບພະຍາກອນທຳມະຊາດ ແລະການຮັກສາສິ່ງແວດລ້ອມ, ການປະມົງ, ການຄົມມະນາຄົມຂົນສົ່ງ, ພະລັງງານ, ຕຳຫຼວດທະເລ ແລະອື່ນໆຈະເຂົ້າຮ່ວມກອງປະຊຸມດັ່ງກ່າວ.
ຄຳເຫັນ
0